( දහයකුත් පහක්වන කොටස හා සබැඳි )
==========================
– රැද්‍රාවක ට මුහුණු ඇත. ඒ එකෙහි සිට විසි එකක් දක්වා තිබේ.එ හෙත් එකෙහි සිට දහය දක්වා මහා බලයක් පිහිටනු ලබයි. බොහොමයක් රුද්‍රාවන් දුලබය. එක් එක් මුහුණකින් ඒ ඒ රුද්‍රාවෙහි බලය කියැවේ..
+ ඔහු එසේ නම් මා සතුව… ගැන බලන්නෙමි… දහයකි..! හරියටම මුහුණු දහයකි..!
– මා සිතූ සේමය…. ! නව ගුන වැල පිළිබදව නුමට මතකැතැයි සිතමි.. අප නව දෙනා දොසොස් වතාවක් මෙලොව පහල වන්නාහුය ඒ සිද්ධි කිරීමට පහලවීම් ගුණාකාර අනුව එකසිය අටක රුද්‍රාමාලාවක් රාවණය්න් නිපදවීය. එහි සැබැවින්ම රුද්‍රාවන් එකසිය අටක් නොව නවයකි. එනම් එකසිය අට එකතු වන තැන අලලා ඒ සියල්ල එක් කොට ඇති බලගතු රුද්‍රාවයි. ඒ නුඹට ලැබී ඇත..! ඉදින් අප ශක්තීන් සියල්ල එක් කිරීමේ ශක්තිය නුඹට ලැබී ඇත්තේ මීට බොහෝ කලකට පෙරය. නුඹ විසින් සිදු කල ප්‍රාර්ථනාව ඉෂ්ට සිද්ධ වෙමින් පවතී.. එය එසේම වේවා ..!
+ එසේනම් ඒ පැමිණියේ කවුරුන්ද ?
– අන් කවරකුත් නොව ත්‍රි මූර්තියේ මේ ලොව නිර්මාණකරු ලෙස හදුන්වන්නා වූ දසිස් රාවණ මහ රජාණන් වහන්සේගේ මුත්තනුවන්ගේ පියා වූ ද මහා බඹුන් ම ය ..!
—————————————– අද එතැන් සිට
+ මහා බ්‍රහ්මයන් වහන්සෛ්ද ? එ් භාවනාවත් හින්දුන්ගෙන් පැවතගෙන ආවක් තමා. සැබැවින්ම තේරපුත්ථාභයනි මේ ලෝකයෙහි ඇතිවීම පැවතීඹ නැවතීම තීරණය කරන්නුයේ ත්‍රිමුර්තිය වන මහා බ්‍රහ්ම - විශ්නු - ඊශ්වරයන් විසින්මද ?
- රජුි ඒ තමා දුරට මාගෙ අවබෝධයක් නැත එහෙමත් මෙපමණක් දනිමි එනම්, සමාජයක පාලනය විවිධාකාරව බෙදී පවතී. මුලින්ම පවුලක පාලනය, කුඩා ගම් මට්ටමින් ප්‍රාදේශිය වද , නගර පාලනය, රැහුනු මායා පිහිට පලාත් පාලනය ගැන උඹ දතැයි සිතමි ඉන් එහාට ඔබ වහන්සේ පතන්නා වු හෙලය ඒකත් ඡත්‍ර කිරීමෙන්ද එකම පාලනයකට යටත් වේ, ඊට අමතරව මේ ලෝකයම එක අණකට ගෙන චක්‍රවර්තී / සක්විති පාලනය ද, ඉන් එහාටත් ගියහොත්, මහා සම්මත මනු, හිරන්‍ය කාෂ්‍යප භිම කාශෂ්‍යප, බලි තරු රාවණ ආදී තුන් ලොව පාලනය කල පාලන ක්‍රමයන්ද තිබේ..
+ එසා විසාලව නොසිතුවෙමි.. ඒ ලෙස බැලු කල්හි රාවණයන් තරම් වීමට සීතිමට පවා බිය විය යුතුය. තුන් ලොව පාලනය යනු මනුස්ස ලෝකය දිව්‍ය ලෝකය හා අපාය යන්නද ?
- වන්නෙද නැත නොවන්නෙද නැත. ඒ විවිධාකයෙන් හදුන්වයි. ගෞතම බුදු දහමේ අයුරින් ගත් කල සත්ත්වලෝකය, සංස්කාරලෝකය, අවකාශ ලෝකයයි .. එය තව දුරටත් හදුන්වන්නේනම්..
කාම ලෝක එකොලහකි.
මිනිස් ලෝකය
තිරිසන් ලෝකය
නිරය
ප්‍රේත ලෝකය
අසුර ලෝකය
චාතුර් මහා රාජික දිව්‍ය ලෝකය
තාවතිංස දිව්‍ය ලෝකය
යාම දිව්‍ය ලෝකය
තුසිත දිව්‍ය ලෝකය
නිම්මානරති දිව්‍ය ලෝකය
පරනිම්මිතවසවර්ති දිව්‍ය ලෝකය
ඔබ වහන්සේ දන්නා ලෝක අයිති වන්නේ මේ ලෝක වලටය. එහෙත් ඒ සියල්ලම එකම කුලකයක් ලෙස දැක්වේ . ඊට අමතරව තමත් ලෝ කුලක දෙකක් ඇත.
රූප ලෝක දහසයයිකි
බ්‍රහ්මපාරිසජ්ජය
බ්‍රහ්මපුරෝහිතය
මහාබ්‍රහ්මය
පරිත්තාභ
අප්පමාණභ
ආභස්සරය
පරිත්තසුභ
අප්පමාණසුභ
සුභකිණ්ණ
වෙහප්ඵල
අසඤ්ඤසත්තය
අවිහ
අතප්ප
සුදස්ස
සුදස්සී
අකනිටිඨ
එමෙන්ම ,
අරෑප ලෝක හතරයකි
ආකාසානඤ්චායතනය
විඤ්ඤාණඤ්චායතනය
ආකිඤ්චඤ්ඤායතනය
නෙවසඤ්ඤානාසඤ්ඤායතනය
+ හහ්.. හහ් .. හහ්.. හහ්.. හහ්.... මා මිතුරු ථේරපුත්ථාභයනි නුඹ නම් දැනුම් ගබඩාවකි. එහෙත් මට මේ ටිකත් දැන්ම බර වැඩියැයි සිතමි. මේ රෑ බෝ සේ දිගු වේ යැයි සිතමි..
- අසන්න ඔබ මාගෙන් විමසන ලදුයේ බ්‍රහ්ම විශ්නු ඊශ්වර ගැනය ඔවුන් මේ තුන් ලෝකයටත් ඉහලින් මහා චක්‍රාවාට පරිමාණයෙන් පාලනය කරන්නෝ යැයි සිතමි.
+ ඒ කෙසෛ්ද තවත් පාලනයක් ? පෙර කී කාම ලෝක තුල ඇතුලත් දිව්‍ය ලෝක වල මේතුන් දෙනා නොසිටිත්ද ?
- නැතැයි සිතමි ඒවායෙහි පවතින්නේ මොවුන්ගෙන් පවතින්නන්ය. මා හැදින්වුවාක් මෙන් රාවණ නිරිදුන්ගේ මුත්තා වන පුලස්ති රිෂිතුමාගේ පියා වන්නේ මහා බ්‍රහ්මයි. එපමණක් නොව පුලස්ති ඍෂි හැරුනු කොට ඔහුට තවත් පුතුන් විස්සක් පමන සිටි බවට අසා ඇත්තෙමි.
+ එසේනම් පුලතිසි ඍෂි ගෙන් විශ්‍රව යන්ද රාවණයන්ද ආදී කොට ගෙන අප බිහිවුවාක් මෙන් අනෙක් පුතුන්ගෙන් අනේක් පිරිස් බිහි වූ බවද ඔබ පවසන්නේ..
- ඒ මේ මනු ලොව පමණක් නොව පෙර කී තුන් ලොව වසන සියළුම සතත්වයන් ගේ ඇතිවීමද විය හැකිය.. බාගදා තවෙකක් විය හැකිය,
+ තවෙකක් ,
- එසේය, මේ අප වැන්නවුන් සේම මේ ලොව හෝ වෙන යම් ලොවක ඉපිද මේ ඔබ වහන්සේ හෙලය එක්කොට පාලනය කරීමට වෙහෙසනවා සේම පිලිවලින් ගොස් තුන් ලෝකයත් අභිබවා ජය ගත් තිදෙනුකු විය හැකිය. ඔබ වහන්සේද මේ හෙළය එක්ඡත්‍ර කල පසු බුදු දහම වපුරන්නෝය, යහපත වපුරන්නෝය, නුඹ යටතේ සිටින්නාවූ සියලුම ජාති, කුල වලට අයත් මනුෂ්‍යන් සේම සත්ත්වයන්ද රැක බලා ගන්නාහුය දුකට පිහිටවන්නාහුය. ඔවුනගේ රැක වලා වීම ඒ බලාපොරොත්තුවයි. ඒ වෙනුවෙන්ම ඔබ වහන්සේද කැප වන්නේය. ඒ එලෙසින්ම ඊට ඉහලින් සිතන්න. තුන් ලෝකයටත් ඉහලින් සිට ඒ දිනා ගත් පසු ලෝකය පාලනය කරන්නාවු තිදෙනෙකු ගැන. ඔවුනට අනෙක් සියල්ලෝම ඔවුනගේ දරුවන්ය.
+ මහානිකුම්භිලා දේවී ???
- මැනියන් ගැන පැහැදිලි අවබෝධයක් හෝ ඇය සිටියා යැයි පැවසෙන කාල නිර්නයක් නැත. මාගේ අදහස නම් මේ ත්‍රිමූර්තියේ ශක්ති ප්‍රභවය ඇයයි. ඇගේ දරුවන් තිදෙනාට මේ බෙදි ගියා විය හැකියි. එයින් පසු මේ චක්‍රාවාට දිනූ වා විය හැක. නැති නම් මවගේ පසු මේ තුන් ලෝකය තුල හටගත් විෂමය නැති කර දැමීමට බ්‍රහ්ම විශ්ණු ඊශ්වර ඉදිරිපත් වී දින්නා ද විය හැකිය..
+ ඔවුන් තිදෙනා දීනුවෙක් නැතිද ??
- අප රාවණ මහ නිරිදුන් දෙවැනි වන්නේ බ්‍රහ්ම විශ්ණු ඊශ්වර ත්‍රිමුර්තියට පමණකැයි අසා තිබේ. එහෙත් රාවණ නිරිදුන් දෙවියෙකු ලෙස වන්දනා මානා නොකරන්නේ ම ය. මා දන්නා අයුරින් මේ මහා දෙවි ත්‍රිත්වයටම ඇතැම් අවස්ථාවල අභියෝග කිරීමට , කරදරයක් වීමට පවා රාවණා තේජස විහිදුනි. බ්‍රහ්මස්රයත් විශ්ණු චක්‍රය හෙවත් සුදර්ශන චක්‍රයත් ඊශ්වර ත්‍රිෂූලයත් එකවර දැරිය හැකි හැසිරවිය හැකි තුන් ලොව කෙනෙකු වේ නම් ඒ රාවණ පමක්මය. එපමණක් නොව බොහෝ දෙවු ලොව දෙවි නමස්කාර පවා ලැබූ අසුරයෙකි.
+ හ්ම්... බ්‍රහ්ම ඇති කිරීමත් විශ්ණු පවත්වාගනෙ යාමත් ඊශ්වර නැති කිරීමත් යැයි අසා ඇත්තමෙි. ඇති කිරීම හා රැකීම ගැන සිතිය හැක එහෙත් නැති කිරීම? ඒ පාලනයද ??
- රජුනි හොද සේම නරකත් එකම කාසියක දෙපැත්තය. නැති කරනුයේ නරකයි.. මවන්නේ චිත්ත පරම්පරාවකින් යුතු සතත්වයන් සමූහයකි.
එහෙත් ඒ ලෝක න්‍යායන් අනුව හොද හා නරක ලෙස බෙදී ජීවත් වේ. පැවැත්මට හොද හා නරක දෙකම අවශ්‍යය. විසක් නැසීමට විසක්ම උවමනාය. හොද වැඩි වීමත් නරකක් විය හැක . යම් කිසිහෙයකින් නරක ම ඉස්මතු වී හොද යටපත්ව යා නම් ඒ ද අප වැනි රාවණ බලයන්ටත් පාලනය කර ගත නොහැකි තත්වයක් නම් ත්‍රිමූර්තිය එලි බසින්නෝය.
+ එසේනම් ත්‍රිමූර්තිය යනු රාවණයන්ට ඉහලින් සිටි පාලනාධිකාරියකි..
- ඉහලක් පහතක් නැත.. ඊට සමාන වූ එකම තැනැත්තා රාවණයන් පමණකි. හෙතෙම මනුෂ්‍යයෙකි. කිසි විටකත් දේවත්වයක් නොපැතූවෙකි. නිවන් මග පැතූවෙකි..
+ ඔහ්...... රාවන නිරිදුන්ද නිවන්මාර්ගය පැතුවේද මා ඒ ගැන නොදනිමි..!
- එසේය .. එහෙත් ඒ මේ තුන් ලෝ වැස්සන් සියළුම දෙනා නිවන් දුටු පසු අවසානයට තමන්ට නිවන් අත්වේවායි ඒ පැතුමයි. ඒ අවසාන සත්තවයා තෙක්ම හෙළය රැකීමේ පරම අදිටනයි.
+ ඒ නිසයි එතුමා කාෂ්‍යප බුදුන් වහන්සේ ගෙන් ධර්මය අසා නිර්වාණවබෝධය නොලද්දේ..?
- එසේය .. මතු බුදු බව ලැබීම පත්න්නා සේම ඒද සාදු චේතනාවකි. !
ත්‍රිමූර්තිය වන බ්‍රහ්ම විශ්ණු ඊශ්වර හා උසක් පහතක් නැත එහෙත් මහා දසිස් රාවණයන්න පිදිය යුත්තන් පිදූ මහා මනුශ්‍යයෙකි ..!
-----------------කුරුළු ------
.
දසිස් විඳන්න වෙබ් එකට යන පාර -
http://www.kurulu.lk/2018/
.
- Android App එක දාගන්න.. -
https://play.google.com/
No comments:
Post a Comment