===== දසිස් 21 =====

( විසිවන කොටස හා සබැඳි )
==============================
– හොදමයි, මින් පෙර මෛත්‍රී බුදුන් පහලවනු දැන සිටි ඔබ වහන්සේ, නිවන් අවෙබාධයටත් රැචිව සිටින ඔබ වහන්සේ.. මෛත්‍රී බුදුන් සමයෙහි මනුෂ්‍ය පුත්‍රයෙකු වීමට සිතා යම් කුසලක් රුස් කලේද ? නොඒ සේව චුන්ද කරමාකාර විය හැකිය, සතත්වය වීද එක්ල්හි දිවි ගෙවිය හැක..
+ අහෝ ඒ ගැන නොසිතුවෙමි..
– එයයි රජුනි එයයි…. මේ හෙල වැසි සියල්ලන්ම බුදු දහම වැළද ගත්තද මෙතේ බුදුන් දැක නිවන් දකිම්හයි පැතූවද ඒ මෙතේ බුදුන් කල්හි ධර්මාවබෝධය ලැබිය හැකි ප්‍රාණියකු වීමට කුසල් නොවඩත්..!
+ සත්‍යකි අභය..
– අප ඒ මග එලි පෙහෙලි කර සසර ගමන පිළිවල කර දිය යුතුය..ඒසේ කර දීමෙන් ඔබ වහන්සේද මහත් ඵල මහත් ආනිසංස්යක්ම ලබන්නොය..
+ ඒ කිමේකද අභය..
– මතු , මෛත්‍රී බුදුන් කල ඔබ අගසවු තනතුරම පතා සසර ගමන් කරන්නොය…
+ සාධු සාධු සාධු..
– එය එසේම වේවා ..රජුනි ඔබ ඊට කුසල් රැස් කරන්නෝමය … !
—————————————– අද එතැන් සිට
+ එසේ නම් මා මිත්‍රය මෙතැන් පටන් මාගේ එකම පැතුම එයය ..!
- එය ?
+ එසේය.. මේ හෙල ද්වීපයටත් හෙළ වැසියන්ටත් ගෞතම බුදු දහමටත් මා කරන්නා වූ යම් සේවාවක් , කුසලයක් වේ නම් ඒ අරඹයා මා මෛත්‍රී බුදුන් සමයෙහි උන්වහන්සේගේ අගසවු වී මතු නිවන් අවබෝධ කොට තව තවත් දැහැමියන් හට නිවන් මග එළි පෙහෙලි කරන්නට ලැබේවා..
- ඒකාන්තයෙන්ම .. පතන්නක්ම වේවා .... !
+ ඉදින් පවසන්න රුද්‍රාව ගැන
- අහා.. රුද්‍රාවක මධ්‍ය ලක්ෂය අප මුහුණට පෙනෙන ලෙසින් අල්ලා බැලු විට එතැන් සිට අනේක් පස මධ්‍ය තෙක් දිවෙන රේඛා හෙවත් පියලි පිහිටා ඇත. ඒ එක් එක් රෙඛාවෙන් බෙදිනු එක අංශයක් මුහුණක් ලෙසින් හදුන්වයි. ඇතුලතින් ගත් කල ඒ රේඛා දිගේ කුඩා කුටීර ලෙස බෙදී ඒ එක් එක් කුටීරයක එක් කුඩා බීජ ඵල බැගින් පිහිටා ඇති බවකුත් මා ඔබට පැවසූවා.
එසේම - මහා රාවණයන් අප නව දෙනා ශක්තීන් නවයකට බෙදා වෙන් කරද්තී ඒ හා සමගම රුද්‍රා නවයක්ද සිද්දි කරන ලදබවත් ඒ එකෙහි සිට නවය දක්වා වූ රුද්‍රාවන් බවත් කීවා. දස වන රුද්‍රාව පෙර රුද්‍රාක්ෂ නවයම පාලනය කරන්නාවූ බලය හසුරවන්නාවූ මහා බලගතු රුද්‍රාවයි. ඒ එක් එක් මුහුණු අනුව එක එක බලයන් බෙදී ඇත. එපමණක් නොව ඒ එක් එක් රුද්දෙ‍රාවන්නුට ලබන – රැක ගනු ලබන – දේව මණ්ඩලයක්ද සිටින බවත් මා පෙර පැවසූවා.
+ එසේමයි.. !
- ඒ රුද්‍රා නවය නියෝජනය කරන්නුයේ අප නව දෙනායි , අප නව දෙනාගේ ශක්තියයි..
+ රැද්‍රාක්ෂ වල එතරම් බලයක් රැදෙනුයේද අභය
- එසේය ඒ සිව ශක්තියයි.. එනම් පිරිසිදු ශක්තියයි.. රැද්‍රාක්ෂ නම් ගක ඵලයකි ඒ නිල් වෙරලු ලෙස හෙලයේද ඇත. ගසක් ඵල දැරීමට අවුරුදු ගණනාවක් ගත වේ. එයිනුත් ශක්තිය හෙවත් ජීව ගුණය පිරි එක් බීජයක් හට ගැනීමට වසර සියයටත් එහා කාලයක් ගත වේ.
+ එතරම්
- එසේය. රැද්‍රා වෘක්ෂ වසර සියයක් ගෙවුනත් හටගන්නා රැද්‍රා බීජ දහසකින් ඵලැති බීජ ලෙස එකෙහි සිට දහය දක්වා එක බැගින්ම පමනක් හට ගනී අනෙක් සියල්ල බහුතරය මුහුනු පහ හෝ හය ය.
+ ඵලැති බීජ යනු ශක්තිය රැදි බීජයන්ද
- එසෙය අනෙක්වාගේද නැත්තේම නැත. එහෙත් මා පෙර කි ග්‍රහයන්ගේ දෙවියන්ගේ බැල්ම ආකර්ෂණ ශක්තිය වැඩිම පිලිවෙලක් තිබේ ..!
+ බැල්ම හා ආකර්ෂණය ලැබීමෙන් යහපත්ක් පමණක් සිදුවෙද ?
- නැත නරක වුවද සිදුවිය හැක,රජුනි කුණ්ඩලීනිය ගැන අසා ඇතැයි සිතමි
+ නැත
- හොදයි ඒ මා පසුව විස්තර කරන්නම්. කුණ්ඩලීනිය යනු මනු සිරුර තුල සැගවී ඇති අසීමිත ශක්තිය පිටතට ගැනීමයි. එයට යෝගී ක්‍රම වැඩිය යුතුය. මේ රුද්‍රාක්ෂ යන් ඒ චක්‍ර අවධියට අවශ්‍ය චක්‍ර පිලවෙල / නාඩි පිලිවෙල / බ්‍යාමප්‍රභාව අනුව ශක්තිය ඉපැද්දවීම, රැස් කර ගැනීම, පවත්වාගැනීම, මුදා හැරීම වැනි විශේෂ කාර්යයක් ඉටු කරන්නෙය. ඉදින් ඔබ වහන්සේ ඔබගේ භ්‍රහ්ම ප්‍රභාවට අයත් රුද්‍රාව වෙනුවට ඊට හානි කරවන ර්‍රැදාවක් පැළදීමෙන් ඔබ තුල පවත්නා වූ ශක්තියද හීන වී යා හැකිය.
+ ඔහ්.. එසේද
- එසේය.. ඒ එක් එක් රැද්‍රාවට අදාලව ශක්තීන් වෙන වෙනම දක්වා ඇත. ඔබ දැන හෝ නොදැන මේ යෝධයන් නව දෙනා ඒ එක් එක් රුද්‍රාවට හිිමකම් කියන්නෝය, උරුමක්කාරයෝය, ඔවුහු ඒවා පැළද සිටිත්. ඒ ශක්තිය ඔවුන්ගෙන් මෙතුවක් කාලයක් පැවතෙන්නෝමය.
+ මා දැක ඇත්තෙමි එහෙත් කිසි දිනය විමසා නැත
- හොදමයි.. එකින් එක මා පහදන්නම්..
--- ඒක් මුක්හි රුද්‍රාව එනම් මුහුණු එකක රුද්‍රාව..
මෙම වර්ගය සිවා දෙවියන් හෙවත් සූර්යයාම සංකේතවත් කරයි. මේ රුද්‍රාව සාමාන්‍යයේන් අඩ සදක හැඩයක් ගනී. සියලුම ලෞකික ආශිර්වාදයන් භුක්ති විඳීමට සහ උත්තරීතර බලය සඳහා කැපවෙන්නට කැමති ඕනෑම කෙනෙකුට මෙය උත්තරීතර රුද්‍රාවක් වේ. මෙම රුද්‍රාක්ෂ පැළඳ සිටින පුද්ගලයෙකු බියකරු එනම් කිසිවකින් පසුුබට නොවන්නෙකු වන වන අතර ඍණාත්මක බලයක බලපෑමක් හෝ සතුරුකමක් ඔහුට නැත. ඔහුගේ ලෙයහි සාන්ද්‍ර බලය වැඩි වන අතර, ඔහුගේ බොහොමයක් පව් විනාශ වී ඇත. මෙම රුද්‍රාක්ෂය භාවිතා කරන්නා ලෞකික කාරණා වලින් වෙන්වීම ඔහුගේ අභිප්රාය ලෙස සලකයි. සෞඛ්‍ය සම්පන්න බව හා සන්තෝෂය සපයන මුහුණු එකේ රුද්‍රාක්ෂය පළදින්නෙකුට වන්දනා මාන කරන්නෙකුට එය ආත්මික වර්ධනයට හේතු වේ.
මේ මුහුනු එකෙහි රුද්‍රාව පාලනය කරන ග්‍රහලෝකටය සූර්යයා ය .
මේ පැළද සිටින්නා ඔබ වහන්සේට සිහියට නැගෙන්නේද ?
+ එසේය ඒ "මහා භරණය " අඩ සදක් වන් රුද්‍රාව ගෙලෙහි තිබෙනු දැක ඇත්තෙමි.
- නිවැරදිය .. එසේනම් තවත් රහසක් පවසන්නමි.. මේ රුද්‍රාක්ෂ නවය හා බැඳුනු සත්ත්ව ලොක නවයක්ද වෙයි.
+ ඒ කිමක්ද ? ලෝක ?? සත්ත්ව.. ?
- එසේය ඒ ඉතා ගැඹුරු දෙයකි.. ඒක මුක්හි රුද්‍රාවට හිමිකම් කියන්නේ නාගයන්ය ..! භරණ ට ඇවැසි විට නාග වෙස් ගත හැකිය.. සත්‍ය නම් නා වෙස් ගැනීම නොව නා ලොව සිටින්නා වූ නාගයන් මනු ලොවට පාතීර්භූත කිරීමය. නැතහොත් අඩගැසීමය මැවීමය...
+ ඔහ් ..... එසේද ? ඇතැම් දින වල මා මේ කවුළු හැර නිදද්දී කවුළුවෙන්
සුදෝ සුදු නාගයෙකු එනු දැක තිබේ එහෙත් පෙර දැක ඇතිවාට වඩා විශාල නිසාවෙන් ඒ සිහිනයන් යැයි සිතා කිසිවෙකුටත් නොකියා සිටිමි. ඒ හැර මාලිගයේද බොහෝ තැන් වල නාගයන් දැක තිබේ. කැළබුණ මනස නිසාවෙන් ඡායාමාත්‍ර යැයි සිතා ඒද නිහඩ ව සිටීමි.
- හ්හ හහ් හහ් නැත රජුනි . සිහියට නගන්න බොහෝ වෙලාවට එසේ දකිනුයේ ඔබ වහන්සේ තනියම සිටිනා වෙලාවල් වල විය හැක.
+ එසේය එසේය.. පෙන්වීමටවත් ිකිසිවෙකුත් ලගක නැත..
- ඒ භරනගේ වැඩය.. ඒ ඔබ වහන්සේ ඔහුගේ දෑස් මානයේ නැති විට ආරක්ෂාවට පත් කර ඇති ආරක්ෂකයෝය.
+ එසේද එහෙත් දිනක් මා මැණියන්ට ඒ සුදු පැහැති නාගයා ගැන කීවා මතකය. එහෙත් ඇය සිනහ වී.. සැබැවින් දුටූවද හානියක් නොකරන මෙන් අණ කලා පමණි
- ඇය රහස දන්නීය..
+ ඒ කෙසේද
- රජුනි අමතක නොකරන්න ඇය නාග ගෝත්‍රික කුමරියකි. නාගයන් හා ලෙයින්ම බැඳී සිටින්නියකි.
+ ඔහ්හෝ.. එයය මේ.. එසේනම් ඔබ පවසනුයේ භරන ඔහු රැකවලෙහි නැති වෙලාවට නාගයන් මා රැකවලෙහි තබා යන බවද ?
- එසේය.. ඒ නාගයන්ටද කැමති විට කැමති වෙස් පෙරලා ගත හැක.
+ මනු වෙසත් ??
- එසේය.. බිය නොවන්න යම් කුමන්ත්‍රණයක් සිදු වී ඔබ උගුලකට හසුවන්නට ගිය හොත් ඔබ වහන්සේගේ රුවෙන් පෙනී සිට ඒ උගුලට පැනීමට පවා ඔවුහු අණ ලැබ සිටින්නෝය ...
+ ඒ.. ඒ.. ඒ කාගෙ අණද ?
- භරණගේ අණය ..! විශ්නු දේව ගේ ශේෂනාග නම් නාර රජුගේ අණය ශිවගේ වාසුකී නම් නා රජුගේ .,! මුචලින්ද නාග රාජයාගේ අණය ! මේ රාවණයන්ගේ අණයි , රජුනි ..
+ මුචලින්ද නා රජු ගැන නම් තතු දත්තෙමි වාසුකී හා ශේෂ නාග යනු ?
- ඒද මුචලින්ද සේම නා රජවරුන්ය.. ඒ හා සැබැඳි කතාන්දරද බොහොමයකි..! එපමණක් නොව මහා කාලී , විශ්ණු, ශිව ආදීන් පමණක් නොව ඔබ වහන්සේ දන්නා නොදන්නා බොහොමයක් දේවතාවුන් වහන්සේලාගේ රෑපයන් ගෙන බලන්න නාගයන් හා සමීප සබඳතාවන් පවත්වති.
+ එසේය එසේය සැබැවකි..
- රජුනි මා පෙර පැවසූ කුණ්ඩලීනියේද සංකේතය නාගයෙකි.. අප තුල උදරයට මදක් පහතින් සිටන නිදා ගත් නාගයා කෙමෙන් අවදි කොට අප සිරසට ඉහලින් පෙන ගොබය විහිදුවා දරණය කොට නැගී සිටීම කුණ්ඩලනීය අවධී වීමයැයි සංකේතවත් කරනු ලබයි. ඒ විට නාගයා රකින්නාවූ නා ග මානිඛ්‍යද අප සිරුරේ රැස් විහිදේන්නාක් මෙන් සිරැරට ඉහලින් තේජස විහිදවමින් විදහා දක්වනු ලබයි...
+ ඔහ්... ගෞතම බුදුන් සත් සතියේදී මුචලින්ද නාග දරණය තුල වැඩ සිටියා සේක්ද අභය...
- නිවැරදිය.. එසේනම් ගෞතම බුදුන් මුචලින්ද නාග දරණය තුල වැඩ සිටියා යැයි සංකේතවත්ව දක්වන්නේ කුමක්දැයි ඔබ වහන්සේට දැන් පැහැදිලි විය යුතුය...
+ ඔහ් ඒ කුණ්ඩලීනි ශක්තිය ය...!
-------- කුරුළු -----------
===============
දසිස් විඳින්න වෙබ් එකට යන පාර -
http://www.kurulu.lk/2018/06/04/dasis-21/
.
- Android App එක දාගන්න.. -
https://play.google.com/store/apps/details?id=io.kurulu.app