====== දසිස් 3 ======

( දෙවන කොටස හා සබැඳි )
.
– දස වැන්න රාවණය ! ඔහු තමන් තුල එය ගබඩා කරන ලදී. හෙතෙම අවසන තම සිරුරින් මිදී සරන්නට පටන් ගති.
+ ඒ කියන්නෙ මහා රාවණ තාම ඉන්නවා
– හැමදාටම ….. !
+ මට හමුවන්නට පුලුවන්ද ?
– මා නුඹට කියමි.. බ්‍රහ්ම මවයි, විෂ්ණු පවත්වයි ශිව විනාසකර දමයි.මා බ්‍රහ්ම ගේ කොටසේය.
එහෙත් රාවණ යුධයට පෙර බ්‍රහ්ම ලොව සිට මා කැඳවන ලදී. එතැන් පටන් මා රාවණ සේනාවේ සෙන්පති චක්ෂු නම් විය.
රාවණ රජුන් තම ශක්තීන් නවය විසිරුවා හැරීමට ප්‍රථම රාත්‍රියේදී මා වෙත දුන් උපදෛස් පිලිපදිමින් සිටින්නෙමි.
රාවණ රජුන් නුඹට නිසැකවම හමුවිය හැකිය වේලාව එළැඹි කල්හි මා එය පවසන්නම්.
+ ඒ කිමෙක්ද ?
– මේ ශක්තීන් නවය හෙළයත් ගෝතමයන්ගේ ධර්මයත් පවතින තුරාවට මෙ ලක සැරිසරන්නේය.
එසේ සැරි සරද්දී එක් එක් අවස්ථාවල හෙලයටත් ගෝතම ධර්මයටත් කැලැල් – අසීරැකාල වකවානු එනු
නියත බැවින් ඒ ඒ කාල වල මේ නවය එක් තැන් වන්නේමය.
නමුත් ඒ එක් තැන් වීමට රාවණ තුල ඉතිරි වූ දස වැන්න අවශ්‍යහ.
ඒ බලය අවැසි තැනැත්තාට දීම මගේ රාජකාරිය වන්නේය. රජුනි මා, නුඹ හදුනන ථේරපුත්ථාභය ඒ පණිවුඩ කරුය.
එකල චක්ෂු නම් විය.
පවත්නා යුද්ධය නිමා කර රට එක්සේසත් කිරීමට නුඹ හට දසිස්ගේ සේවාව ලබා දීමට මහා රාවණයන් කැමත්තෙන් සිටී.
ඒය තීරණය වන්නේ නුඹ උපන් වේලාවේ සිටමය.
නන්දිමිත්රන , සුරනිමල ,මහාසෝන, ගෝඨයිම්බර, මහාභරණ, වේළුසුමන, කච්චදේව, ඵුස්සදේව,
ලභියවසභ යනු නව බලයන්ය. ඔවුහු මනුශ්‍ය වෙසින් පැමිණි රාවණ අවතාර ලෙස නුඹට දැකිය හැක.
නුඹ අබිප්‍රායක් වේ නම් දස වැන්න නුඹට දෙමි. එවිට දසිස් ශක්තීන්ගෙන් සේවය ලැබෙනු ඇත.
+ චක්ෂු. මා මෙයින් පසු එනමින් ඔබ අමතන්නද රාවණ රජුගේ සමීපතමයෙකු හට එසේ ඇමතීම මට මහත් ගෞරවයකි..
– එය මටද සතුටකි..
+ ඔබ පවසන දස බලය, එය දැරිය හැකිද ?
– බිය නොවන්න , මා ද සිටිමි.. දැරිය නොහැක්කෙකුට රාවණ නිරිඳු කිසි විටක බලය නොදෙන්නේමය.
නුඹ ඔහුගෙන් බිඳි ආ භව පරපුරකැයි සිතන්න. නුඹ තුල ශක්තිය ඇත.
+ එසේ පරපුරක් ගොඩ නැගෙත්ද ?
– එසේය … නුඹ සිත්නනේ නුඹගේ කිසිදු බැඳීමක් හෙල යක් පරපුර හා නැති බවද ?
+ නොදන්නෙමි..
– ඒ නුඹ මෑණියන් වහන්සේය. ධීර වීර කාන්තාව ඇයය. උප්පත්තිය කලයාණ පුරයේය.
යක් පරපුරේ ඇයිට නාගයන් හා විසීම නොහැකිය. තෙල් කටාරමෙහි වූ සිදුවීමත්
එයින් පසු නිකුම්භිලා දේවියගේ අභිප්රා යෙන් සයුර ගොඩ ගැලීමත් මවුතුමිය නැව් නැගීමත් ඒ නැව මේ රෝහණ පුරයට ලඟාවීමත් අහඹු යැයි නොසිතන්න.
+ ඒ සියල්ල සැලසුම් ව සිදු වූදේද ?
– ඒසේය.. බොහෝ කලකට පෙර වූ සැලසුම්ය.. සැබෑව නම් මෙලොව පෙර සැලසුමකට අනුව සිදු නොවන දේ නැති තරම ය.
නමුත් ඒ අනාගත සැලසුම සෑදැය හැක්කේ වත්මන අපටය.
+ මින් පෙරත් නුඹ දසබලයන් මෙහි පැමිණ ඇත්ද ??
– රජුනි අවශ්‍ය මොහතක දස බලයම මේ හෙලයට කැඳවීමේ වරම ඇත්තේ මා හටය.
ඒ නැතත් මොවුන් නව දෙන විටින් විට එක් අයකු දෙදෙනුකු ලෙස හෝ මෙහි ඉපිද ජීවත් වන්නෝය.
අනෙකුන් එක් එක් දෙවුලෝ බ්රලහ්ම ලෝ තුල ඉපිද මෙ දෙස බලාසිටින්නාහ.
මේ හෙලය , කස්සප බුදුන් – ගෝතම ධර්මය – මෛත්‍රී ධර්මය නැසීයාමට ප්‍රථම එය රැක ගැනීමට දොලොස් වතාවක් මෙහි පහලවිය යුතුය..
+ දොලෙස් ??? එය නියමිතද ??
– එසේයැ. ඒද රාවණ අණයි.. නුඹ සතු රැද්‍රා මාලාවෙහි. කීයක් වේද රජුනි.
+ සීයකුත් අටකි… !
– එද රාවණ සිද්ධි යකි .. නමුත් නුඹට අමතක වුවේය එහි එකසිය නවයකි.
එකැසිය අටක් අවසන් වු තැන ඒ සියල්ල එක කරන අයුරින් වෙනම තවත් එක් රුද්‍රාවක්ද ඇත.
+ එසේය.. මට එය මගහැරුණි
==========
— කුරුළු–
#දසිස් #රාවණ #රාවන #කුරුළු #rawana #ravana
( උපුටා ගැනීමේදී කතෘ අයිතිය සුරකින්න )