===== දසිස් 23 =====

( විසිදෙවන කොටස හා සබැඳි )
==============================
+ඔහ් මා උදෙසාද කුමනත්‍රණයක්ද ?
– නැත ඔබ වහන්සේ ඒ හා ඇලෙන්නෝය.. ! පෙර නා ලොව විසූ ඔබ වහන්සේගේ ජන්මයෙහි පුරුද්දකි, ඔබ වහන්සේ එයින් චුතව මෙහි නාග ගෝත්‍රික විහාර දේවින්ට දාව ඉපදුනද එහි ඔබ හා විසූ වන් ඔබ බැහැ දැකීමට තව නෙබෝ කලකින් රට එක්සෙසත් කොට බුදු දහම පිහිටවූ පසු මේ හෙලයට බසින්නෝය.. ඔවුන් හා නොඇලෙන්න..
+ හොදමයි මා එය සිහියේ තබා ගන්නම්. ඒ ඇරත් ඒ කලටත් මා සිහියේ පිහිටු වීමට අභය සිටිනවානේ
– නැත ඒ කල්හි අප නැත. අපගේ කාර්යය ස්වර්ණමාලී නම් මහා චෛත්‍යය ඇරඹුනු පසු අවසන්ය.
+ අහෝ… ඔබ කොහි යන්නහුද
– අවසර මා පැවිදි වෙස් ගනිමි.. තේරපුත්තාභය නම් වෙමි.
+ පැවිදිව මෙහි අවටම විසිය නොහැකිද ? මා රාජාන්‍රගහයෙන් අරමක්ද ඉදි කරන්නම්
– රජුනි ! අනුග්‍රහය අගයමි.. ඇලීමෙහි , නොඇලෙමි.
+ හ්ම්…
—————————————– අද එතැන් සිට
+ හ්ම් . එසේනම් මා නොඇලී පසුවන්නමි. වෛරද නොකරන්නෙමි.
– හැකිනම් එක එල්ලයේ ඔවුන් දෙස නොබලා සිටින්න.
+ ඒ කිම
– ඒ ද ඇලීමය..
+ ඇලීම යන මුසු වීමය. කතා බස් කිරීමය. එක්ව වැඩ කිරීමය. අල්ලාප සල්ලාපයෙ ්යෙදීමය හිතවත් වීමය ෛවර කිරීමය..
– නාගයන් සම්බන්ධව එපමනක් නෙවේ රජුනි. මහාභරණ යෝධයා ගැන සඳහන් කරන විට මා ඒ ශක්තිය ගැන බොහො කරුණුද ඇතිව පහදන්නම්.
+ නාගයන් සම්බන්ධව වෙනස් වනුයෙ කෙසේදැයි නොතරේ අභය
– රජුනි නාගයන් නාගයන් හා නාගගෝත්‍රික සම්භවයන් ඇත්තවන් හා විශේෂ හැකියවන් ඇත. ඉන් එකක් නම් ඔවුන් සතු ” ඉව ” යි. නුඹ ඔවුන් දෙස එක එල්ලයේ ඔවුන් දෙස බැලිය යුතු ම නෙවේ. කොහේ කොතැනක හෝ ඔවුන් පෙනෙන මානයක සිට ඔබ ඔවුන් දෙස බලා සිටින්නේනම් ඒ බව නාගගෝත්‍රිකයන් හට දැනීමේ ඉවක් ඇත.
+ මුහුනට මුහුන නැතත්
– එසේය පිටුපසින් වුවද දැනේ ඔබ පිටුපසින් වන ලංවීමේදී එකෂණිකවම ඔබ දෙස බලනු නිසැකය. ඔබ ඔවුන්ට පහර දීමට ආපදාවක් කිරීඹට සිතන්නේ නම් ඔබගේ දෑසින් ඔවුන් දෙස නොබලා එක් වරම පහර දෙන්න. අඩපණ වූ පසු හෝ කල බල වූ පසු පෙර කී ඉව ක්‍රියාත්මක වන්නේ නැ.
+ ම්… ඔය නාගයන් කෙරෙහිද මනුෂ්‍යන් කෙරෙහිද
– නාගයන් හා නාග ගෝත්‍ර්ක මනුෂ්‍යන් කෙරෙහිය. ඔබට නාග ගෝත්‍රිකයෙකු හදුනා ගැනීඹට අවැසි නම් මද වේලාවක් ඔවුන් දෙස බලා සිටින්න ඒඇසිල්ලක් තරම් වන කාලයක් විය හැක. නමුත් ඒ කාලය තුල ඔහු හෝ ඇය නැවත ඔබ දෙස බලනු ඇත. එසේ ක්ෂණයකින් ඔබ දෙස හැරී බලන්නෝ නාග ගෝත්‍රිකයෝය. ඒ ඔවුන් ඔවුනගේ “ඉව ” හා උපතින් බැදුනු ප්‍රතික්‍රියා දැක්වීමකි.
+ ඔහ්හෝ… යම් යම අය ගැන සිදුවීම් මතක ඇතත් ඒ ඔයාකාරයයැ නොසිතුනි. මෑණියන් සම්බන්ධවනම් මතකයට නැගේ
– ඒ කුමක්ද
+ හහ් හහ් හහ් කිසිදිනක ඇයට නොදැනි පිටුපසින් ගොස් වැලද ගැනීමට නොහැක.. ඇසිල්ලකට පෙර හෝ හැරෙන්නීය නැතහොත් නම අඩගසන්නිය.
– හහ් හහ් හහ් ඒ මැණියන් කෙනෙකුගේ ලබැදියාවයි රජුනි.
+ හොදයි ඒ පහර දීමකදී නම් නේ අභය. ඒ හැර ඇලීම ගැන කෙසේද?
– රජුනි.. පෙර කීවාක් ලෙස ඔවුන් ෙදස එක එල්ලයේ නොබලන්න.
+ ඒ කිම
– බඩාත් භයානක වනුයේ ඔවුනගේ දෑස් දෙස එක එල්ලයේ බැලීමය.
+ එවිට
– එවිට… ? එවිට ඔවුන් ඔබව වසගයට ගනු ඇත..
+ හහ් හහ් හහ් හහ් ඒ ස්ත්‍රීන් පමණක්මය අභය..
– සුලු කොට නොතකන්න රජුනි.. ” ඒ ” අඳුනය” . අඳුනෙහි ශක්තිය ඔබවත් මා වත් තවම නිසිආකාරයෙන් විඳ නැත. මා දන්නේද සදහන් කරුණු පමනි.
+ අභය ඔබ පවසන්නේම එය බැරෑරැම් කොටය.
– එසේය. ඔබ නාගයන්ගේ දෑස දැක නැතිද. ඒ ප්‍රිය උපදවන සුළුය ඇද බැද ගන්නා සුලුය. ස්ත්‍රියකගේ දෑස වෙන කවර සතත්වයෙකුට උපමාකලත් නාග ගෝත්‍රික ස්ත්‍රිතන් හා මනුෂ්‍යන් ට ඇත්තේ නාගයන්ගේ දෑස්ය. නාග ගෝත්‍රික ඒ බලය සහිත ලේ ධාතු පරම්පරාව හා බැදි කෙනකුගේ දෑස දෙස නිකමටවත් එක එල්ලේ නොබලන්න රජුනි. ගැටලු රාශියකට ඒ මුලය. !
+ ඒ ගැන සිතා නැත. පළමුව අප වශීවන්නේ දෑසටය . ඒ ස්ත්‍රීන් කෙරෙහි පමණක්ය යැයි සිතුවත් දැන් ඒ පිරිමින් කෙරේද එසේ විය හැකි බව දැනේ.
– ඔවුහු ඒ ඇසට ඇස ගැටෙනා තත්පරයට නුඹ මනස තුලට එබෙන්නෝය. එය මායාවකි. එයිනුත් පසුව නුඹ ක්‍රියා කරනුයේ ඒ පුද්ගලයාගේ සිතැගි අනුව මිස ඔබට කල හැක්කක් නොවේ.
+ මලය දේශයේදී ගැහැනු මායම් හා ඒ මගින් රවටා පිරිමින් ඇද බැද වැඩ ගන්නා කතාවක් අසා තිබුනි. මේ ඒ ශාස්ත්‍රයද ?
– සමාජයේ ඇතැමුන් මේ පහත් කොට සරදමකට ලක් කෙරුවත් සත්‍යය එයයි. ඒ දෑසේ අඳුන කෙරෙහි බැදීම , බැදීමක් යැයි නොසිතෙන අයුරන් ම ඒ හා බැදේ. ඉන් පසු අන් කිසිවෙකුගේ අණ නොතක අතර විනාශය කරාම ලගාවන්නේමය.
+ ඔහ්..
– තවද , එසේ අදුනකට ගොදුරැ නොකොට ගෙන ඔබ මනස තුලට රිංගා ඔබට වෙනම මනංකල්පිත ලෝකයක අතරමං කර ආ හැකිය. එවිට ඔබ සිරුර නිසලව භෞතික ලෝකයේ ගල් වී තිබෙත්දී , මනසින් ඔබ ජීවිතය විඳිමින් සිටිනු ඇත. ඔබ අඳුනට අසුවු නාග ඇස් වල උවමනාව අනුව ඒ සුවය ඇති මනෝ ලෝකයක් හෝ අවීචි මහා නරකාදිය තරම් මානසික පීඩාකාරී අඳුනක් වුද මවා පෙන්විය හැකිය.. කෙසේ වුවත් සිදුවන්නේ සිරුරට ආහාර පාන නැතිව කෘෂ වී මිය යාමයි. එතෙක් මානසිකව විඳවන්නෝය..
+ අහෝ නාගයන්ගේ ශක්තිය…
– මේ දැසේ ශක්තිය පමණකි.එයට ” මෝහන” ශක්තිය යැයි කියනු ලැබේ. ඔබ නිද්‍රාගතව පසු වනු අනෙකුන් දුටුවත් මනසින් ලෝකය විඳිමින් සිටිනු ඇත.
නාගයන් හා ගෝත්‍රිකයන් සුලු කොට නොතකන්නැයි පැවසුවේ එහෙයනි. ඔබ තුලද මැණියන් සතුව ඇති යම් යම් නාග ගෝත්‍රික ලේධාතූන් ශක්තිය මිශ්‍ර වී ඇතැයි සිතමි. ඒ උලුප්පා එලියට ගැනීඹ මහාභරණ සිදු කරනු ඇත.
+ ස්තුති වේවා… මෝ මෝහන අඳුනට අල්ලා ගැනීමට දෑසට දෑසක් කොතරම් වේලාවක් අසුවිය යුතුද ?
– අඳුන ප්‍රගුන කලෙකුට නම් ඇසිපිල්ලත් ඇතිය. !
——– කුරුළු —
======================
දසිස් සියල්ලම විඳින්න වෙබ් එකට යන පාර -
http://www.kurulu.lk/2018/06/09/dasis-23/
.
- Android App එක දාගන්න.. -
දසිස් විඳින්න වෙබ් එකට යන පාර -pps/details?id=io.kurulu.app