==========================
- මේ නවයම එක් තැන් වූ විටයි දසිස් රාවණ උපදීන්නේ..
+ ජයම වේවා... අප සියල්ලන්ටම .. රාවණ ශක්තිය ලැබේවා.
- නුඹටත් ජයම වේවා...
+ දැන් මේ මාගේ දස මහා යෝධයන් වන නුඹලා සතුව ඒ දැනුම ගබඩා වී ඇතිද . ඒ එලාර යන් සමග යුධයට ප්‍රයෝජන වන්නේ කෙසේද ?
- රජුනි දැනුම පමණක් නොසැහේ. ඊට බලයද අවශ්‍ය ය. එවිටයි ඒ ක්‍රියාත්මක වන්නෙ..
+ අසා සිටිමි...
- අප දසිස් රාවන යන්ගේ දස විද්‍යා අවතාර වන්නෙමු. නන්දිමිත්‍ර , සුරනිමල ,මහාසෝන, ගෝඨයිම්බර, මහාභරණ, වේළුසුමන, කච්චදේව, ඵුස්සදේව, ලභියවසභ යන්නවුන් සතුවද ඒ එක් එක් යුධ උපක්‍රම , හැකියාවන් ඇත. ඔවුහු එක් එක් යුධ ශිල්ප පුහුනුවෙන් කෙලපැමනියෝය.
මා ඒද එකින් එක විස්තර කරන්නෙමි...
+ ඉවසනු.... නුඹට පානයට සඳහා යමක් ගෙන ඒමට අණ කරන්නෙමි..
--------------------------
- නුවුමනාය. සයනයෙහි මුල ඇති කෙන්ඩියෙන් පැන් ඇති යැයි සිතමි. ඒ සෑහේ.
+ අහ්.. නැත අභය මා ඒ සියල්ල පානය කලා නින්දට පෙර. මා නැවත ගෙන්වා දෙන්නමි
- සොලවා බලන්න.. බිඳකුඳු සෑහේ
+ ඕහ්... එය නැවත පිරී පවතී... මා එය හිස් කල බව හොදාකාරවම මතකයි
- රජුනි දැහැමි වන්න.. නිසල වන්න එවිට මේ සොබාදම් මෑනියන් ඔබ ඉල්ලන්නා වූ සියලු දෑ ඔබට පෙරලා ලබා දෙනු ඇති...
+ එසේමැයි.. මෙන්න..
- ජය...
+ එසේනම් අභය අප මෙය ක්‍රියාවට නංවන්නෙ කෙසේදැ.
- ක්‍රියාවට නැංවීමට ප්‍රථමව කල යුතු වැඩ රාජකාරි බොහොමයක් ඇත.
+ ඒ කිමෙක්ද
- ඔබ අප දස දෙනා ගැන සැකෙවින් දැනගත යුතුය. ඒ ඒ කෙනා සතු හැකියාව බලය ශක්තිය ඔබ වෙන වෙන ම දත යුතුය නොඒසෙව කෙසේද ඒ බාවතයට ගනුයේ
+ එයත් සැබැය
- ඊටත් පළමුව ඔබ වහන්සේ මේ සදහා සූදානම් විය යුතය.. මා ඒ කරන්නමි
+ ඒ සදහා මගක් වේද
- එසේය .. අප සූර්ය දෙවොලට යා යුතුය..
+ ඒ කොතැනද ?
- නිසි වේලාවට මා එහි රැගෙන යන්නම්.. ඔබ වහන්සේ රාවණා රජුන් නොපිදිය යුතුය.. ඊට පෙර මහා නිකුම්භිලා දේවිය පිදිය යුතුය.. ඒ මක්නිසාද එතුමිය රාවනා මහරජුගේත් ඔහු පුත් මේඝනාදයන්ගේත් නිතර වැඳුම් පිඳු ලැබූ තැනැත්තියක් වීමත් මේ හෙළ දෙරනේ ඈත අතීතයේ සිටම හෙළයන් වන්දනා මාන කරන්නාවු දේවියක් වන නිසාවෙනි. මේ දස විදයාවන්හි, මහා දැනුමෙහි මහා නිර්මාතෘනීන් නිකුම්භලා මෑනියන් වහන්සේයි.
+ ඔබගෙන් දත යුතු කරුනු ගොඩ ගැහෙනවා මිස අවසානයක් වන්නේ නැත අභය..
- කාලය තිබේ රජුනි ඇති තරම්..
+ හහ් හහ් හ්හ කාලය... ඔබට නම් කාලය යනු පාලනය කල හැක්කක් එත් මා හට
- කාලය යන්න පාලනය කල හැක්ක් නොව ඒ එහි හැසිරීම අවබෝධ කර ගත හැක්කකි. අනෙක ඔබද මාද යනු දෙදෙනෙකු ලෙස ගත නොහැක.
+ එසේනම් අසමි.. ඔබ පෙර කී නව විද්‍යාවන් ගැන
- අසන්න
+ අශෝක රජු එය මහ ජනයාගෙන් ඇත් කොට තැබුවේනම් එය අශෝක රජු උගත්තේද ?
- නැත අප එයට ඉඩක් නොතැබීමු. දැනුම එකතු කල පසු අප කාලය හා මුසු වූවෙමු ඒ නිසා එදාටත් අදටත් මතු අනාගතයටත් ඒ නව දෙනා යනු අශෝක රජුගේ නම නොදත් නව දෙනෙක් වනු ඇත.
+ හ්ම්..
- එසේනම් කිසිවෙකුත් මේ විදයාවන් ගැන නොදන්නේද ? රාවණාගෙන් පසු.. මා අදහස් කලේ නිකුම්භිලා දේවීන්ගෙන් පසු රාවණා ද? ඉන් පසු රාවණයන්ගේ අන නිසා අන් කිසිවෙකුටත් එය නොලැබිණිද ??
- මා එසේ පැවසුවේද ? රාවණයන්ට පවා නැවැත්විය නොහැකි අවස්ථා තිබේ රජුනි. ඒ මේ මහා ස්වාබාව ධර්මයේ කැමැත්තයි... නිකුම්භිලාදේවියන් පවා මේ මහා සොබා දහමට යටත්ය.. මෑනියන් දස විද්‍යාව සොයා ගත්තා සේම රාවණයන් ඒ උගත්තා සේම .. රාවණයන්ගේ අවෑමෙන් වා තලයට මුසු වී නැවත අප අතරෙහි පමනක් පවතින්නා වූ මේ ශක්තීන්.. නැවත එක් රැස් කල මහා පුරුෂයන් සිටිත්..
+ චණ්ඩාශෝක හැරුනු කොට තවත් මහා යුධ තිබුනිද මේ නව විද්‍යා පහල වීමට තරම්..
- රජුනි මුලා නොවන්න.. අවබෝධයට ගන්න.. මේ නවයක් වූ විද්‍යා යනු මේ විශ්වයේ සත්‍ය දැනුමයි.. පිරිසිදු සදාතනික ශක්තියයි.. ඒ යුද්ධය සදහා බාවිතා වන්නක් නොවේ.. ඒ භාවිත වන්නේ ඒ ඒ අවස්ථාවට මේ විශ්වය තුලිත විය යුතු ආකාරයටයි..
+ එසේ නම් යුද්ධයට යොදාගන්නේ ඇයි..
- යුද්ධයකින් වුව තුලිත වේ නම් ඒ දැනුම යොදවන්නෙමු..
+ හොදයි.. මේ එසේ තුලිත වීමක් නොපතන බලය පමණක් පතන කෙනෙකුට ලැබුනහොත්.. මක් නිසාද ඔබ පසනාකාරයට යෝගී වීමෙන් ධ්‍යාන පිරීමෙන් මේ ලැබිය හැකියි..
- හහ් හහ් හ්හ් එය වැලැක් වීම සඳහායි දසිස් රාවණයන් විිසින් ඒ දස විද්‍යාවන් පමණක් මුදා නොහැර ඔහුගේ ආත්මීය කොටස් එකතු කර මේ නව දෙනකේ නිර්මාණය කර චිත්ත පරම්පරාවක් ඇති අවැසි තැන අවැසි කයක් ගත හැකි, ආරූඪ විය හැකි, අරක් ගත හැකි දස බලයන් නිර්මාණය කලේ..
+ එතකොට ඔබ ??
- මා දසිස් රාවණයන්ගේ සේනාධිපති චක්ෂූ නම් වෙමි ..! මා ඒ පණිවිඩය ගෙනයන්නා පමනි ..... මේ යුද්දයෙන් පසුද මා පැවිදි වෙස් ගනිමි.
+ නුඹට මහා පින් ..! ථේරපුත්ථාභයනි..
- නුඹටත්...
+ එසේනම් නුඹගේ විස්තරයට අනුව තවත් මේ විද්‍යාවන් ගේ දැනුම සොයාගත් පුද්ගලයින් මෙලොව සිටියා..
- එසේමැයි..
+ ධර්මාශෝක නෙවේ නම්.. ඒ ඊට පෙර කෙනෙකුන් විය යුතුයි..
- එසේමැයි.. රජුනි නුඹ දන්නෙහිය
+ මා දන්නා කෙනෙකු ??? කවුරුන්ද ??
- ගිහිකල හේ කිඹුල්වත සිද්ධාර්ථ නම් විය ය ..!
+ කු...කු....කුමක්ද අභය ...!...
- එසේය රජුනි.. මෑතදී මේ ස්වාභාවධර්මයේ පවතින්නා වූ සියලු විද්‍යාවන් සියලු දැනුම අතෙහි වූ ඇඹුලක් සේ දත් එකම පුද්ගලයා ඔහුය.. ! මහා ශ්‍රේෂ්ඨ ශාස්ත්‍රෑන්වහන්සේ උන්වහන්සෙය....
" සිද්ධාර්ථ ගෞතම " නම් විය ...!
===================== සෙස්ස පස්සට
- කුරුළු -
No comments:
Post a Comment