===== දසිස් 12 =====

( එකොලොස් වන කොටස හා සබැඳි )
==============================
+ එසේනම් නුඹගේ විස්තරයට අනුව තවත් මේ විද්‍යාවන් ගේ දැනුම සොයාගත් පුද්ගලයින් මෙලොව සිටියා..
- එසේමැයි..
+ ධර්මාශෝක නෙවේ නම්.. ඒ ඊට පෙර කෙනෙකුන් විය යුතුයි..
- එසේමැයි.. රජුනි නුඹ දන්නෙහිය
+ මා දන්නා කෙනෙකු ??? කවුරුන්ද ??
- ගිහිකල හේ කිඹුල්වත සිද්ධාර්ථ නම් විය ය ..!
+ කු...කු....කුමක්ද අභය ...!...
- එසේය රජුනි.. මෑතදී මේ ස්වාභාවධර්මයේ පවතින්නා වූ සියලු විද්‍යාවන් සියලු දැනුම අතෙහි වූ ඇඹුලක් සේ දත් එකම පුද්ගලයා ඔහුය.. ! මහා ශ්‍රේෂ්ඨ ශාස්ත්‍රෑන්වහන්සේ උන්වහන්සෙය....
" සිද්ධාර්ථ ගෞතම " නම් විය ...!
-------------------------------------------- එතැන් සිට
+ එසේ නම් ඔබ පවසන්නේ අප මහා ගෞතම බුදු රජාණන් වහන්සේ ත් මේ දස විද්‍යාවන් දැන සිටි බවක්ද ?
- එය සේමයි.. දැන සිටි බව නොව අවබෝධ කොට ගත්හ. රජුනි..
මේ නවයක් වූ ලෝක සත්‍ය ඇතුලත් විදයාවන් ශක්තීන් යනු මේ මනුශ්‍ය ලෝකයෙහි පමණක් නොව සකල ලෝක ධාතුවෙහිම පවත්නා වූ පරම ශක්තීන් වේ. ඒවා කිසිවෙකුටවත් අයිති ද නොවේ ..!
+ රාවණ ?
- ඔවු.. ! භාවනා යෝගී හෝ ධ්‍යාන වඩවන ඔනෑම කෙනෙකුට එක්තරා මොහොතකදී මේ නවයක් වූ විද්‍යාවන් පිළිබව අවබෝධය විශ්වීය ශක්තිය ලැබෙනු ඇති. ඒ සිතනායුරින් ලේහෙසි නැත. මේ ලෝ ශක්තීන් පළමුවෙන්ම අවබෝධකොට ගත්තේ මහා නිකුම්භිලා මෑනියනුයි. නමුත් මේ හෙළයට පැමිනි ආක්‍රමණ නිසාවෙන් හෙල යකුන් පිදු ඒ අසුර පරපුරේ මෑනියන්ගේ නාමය වෙනස් කොට මේ වන තුරුත් මින් පසුවටත් දුර්ගා මැනියන් - කාලි මෑනියන් ආදී ප්‍රධානකොට නාමයන් 108 කින් හදුන්වනු ලබන්නීය..
+ ඔහ් මහා කාලී... යක්ෂ කාලී....
- හ්ම්.. මේ වන විටත් කාලි මෑණියන් රටවැසියා අදුන්වනු ලබන්නේ සාප කිරීම් බිය වැද්දීම් පලි ගැසීම් සඳහා පමණක් උපකාර කරන්නාවු මෑනියන් වහන්සේ කෙනෙකුන් හැටියටයි
+ ඒකනේ..
- ආ....ං ඒ හේතු ධර්මය නිසාමයි රාවණයන් මේ නව විද්‍යාවන් වලට පාලනයක් සදහා අපව පත් කරන ලද්දේ. පසු කාලීනව කාලි මැනියන් වැද පුදමින් යෝගී මාර්ගයේ ත් ධ්‍යාන මාර්ගයේත් පැමිනි ඇතැමුන් හට මෙහි එකක් හෝ දෙකක් විද්‍යාවන් අවබෝධවූ තැන්හී ඒ යොදාගෙන නරක ක්‍රියා - පලි ගැසීම් ආදී සිදු කරීම නිසාවෙනුයි මැනින්ට අපකීර්තියක් ඇති වූයේ ..!
+ අප කීර්තිය නැවැත්තවය නොහැකිද ?
- නොහැකියි.. නව විද්‍යාවන් භාවිත කරන්නවුන්ට අතීතයේ සිටම හිමි වූයේ අපකීර්තියයි.. රජුනි හොද හා නරක එකම කාසියක දෙපැත්ත බව මම නුඹට කීමි. යම් තැනක හොද උපදින්නේද ඒ සමගම ඒ සමගාමීව නරකද උපදින්යෙ..... දස විද්‍යා මෑනියන් අපකීර්තියට පත් කලා මිනිසුන් ... අශෝක - චන්ඩාශෝක ලෙස අපකීර්තියට ලක් වුවා.. ඔබ වහන්සේත් ගැමුනු - දුට්ඨ ගාමිණී වනු ඇත. එය වැලැක්විය නොහැකියි..
+ ඔබ එසේ පැවසුවත් එයටත් ක්‍රමයක් ඇති...
- සත්‍යයි.. ක්‍රමයක් තිබේ..
+ කුමක්ද ?
- ඒ සිද්ධාර්ථ ගෞතමයන් වහන්සේගේ ක්‍රමයයි... මේ නව විදයාවන් පිටත යුද්ධ සඳහා නොව තමන් ඇතුලත දැවෙන මමත් ය සඳහා වන යුද්ධය පරාජය කිරීම සදහා යොදා ගැනීමයි... ඒ සොබාදහම් නීතියයි.. තුලිතයයි
+ පෙර බුදුවරුත් එසේද ?
- එසේම යි. ලොව තුලිතය සදහා මිනිසුන් මුලාවෙන් මුදවාලීමට බුදුවරු පහල වෙති.. ඒ බුදුන්ගේ ධර්මය රැකීමට - ආරාක්ෂාකිරීමට අප පහල වන්නෙමු.
+ හොදමයි.... නවයක් වූ විද්‍යා එක් වූ තැන්හී රාවණයන්ද ඇතුලුව දසිස් වන බව පැවසුවා..
මා හටද නවයක් වූ විද්‍යා හා මා මුසුවූ පසු දසිස් රාවණ උපදින බව පැවසූවා .. එසේනම් බුදුන් ..!
- මහ රජ තුමනි.. මේ මාර්ගයන් දෙකකි.. බුදුන් වහන්සේ එක් පසෙකය... අප වැනි ලෞකිකයෝ තවත් පැත්තකය.. !
" නව විද්‍යාවන් සිද්ධාර්ථයන් සමග එකතු වූ තැන්හි, විශ්වීය දැනුම අවබෝධ කොට ගත් තැන්හී..දසිස් ලෙස නොව " බුද්ධ " යැයි හදුන්වන්නෙමු... තෙසැත්තෑ ඥාන ඵල ලබන්නෝමය., ප්‍රාතිහාර්යය බල ලබන්නෝම., ලෝක ධාතුව පිළිබද අවබෝධය ලබන්නෝමය..... නිර්වාණ මාර්ගය අවබෝධ කරගන්නාහුය.. ඒ මේ දසිස් රාවණ මාර්ගයෙන් වෙනත්ම පැතිකඩකි.
අසුරයෝත් - සුරයෝත් - නාග - වානර - රාක්ෂ - වාමන - ගන්ධබ්බ ආදී සියළු ලෝක සතුන් උන් වහන්සේ නමස්කාර කරති.
+ සාධු සාදු සාධූ.... එසේනම් සිදුහත් කුමරුන් බුදුවන තුරු ඔබ නමදෙනා උන්වහනසේව ආරක්ෂා් කලේත් ද ? දැනුම ලබාදුන්නේත්ද ?
- එසේය
+ කොතනදීද කථාන්තරය දන්නෙමු.. නුඹලා ගැන නොදන්නෙමි..
- බලයන නවයත් චක්ෂූ නම් වූ මමත් දස දනොම එකවර පහලවන්නේ බුදු දහම රැකීමට පමණකි.. බුද්ධත්වය ලබාගැනීමට අපට උදවු උපකාර කල නොහැක. බුද්ධත්වය යනු කාගේ හෝ උපකාරයෙන් ලබා ගත හැක්කක් නොව රජුනි ඒ තමන් විසින්ම අවබෝධ කරගත යුතු දෙයකි..
අපට කල හැක්කේ බුදුවරැන් ආරක්ෂා කිරීම පමණි..
- එසේ කලේද ?
+ සැබැවින්ම. අප බෝසතානන් වහන්සේ ආරක්ෂා කරන්නේ උන්වහන්සේ දීපංකර බුදුරදුන්ගෙන් විවරණ ලැබූ මොහොතේ සිටය . අප නව දෙනාට එකවර පහල වීමට අවසර නැත. සිවු දෙනෙක්ට පමණනක් නිරතුරුව රැකවලෙහි සිටින්නෙමු..
බෝසතානන් වහන්සේ මවු කුස පිළිසිඳ ගැනීමේදී පවා ඇඳත් සමඟ මහාමායා රජදේවිය ඔසවාගෙන හිමවතට ගෙන ගොස්, සැටයොදුන් මනෝසිලාතලයේ සත්යොදුනක් විසාල මහ සල් ගසක් යට තැබීමු. ඉක්බිති රජදේවිය අනෝතත්ත විලට ගෙනගොස් මිනිස් කිලිටි ඉවත් කිරීමට නාවා දිවවස්ත්‍ර හඳවා දිව සුවඳ ගැල්වූහ.... ඒ අප වන්නෙමු.. ඉන්පසුය බෝසතානන් වහන්සේ සුදු ඇත්පැටවෙකුගේ සිහිනයෙන් මවු කුසට අතුළුවන්නේ..
+ සාධූ.. සාධූ.... සාධූ......
- කුමාරෝත්පත්තියේ සිටම අප උන්වහන්සේ අසලම සිටීයෙමු. ඒ මාර්ගයට අප මග පාදන්නෝ වන්නෙමු.. ඒ මහා විශ්වීය බලයයි..
+ ජීවිතය අතර තුර ??
- සිද්ධාර්ථ කුමරුට නම් තැබීමට බමුණන් 108 ක් ම ගෙන්වන්නේ ඇයිදැයි සිතුවේද ??? කොඤ්ඤණ්ඩ නම් කවුරුන්ද යැයි සිතුවේද ? රජුනි වප්මගුල අතුර තුර කුමරුන් අහසෙහි ඵලක් බැඳ භාවනා කරන්නේ කේසේද ?? සතර පෙර නිමිති පෑ සතර දෙනා කවුරුන් යැයි සිතුවේද ? අනෝමා ගං තරණයට එක පිම්මෙන් සිදු කල කන්ථකද අපගේ නවයක් වූ ශක්තීන්ගේ එකකි .. ! රැදුරු වන මැද තවුස් දම් පුරත්දී දිවා රෑ රැකවල් ලා සිටියෙමු.. පාරිලෛයිය ඇත් රජුන් කවරෙකුදැයි සිතන්නේද ? සර්වමිත්‍ර, ආලාරකාලම , උද්දකරාම පුත්ත යනු කවරුන්දැයි නුඹ සිතන්නේද ?
+ එසේ නම් ඔබ නව දෙනා ???? මේ සියල්ලටම අවස්ථාවන් වල පෙනී සිටයේද ??
- " බුදු වරයෙකු ලොව පහල වන්නේ සියළු සතත්වයන්ගේ පිනට ය යහපතටය..බුද්ධත්වය ලඝු කොට නොගන්න.. මේ අප විසින් ඒ සදහා සකස් කලේ මාර්ගයක් පමණි... බුද්ධත්වය " නිර්වාණ මාර්ගය " අවබෝධ කර ගැනීම තනි උත්සාහයකි ...! අප පමණක් නොව බුදු වරයෙකුගේ ලොව පහල වීමට මේ සොබාදම් මෑණියන් ගේ පවා සදෙවු ලොව දෙවි ජනයාගෙන්ද බ්‍රහ්ම ලොවින්ද මා පෙර කී සියළු සතත්ව ලෝක සහය ලැබේ. අප සියල්ලෝම ඒ මාර්ගයේ කොටස් කරුවන්ය ...
" මනු ලෝ වැසියෙකුටම පමණක් අවබෝධ කර ගත හැකි ඒ "උතුම් ධර්මය අවබෝධ කොට " නැවත අප වැන්නවුන් සඳහා දේශනා කර සකල විශ්වයම තුලිත කිරීම බුදු වරයෙකුගේ පැවැත්මයි ... !! ඒ සියල්ලටම උතුම්ය ..!
+ එතකොට ඔබ සිවු දෙන ?
- රජුනි බෝසතානන් වහන්සේ සමීපයේ නිතුරුව රැකවලෙහි සිටි ධ්‍රතරාෂ්ට්‍ර, විරූඪ, විරූපාක්ෂ, වෛශ්‍රවණ යන සතර වරම් යක්ෂ යෝ අපය ..!!! අසුරයෝය .. සතර දිසාවේ අණ සක පතුරවමින් සදිසාව එක් සේසත් කොරීමට උතුම් වූ බුද්ධත්වට ශාක්ෂාත් කිරීමට කැපවන්නා ආරක්ෂා කිරීමට බැඳී සිටින්නෙමු..!!!

================
- කුරුළු -