ගලවා විසි කලත් හදවත - හිතට මදී...!

ඇත්තයි නුඹව හීනෙන් දැක්කාට මදී

මන්දැයි කරන්නේ හිත හැමතැනම වදී

හෙමිහිට ඇවිත් නුඹ ආදර වදන් දිදී..

සත්තයි මගේ හිත එක පැත්තකට අදී

නුඹ ගැන පෙමින් මගෙ හිත හොදටෝම මිදී

ගල් වී තිබෙනු දැක ඇස්දෙක සුසුම් අදී

මොනවා කරන්නද සොදුරිය නුඹට‍ නොදී

ගලවා විසි කලත් හදවත - හිතට මදී...!

-කුරුළු-

== දිවි අරනේ මධු මල් පිපෙනා බිඟු රැවු නැගෙනා == මේ ප්‍රථම වසන්තයයි...! =====

'
අයියා.. මට සනීප නෑ..
ඇය බොහෝ වේලාවල් වලදී මාගේ අවධානය දිනාගැනීම උදෙසා මෙසේ කියනා බව මම දනිමි..
හා ඇත්තද හොදයිනෙ..
හොදයි !!!
ඔයා අපෝ වැඩක් නෑ ඔයා නම් කෙනෙක්ට අසනීපයක් නම් හොදයි කියනවද..!
නැත්තං .. හොදයි තමා එතකොටනෙ අපි දන්නෙ ඒ මනුස්සය ඉස්සෙල්ල ඉදල තියෙන්නෙ හොදින් කියල.. එහෙම නැතතං දැන් එයාට පුලුවන් හොද වෙන්න. එහෙම නැතිනම් ඔය දෙයියොන්ගෙ ලෙඩ එහෙමනම් එක පාරක් හැදෙන එක තමා හොද !
හුහ්.. ! මදැයි මම මේ මිනිහට කිවුව අසනීප..
හරි හරි දැන් මොකක්ද අසනීපෙ කියන්න බලන්න..!
බෑ කිය්නනෙ නෑ.. ඔන නෑ..
එහෙනම් දැන් ඉස්සෙල්ල මැරෙන්න හැදුවෙ..
ඒ ඉස්සෙල්ල දැන වෙනස්.. කිය්නනෙම නෑ මං
ඒ මොකෝ කියන්නෙ නැත්තෙ
ඒ මට ඕන නිසා.. නැත්තං ඔයා ඕකත් ලියයි වොල් එකේ "සංකල්නා"වක් විදියට..
එතකොට කෙල්ලො ලයික් කරයි කොමෙන්ට් කරයි එපා එපා..
මොන බම්බුවක්ද මේ ! මට පිස්සු නෑ මේ ලෙඩ ගැන ලියන්න...
තමුසෙට කියන්න බැරිනම් නිකා ඉන්නව..මට බෑ මේ නාකි ගෑනු හුරතල් කරන්න..
හුහ් ඔවු ඔයාට මාව තමයි නාකි ගෑනු.. අර ෆේස්බුක් එකේ ඉන්න උන් හුරතල් කරන්න හොදයි !
මේ .......... මගෙන් අහගන්නෙපා හරිද...
අපෝ . අපෝ .. ඔන්න මගේ මහත්තයට තරහ ගියා.. ඒකනෙ මම ඔයාට ආදරේ..
ආදරේ.. යකෝ මාරු ආදරයක්නෙ මේක කෙන්ති ගස්සන එකද ආදරේ...
හරි හරි ඉතින් .. මට උණයි හෙම්බිරිස්සාවයි..
හෙම්බිරිස්සාව කෝමද ? තෙමුණද ??
ඇයි මම කිවුවෙ මාව පරණ ඔෆිස් එකට මාරු කලා කියල .. ඉතින් ඔෆිස් ට්‍රාන්ස්පෝට් එක නෑ .. පවු මේ නංගි බස් එකේ යනව.. කොහෙද අපිව ඉතින් කාර් වල එක්කන් යනනේ නෑනෙ..
ආ...... මේ මම ඩ්‍රැයිවර් කියල හිතුවද ඔහෙව ඔෆිස් එක්කන් යන්න.. ඒකනෙ මම කිවුවෙ මුලදිම ඔෆිස් වෑන් එකක යන්න කියල.....
මේ අයිය ඒක නෙවේ.... මට ඔයාට ආදරේ කරන්න ‍ඕන... ඔයාගෙන් ආදරේ ලබන්න නම් මොනවද කරන්න ඕන ඔයා හැමදාම මට බනිනවනේ මා එක් රන්ඩු වෙනවවනේ මගේ හොද අයියනේ මට ඔයාට ආදරේ කරන්න ඕන ආදරේ හිතෙන්නම...
හ්ම්..... එහෙනම් පෝලිට එකතු වෙන්න ගිහින්...
පෝලිම්... ??
ඔවු.. මට ආදරේ කරන්නත් මගෙන් ආදරේ ලබන්නත් පොලිමේ ඉන්නව.. යන්න ගිහින් පොලිමට එකතු වෙන්න..
ඉහි ඉහි ඉහි ඉහි ඉහි ඔයා හරී නරකයි.... මටත් පොලිමට එකතු වෙන්න කිවුවා..... මාව වටිනනෙ නැද්ද.. දුක නැතිද ඔයාට මේ නංගිව පෝලිම් වල තියන්න..
නෑ මගේ ආදරේ හරි ගණන්...
හුහ්... ඒකත් එහෙමද ??? බලා ගන්නව...ඊ....ර්ර්ර්..ර්.ගර්..ගර්..ගර්..
මොකෝ බොල ගොරවන්නෙ..
මට ඔයාව මරන්න ඕන...?
මරන්න..?
ඔවු මේ දැන් බෙල්ල මිරිකනව ලග හිටයනම්..
හා හා නංගි කලබල වෙන්න එපා ... ඒකටත් පොලිමක් තියෙනව.. ගිහින් ඒකට එකතු වෙන්න..
හි හි හි හි හි හි හරී.. ජෝක්ලු ඈ මගේ අයිය.... අනේ මේ... මෙයා දැන් ඔන්වට වඩා වැඩියි කෙල්ලො ගැන කියවනව අහුවෙනවකො..
ඇයි අහුවෙන්නෙ වැරදි කලොත්නෙ.. මම වැරදි කරනවනම් මෙලහකටත් ආරංචි වෙලානෙ..
නංගියො මම එකක් කියන්නම් මම මේච්චර ඔයාට ආදරෙයි කියල "කියලම තියෙදද්දි" ආයෙ ආයෙ ආදරේ ඉල්ලන් මගේ පස්සෙන් ඒන්න එපා... මොකෝ මම වෙනස් වෙයි කියල හිතුවද මගේ ආදරේ වෙනස් වෙයි කියල හිතුනද ...!
මට බයයි අයිය..ඒකයි... හරි හරි අයිය වැඩ කරගන්න මම දොයියනව.. මේ මට උණ නෑ හොදේ.. හෙම්බි. විතරයි....
ආ.. එහෙමද... ලග හිටියනම් මිරිකව තොගෙ....
බෙල්ලද.. ?
නෑ.....ඒව වැඩක් නෑ. කොත්තම්ල්ලි ටිකක් බීල නිදියන්න සුදු නංගි..
මේ අයිය..තරහ නැතිව එක පාරක් කියනවද " ආදරෙන් " මට ආදරෙයි කියල...!!
හ්ම්.. මම ආදරෙයි සුදු නංගි...... !!
===============
මේ ප්‍රථම වසන්තයයි
දිවි අරනේ මධු මල් පිපෙනා බිඟු රැවු නැගෙනා
මේ ප්‍රථම වසන්තයයි...!
.
තරු නැගෙන තුරා නිදිබර අඹරේ
සඳු නැගෙන තුරා සිටියදි අඳුරේ
ඔබ සුපුන් සදක් සේපායා
පහන් රැයක් වී ආවේ...
.
සිත පවස දරා මිරිඟුව අතරෙ
දිය පහස පතා සිටියදි කතරේ
ඔබ සිහිල් දොලක් වී පාවී..
වසන්තයක් වී ආවේ....
--ගීතය -- http://www.youtube.com/watch?v=7HEyvXkgTvk
================
-----කුරුළු---

== සඳේ ඔබ ඇයිද මේ යාමේ ===

මම ඒක මෙහෙම කියන්නම්....,
එක්තරා පෙම්වතියක් එක්තර තරුණයෙකුට පෙම් කරනව අසීමිතව.. ඒ තරුණයා ටිකක් ජනප්‍රිය කෙනෙක්.. මේ තරුණිය ගැන නොසලකුවට මේ තරුණයාට වෙනත් තරුණියෝ බොහෝ ප්‍රමාණයක් පෙම් බැන්ද ඒ වගේම ළං කරගෙනත් හිටිය....
එත් මේ තරුණිය සෑහෙන කාලයක් ඔහු වෙනුවෙන් බලන් ඉඳිනව..

එහෙත් ඔහුගෙන් කිසිම පිළිතුරක් හෝ සහනයක් නැති තැන ඇය වෙත් කෙනෙක් වෙත හැරෙනව.. තමන්ගෙ ආදරේම නොවුනත් එකතරා විදියක ආදරයක් පිළිගන්වනව... ,

ඊට ටික කාලෙකට පස්සෙ
අර කලින් පෙම් කල තරුණයා මේ තරුණියට ආදරේ කරන්න පටන් ගන්නව..
ඒ දරුවා අහන්න පටන් ගන්නව.... .
සදේ නුඹ ඇයිද මේ යාමේ අහස කරා නැගුනේ

හිතේ දුක හිරු නිවා දැමුවේ නැතිවද නුඹ දන්නේ
.

... මම නුඹව කොයි තරම් නම් සෙවුවද? මම නුඹව සොයන විට නුඹ මගේන් ගොඩක් දුර ඉදන් අනික් අයව ලං කරගෙන සතුටු වුනා නේද...... මම නුඹව ඉල්ලා නුඹ ළග හඩා වැටුනත් නුඹට එය දැනනේ නෑ නේද.. හඩමින් මා රෑ කීයක් නම් නොනිදා එළි කරන්නට ඇත්ද ?
ඔබ තරු වට කර හිනැහෙන යාමේ ඈ දුර යහන් ගැබේ

රෑ නොනිදා දුක වැලපෙන මා හට ඔබගෙන් කිමද පලේ
.
කවදා හරි නුඹව මට ලැබෙයි කියල මම නුඹව හිතේ තියන් කොයි තරම් හීනයන් දැක්කද? නුඹ දුරින් හිටයත් මට ඒක සතුටක් වුනා.... එත් දැන් මම වෙන කෙනෙක්ට ආදරේ කරනව.. ඒ මම බලාපොරොත්තු වුන ආදරේ නෙවෙයි.. සමහර වෙලාවට මට ඒක දරා ගන්න බෑ මාව පිච්චෙනව.. ඒත් දැන් මට එක් අමතක කරල ආයෙත් නුඹ ගාවට එන්න බෑ....

.

සද දෙස බල බල මා පැතු පැතුමන් මෙතැකැයි කියන්න බෑ
හිරු මා දැවුවත් මා ලද උණුසුම අමතක කරන්න බෑ...

.
ගිනි හිරු පායා සොමිසද බැසලා මගෙ ලොව එලිය වෙලා......
සමාවෙන්න මට.....
.
මේ ගීතය අහන හැම මොහොතකම මට අසංකාරිකව හරි සසංකාරිකව හරි ඇයව සිහිවෙනව.....
--කුරුළු--

== වසත් සි‍යොත් කැල ගැයුවද ප්‍රේමයේ කවී == අපේ හදේ වස්සානය තවම නිම නැතී.. ==

. දින කිහිපයක්ම අමනාපෙන් සිටි මම ඇය වෙනුවෙන්ම යොදා ගෙන තිබුණ දුරකථන නාදය ඇසෙනු ඇසී... දුරකථනය වෙත දිව ගියේ තේ කෝප්පයද බිමට හලාගෙනය...
= හෙලෝ...
- හෙලෝ..... මිස්ට කුරුළුද ???
= නෑ මාස්ටර් කුරුළු , මිස්ට වෙන්න බැරි වුනා කෙල්ල පැනල ගියානෙ..
- හානේ.. පවූ..... ඔයා ඒ කෙල්ලට දුක් දෙන්න ඇති....
=නෑ ඒ කෙල්ලට සැප වැඩි වුනා එක්යි... දැන් ඇයි කතා කලේ..
- ආ... කතා කලේ.. පවුනෙ කියල ඉතින් අප්ප.. දුකෙන්නෙ ඉන්න ඇත්තෙ. අඩ අඩ ආරංචියක් ආව.. හරී.. දුකෙන් කුරුල්ලෙක් අඩනව කියල මේ නංගි නැතිව..
= කවුද ? මම ? හික්ස්.. කියපු කෙනාට වැරදිල අපි ජොලියෙන් ඉන්නව අනේ..
- ආ.. ඒක වෙන්න ඇති දැන් මම කොල් කරනකොට කර කර හිට වැඩෙත් එහෙමම දාල පෙරළගෙන දුවගෙන ආවෙ..
= ( ගෑනුන්ට ඉවද මන්ද පෙන් කියන්න වගේ කිය්නනෙ චැහ් ) ක..කවුද මම? මොනව පෙරල්න්නද අනේ.. ඇයි දැන් කතා කලේ..
- ඒ..මේ ..ෂ්.... ඒක නෙවේ... BIRD ව බලන්න ගියා කියල ආලංචියි..
= හික් හික් හික් හික්.. අනේ මෙහෙමත් ගෑනු.. මම එත් බැලුව මේ තකහනියක් කතා කලේ ඇයි කියල දවස් ගානකට පස්සෙ... ඉලිෂියාව නංගී... ඉලිෂියාව...
- අනේ මේ.. මට ඇති ඉරිසියාවක් නෑ... කියනවකො ඉතින් හම්බුනාද ඔයාගෙ මහ ලොකු බර්ඩ් ව.. !
= ඔවු..
- ඉතින් කතා කලාද ?
= නෑ යන්තං මිරිකල ආව...
- මොකක් !! කොහෙද ??
= අත.. මම අතට අතදීල සුභ පැතුව ඒකි මාව අදුර ගත්තෙ නෑ..
- හූ... ඈ.. පවූ........ මම අහන්නම්කො අක්කගෙන්..
= මොකක් ? ඔයාකොහොමද අහ්නනෙ..
- මම අහන්නම් මම අදුරනව ඒ අයව..
= ඔයා මට කියල නෑනෙ....
- මේ මිට්ට කුලුලු ඔයාට විතරක් නෙවේ අදුරන අය ඉන්නෙ හරිද ? ජොන් අයියවත් මම දන්නව හොදට මම ඒයාට ආදරේයි හූ ඈ...
= අහ් ජොන්ට ඉතින් කවුරුත් ආදරෙයිනෙ..
- නෑ මම ඊට වඩා ආදරෙයි ! එයා මගේ ගුරා..
= යකෝ මේව මම දන්නෙ නෑනෙ.... මම අහන්නම්කො ජෝනගෙන් ඊලග දවසෙ....
- හු හු හු හු.. පවු පවු....
= කොහොමද ජොන්ව දන්නෙ කැම්පස් එකෙන්ද ?
- ඔවු..
= කැලනිද..
- අනේ නෑ සුදු අයියෙ “ කිලිනොච්චියෙ “...
= ඔයා කැම්පස් ගියෙන් නෑනෙ....
- නෑ තමා.. මම ඒකෙ ටොයිලට් හේදුවනෙ...
= අපෝ ඒක තමා කට මේ.. ජොන් ගුරා වෙන්නෙ උත් ඒකද කලේ.. ! මම අහන්නම්කො..
- තරහා......යි.... ඌරා.... කතා කරන්නෙ නෑ මම ආයෙ....
= එපා, කතා කරන්න.. මට ඔයා එක්ක කතා නොකර බෑ..
- හෑ.. අනේ... ඔහොම කිය්නනෙපා .. ආදරේ හිතෙනව අයියේ..
= ඒ නිසා තමා කිවුවෙ... හොඳද.. ඇතිනෙ තරහ වෙලා හිටිය...
- ඇති... හරි හරි මම යනව අද මට පන්ති.. ඒ මේ.. ෂ්.. අද මම යන්නෙ ජොන්ව හම්බුවෙන්න .. හූ...ඈ...
= මොකා.......................ක්..........
=========================
මේ අහස මේ වගේ ගන නිල් සළුවකින් එතී
සැරසුණ එක් වසන්තක හමුවුනා අපී//
ගහ කොළද මල් පිපී සැරසී සුළගෙ දඟ වෙවී
ඔබයි මමයි ළං කල හැටි සිහිනයක් වැනී...
.
ඒ අතීතයේ ඔබ මිමිනූ වදන් යලි යලී
රාව නගන විට දෙනුවන් බොඳව යයි සැලී
අතීතයේ මතක සුවඳ සුසුම් හා වෙලී
නටබුන් සෙනෙහසේ නුවර ගොස් ලැගුම් ගනී..
.
ඒ අහස මයි යලිත් අද නිල් සළුවකින් එතී
වසන්තයක මල් පිපෙනව සුළගෙ දඟ වෙවී
වසත් සි‍යොත් කැල ගැයුවද ප්‍රේමයේ කවී
අපේ හදේ වස්සානය තවම නිම නැතී..
..
ගීතය - http://www.youtube.com/watch?v=_GuMaohcxag
==========================
----- කුරුළු ----

=== හැමදාම වගෙම මම තාම අයිති නුඹටයි... ! ====

.
හෙට එනම් 2014-02-18 දින සවස 6.00 ට ටවර් රඟහලේ " විසේකාරියෝ " වේදිකා ගතවෙයි.... මා ඊට යාමට සූදානම්ය.. සැබැවින්ම මා ආදරය කරන BIRD ද එහි වෙයි.. මේ ඇ මුණ ගැසුනු පසු අප අතර සිදු වේ යැයි මා සිතු කතාවයි....
====
= සුභ පැතුම් ජෝනා ... උඹේ සත්තු වගේම මේකත් එල..
- ස්තුතයි කුරුළු අයියෙ..
වෙනද ව‍ගේම ඌ මාව බදා ගත්තෙ මාර ආදරෙන්...
- වරෙන්කො අයියෙ මේ නාට්ටියෙ අනික් අයටත් උඹව අඳුන්නල දෙන්න...
මේ... ඉන්නෙ .....යා... මෙයා ... මෙයා... මෙයා....
ජොන් එසේ එකිනෙක  " විසේකාරියන් " හඳුන්වා දෙමින් යද්දී එක් විසේකාරියක් හුඟක් දැක පුරුදු බවක් දැනුනි...
- කුරුළු අයිය මෙයාවනම් දන්නව ඇති  මෙයාට අපි කාඩ් එකට කියන්නෙ BIRD කියල... මෙයාගෙ නම නම් වෙන එකක්.. එත් කිරිල්ලියක් වගේ කොයි වෙලෙත් කච කච ගාන නිසා අපි කිය්න්නෙ බර්ඩ් කියල...
( හ්ම්.... මේ දෛවයත් අපිව කොහාටදෝ මන්දා ගෙන්නල කරකවල කරකවල අතාරිනව සිහි නැති වෙන්න ) නුඹලාට මතකනම් ම විසින් ‍දෙවැනි වතාවට ජොන්ගේ සත්තු වත්ත නැරඹු දිනට පසු දින ලියා තැබුවේ ඇය ගැනය... කැලණිය විශ්ව විද්‍යාලය ඉදිරිපිට නැවතී කාලය කා දැමුවේ ඇය වෙනුවෙනි...! දැන් ඇය මගේ ඉදිරිපිට සිනා සී අතට අත දීමට බලා සිටී.. එහෙත් මා ගොළුය...........
..
+ මොකෝ මේ ගොලු වෙලා.. මම බර්ඩ්....
= ( කියා ගත යුතු දෙයක් කල්පනා නොවූ යෙන් ගොත ගැසීමී. ආදරේ ගැන පොර ටොක් දෙන ආදරේ ගැන පම්පෝරි දෙන ආදරේ උගන්වන කුරුළු - ගොලු වී ඇත ) අහ් ඔයාටත් තියෙන්නෙ මගේ නම මයිනේ.. !
+ ඒ කිවුවෙ ??
= මගේ නම කුරුළු.. මම ජෝන්ගෙ යූත් එකේ යාලුවෙක් !...
+ කුරුළු කිවුවෙ ! කුරුළු නිස්කලංකද ? (ඇය මා දෙස බලා එරෙවුවේය )
= ඔවු ඇයි ! ඒ මම..
+ අහ් අල්ල ගන්න තමා මම මේ හිටියෙ
= ( දැන් ඉතින් ඉන්න‍ෙ මේ ලග අල්ල ගන්න එකනෙ ඇත්තෙ.. කියන්න සිතූවත් )
අඩේ අප්ප ඒ මොකෝ... !
+ මො‍කෝ ! මොකෝ තමා ඔයා මේ BRID ට ආදරේ කරනව කියල ෆේස් බුක් ඒකෙ ලියල ඒක හැම තැනම ෂෙයා වෙලා මට කැම්පස් එකේ ඉන්නත් නැති වුනානෙ..
= අනේ සමා වෙන්න මම හිතලමයි එහෙම කලේ ..!
+ හිතලමයි කලේ !
= ඔවු.. මම ඔයාට ආදරේ කරනවනෙ..
+ ඒක මාර කතාවක්නෙ..... ඒක වෙන්නෙ කෝමද ?
= ඒක වුනේ මෙහෙමයි..
ජොන්ගෙ සත්තු වත්ත ඉවර වෙලා කැලනියෙ ධර්මාලෝක ශාලාවේදි මම ඌට සුභ පතන්න ආව ස්ටේජ් එක උඩට.. ඔයා කොහේදෝ ඉඳන් මොකාද වගේ පැනල ජොන්ව බදා ගත්ත.. අන්න ඒ වෙලේ තමා මම ඔයාව දැක්කෙ .. එවෙල ඉදන් ආදරෙ හිතුණ..
+ එහෙම ආදරේ හිතෙන්නෙ කෝමද දෙයියනේ...
= මේ හිතුනේ එහෙනම්.. එදා ඇදන් හිටියෙ තද කොල පාට ගවුමක් ... දණහිස ලගට වගේ.. කොණ්ඩෙත් ගොතල තනි කරලට , මම එලියට එනකොට එතැන හෝල් එක ලග ඔයා ඩේ එකක් උඩ නැගල යාලුවො එක්ක හෙන කතාවක්.. මම කීප පාරක්ම හැරිල බැලුව එත් ඉතින් අපි මොක්කුද ඔයැයිලට නේ...!
+ හයියෝ..... මාව පටලන්න එපා අනේ....
= ඔයාට බොරුනම් අහන්න මාත් එක්ක කාර් එකේ හිටි අයගෙන් .. මම ගෙදර යනකම් කියෙවුවෙ ඔයා ගැන..
මම හෙදර ගිහිල්ල ත් කල්පනා කලා.. එත් මට ඔයා ගැන අහගන්න විදියක් තිබුනෙ නෑ... මම එවෙලෙම ජොන්ට කොල් කලා .. කොහෙද ඒකා ෆොන් එක උස්සන එකෙක්යෑ..... අන්තිමට මම වොල් එකේ කවියක් ලිවුව.. ඒක ඔයාට...

" මට දැනෙනා මේ සිතිවිලි - ඇයටත් එලෙසම දැනේද ?
මගේ සිතට මේ දැනෙනා - සිතිවිලි ආදරේ නේද ? "

== අවාසනාව ඔයා ෆේස් බුක් නැ කියල දැනගත්තෙ පහුවදා .. මට පහුවදා ඔයා ගැන සේරොම වගේ විස්තර ලැබුන.. මම ඒ ගැන ලියල තිබුන ඒක තමා ඔයා කියවල තියයෙන්න... මම ඒකෙ නොලියපු දෙයක් තිබුන..
+ ඒ මොකක්ද ?
= ඔයාට ආදරේ කරන්න කෙනෙක් ඉන්න විත්තිය ..ලොකු සල්ලි කාරයෙක්... !
+ අහ් ඔවු..
= හ්ම්... ඉතින් මම අයින් වුනා.. මම පස්සට ය්නනෙ ආදරේදි නෙවේ සල්ලි වලදි ... දුර ඉදන් බලන් ආදරේ කරන එක කොයි තරම් සුන්දරද .. ජොන් කියනව වගේ මම සම්බන්ධ කමක් හදාගත්ත " ඔයාට තියෙන ආදරේ එක්ක" එදා ඉදන් මම ඔයාට කවි ලිවුව සංකල්පනා ලිවුව... හැබැයි ඔයා ඒව දකින්න නැතිව ඇති...

" මම ඇයට ආදරේ
බව හොඳට දැන දැනත්
ඇයට කවි ලියන එක
හොඳද මේ වෙන අයත්
ඇගෙ හිතේ ආදරේ
මගෙ නමට නැති වුණත්
දැන ගනින් ඇයටමයි
මගෙ කවිය, හෙට මළත් ! "

== මේකවියත් ඔයාට ලිවුවෙ.. ඇත්තටම ඒක පුදුම ආදරයක්... මම ඔයාට කරදර කලේ නැ.. හැබැයි ආදරේ කලා.. අදවෙනකම්..
+ ඔයා පුදුම කෙනෙක්නෙ කුරුළු.. ඉතින් ඇයි දැන් මට මේක කිය්නනේ..
= හහ් "ආදරේ හංගගෙන හොඳ මිනිහ වෙනවට වඩා හොඳයි - ආදරෙයි කියල නරක මිනිහ වෙන එක " ඔයා මට ආදරේ කරන්න ඕන කියල මම කිය්නනෙ නෑ..  එත් මම අදාරෙයි .. මට ඒ ඇති... දවසක ඔයාට ම හිතුනොත් මට ආදරේ කරන්න.. මම ඉන්නව..

" සොඳුර නුඹ මට අයිති නැති බව
ටිකෙන් ටික දැන් දැනෙනවා
නුඹට හිත ඇති අරුම ලොකවකට
නුඹ සෙමෙන් පා තියෙනවා
නොදැන නුඹ යන ගමන ගැන මට
හිතට බියකුත් හැ‍ඟෙනවා
නුඹෙ සිතට බිය දැනුන මොහොතක
සත්තකයි නුඹ හැරෙනවා
හිටපු තැන මම ඉන්නවා ""

මේ කවියත් ඔයාට ලියපු එකක් BIRD ''''
=== කොහොම වුණත් අද ඔයාගෙ රඟපෑම් නම් මරු සුභ පතනව ආයෙමත් " විසේකාරියෝ " කොහෙ තිබුණත් " කුරුළු " එනව බලන්න... ගිහින් එන්නම් බුදු සරණයි.. -- ආදරෙන් ඉන්න ---
+ හම්.. හා..
( ඇය මුන ගැසුණ විට මම ගොලු වීමි.. දැන් ඈ ගොලු ය.. ඇය කිසිත් නොකියා මා අතිව් අප්ප සමු දුනි.. ඒ පෙරට වඩා ලෙංගතුවය.. ! මා මෑත් වූ පසුත් වෙනදා මෙන් නොව ඇය නිහඩවම බිම බලා ගනු දුටුමි.... ආදරයෙන් තව කෙනෙක් රිදවූවාදෝයි පසුතැවීමක් ඇති විය ... )
මම යලි හැරුණෙමි....... එත් සත්තයි - මම ආදරෙයි!

පියමං කරනට නව මං ලොවකට
කාලයමයි මේ නුඹට, මටත් !
එනු මැන සබැඳිය,සොඳුරුයි දිවියම
අදට වඩා හොඳ වේවි හෙටත්.. !
-කුරුළු-

=====================================
මේ කිසිවක් තවම සිදු වී නැත..
එහෙත්..... !!!
මා ඇයට මේ ටික නොකියමි.. මගේ හඳ දිහා බිම ඉදන් බලනකොට ලස්සනට පෙනේවි... එත් හඳ අයිති අහසට.... !
======

බැබලීම වගෙම බැස යාම අයිති සඳටයි
පිබිදීම වගෙම පරවීම අයිති මලටයි
හැමදාම වගෙම මම තාම අයිති නුඹටයි... !
.
රැවටෙන්න වගෙම රවටන්න හිතක් නැතී
හංගන්න වගෙම පෙන්වන්න කිසිත් නැතී
නුඹ දන්න තරම් මගෙ හිත
වෙන දන්න කෙනෙක් ලොව - මට හමු වෙලා නැතී
.
හිමි වන්න කියා හමුවන්න හිතක් නැතී
පින් වන්ත හිතේ විඳවන්න දුක්ක නැති
අදහන්න නමුත් හැකි වෙද
නුඹ දුන්නෙ නැතත් නුඹෙ හිත මගෙ ළගම ඇතී...

ගීතය -
http://www.youtube.com/watch?v=UUwfNMRltZs
======
එන්න එතැනට ! ටවර් හෝල් එකට හෙට  කුරුළු එනව හරියට 6.00 ට BIRD ව බලල විසේකාරියො දකින්න..
---කුරුළු---

====මාලිගාවක රජ කෙනෙක්වත් යනව‍දෝ කැඳවා==== වාසනාවන් එම සැදෑවට මා ඇවිත් යනවා=====

.

මීට බොහොම කාලයකට පෙරදී මට උවමනා වුනේ කූඩුවක් සෑදීමටය..

එය තනිව කල නොහැක්කකි..

ර්‍ඒ නිසා උදවුවට කැමති කෙනෙකුන් සොයා දසත සැරි සරූවෙමි..

අහම්බයකින් මට - නුඹ මුණ ගැසුනි...

මම නුඹට ඒ අදහස පැවසූවෙමි..

මුලදී අකමැති වූවත්.. තෙමාසයක් ඇතුලත මම නුඹව කැමති කරවා ගතිමි....

ලොවට හොරා කූඩු ව තැනීම ඇගේ අදහසකි...

කෙසේ වෙතත් අවසානයේදි සියලු දෙනා හට කිව යුතු බව දන්නා නිසා මම ඇගේ අදහසට එකග වුනෙමි..

ඇගේ නිවසේ කූඩුවක් ැතනිය නොහැක.. ඒ ඇගේ දෙමවු පියන් එ ්තරමටම සැපරුෂ වූ නිසාය..

ඉදින් අප දෙදෙන දෙමවුපියන්ටත් හොරෙන් කූඩුව සෑදීම ඇරඹුවෙමු...

ස්ථානය මගේ කාමරය ය..

බොහෝ අමාරුවෙන් ඇයත් මමත් අවුරුදු ගණනාවක් මහන්සි වී බට පතුරු කැපූවෙමු..

කූඩුවේ සැකිල්ල මගේ නිර්මාණයකි.. එය අටපට්ටමක් විය...

අප දෙදෙන එක් වී නිම කරන ‍කූඩුවෙන් සමාජයට ලෝ දහම මැනවින් විදහා දැක් විය යුතු යැයි මගේ අදහස විය..

නුඹද එයට එකග විය...

හතරැස් කොටු බැදීම සහ ඒවා එකලස් කිරීම ඇයගේ උදවුවෙන් සිදුවුනි...

මේ කූඩුවට පැටියෙක් දෙන්නෙක් එක් කිරීම ඇගේ අදහස විය..

එහෙත් මම මදකට පසු බෑවෙමි..

ඒ සාදන ලද මේ කූඩුව සැරසිලි කිරීමට පවා මා අත මුදල් නැත. ඒ ඉල්ලා ගත යුත්තේද අප්පච්චිගෙනි...

‍තවත් පැටවු එක් කලහොත් තත්වය බරපතල වන බව මම ඇයට පහදා දුනිමි..

කෙසේ හෝ පෙරෙත්ත කිරීමෙන් කූඩුව ප්‍රදර්ශනය කල පසු පැටවු එකතු කිරීමට මම එකග වුනෙමි..

කූඩුව සැරසිලි කල යුතු කාලය එලැඹුනි.. අප්පච්චිට නොකියාම බැරිය..

මෙතෙක් කල් කාමරයේ හංගාගෙන හිටි ‍අපේ කූඩුව ගැන අප්පච්චිටත් අම්මාටත් කීවෙමු.,

ඇයත් ඇගේ දෙමාපියන්ට පැවසුවාය.. ඔවුන්ද කූඩුව බැලීමට අපේ ගෙදරට පැමිණ මගේ අප්පච්චි එක්ක මොනවදෝ කියනු දුටිමි...

අප්පච්චි කාමරයට විත් මගේත් ඇගේත් මුහුනු දෙස බලා කූඩුව දෙසත් බලා සිනා සුනා මිස කිසිත් නොකීය...

එසේ වෙතත් දෙමාපිය ආශිර්වාදය මැද කූඩුව ඇරසීමට අපට හැකියාව ලැබුණි...

දෙදෙනාගේම හිත්තුලට මහා නිදහසක් දැනුනි... ඒ සමාජයට පෙන්වීමට කලින් දෙමාපියන්ගේ අවසරය ලැබුනු නිසාවෙනි...

කූඩුවේ වැඩ බොහෝ දුරට නිම වුනි...

එය ප්‍රදර්ශනය කිරීමට තිබෙන්නේ තව මාස කිහිපයකි.. අවුරුදු 5ක පමණ අප දෙදෙනාගේ වෙහෙස මහන්සිය ආදරය මත ඉදිූ කූඩුව නුඹලාට පෙන් වීමට තිබුනේ තව සුලු කාලයකි....

තව දුරටත් කාමරය තුල සැරසිලි කිරීමට ඉඩ නොතිබුනෙන් කූඩුව සාලයට ‍ගෙනඒමට සැරසුනෙමු...

අවාසනාවකි.....

අප නොපතනා දෙයක්ම සිදුවිණි

කාමරයේ දොර කුඩාය... අප දෙදෙන මෙතෙක් කල් කාමරය තුලට වී සැදූ කුඩුවේ පරිමාණය ඉතා විශාල වී තිබුනි ...

අප දෙදෙන දෙපැත්තට වී හැඩූ වෙමු.... සති ගනන් මාස ගනන් හැඩුවෙමු...

කල හැක්කක් නැත.. නිසි පිළියමක් ද නැත.. ඇත්තේ කූඩුව කඩා දැමීම පමණි..

දෙමාපියන්ද කිසිත් නෙකීවෝය..

අවසනදී සිය‍ල්ලනගේම යෝජනාව වූයේ කූඩුව කඩා දැමීමටය...

ඇයත් මාත් හඩමින් අප ආදරයෙන් තැනූ කූඩුව කැබලි කර දැමූවෙමු...

දැන්..

නැවත ඇයටත් - මටත් කූඩුවක් තැනීමට දෙමාපියන්ගෙන් අවසර නැත....

ඇය පිටත්ව ගියාය..... මම තවම කාමරය තුල ගුලිවී ඉතිරි වූ සවුකොල තෙත් කරමින් හඩන්නෙමි...

කෙසේ වෙතත් මාගේ අදහස පිලිගෙන කූඩුවක් තැනීමට ඇගේ මුලු කාලයම අවුරුදු 5ක් කැප කල ඇයට මම ස්තුති කරමි....

නුඹට හැකි නම් නුඹේ අදහස අනුව මගේ සැකිල්ල මතකයේ තබාගෙන වෙන කෙනෙකුන් හා එක්ව කූඩුවක් තනන් - පැටවුනුත් සමග !!

එය ලොවට පෙන්වන දාට මමත් එන්නම්...

සුභ පතන්න.....!!!

== මා නිසා ඔබ නොපිරූ පිරුම් - මා නිසා ඔබ නොපැතු පැතුම්

ඒ සිනා ‍මැද ඉටු වේවිනම් - ආයෙ නාවත් කම් නෑ ඉතින් ...==

.

කෝ එදා ඔබ අත පැලැන්දු මුදුව කෝ කොයිදෝ

නෑ මගේ සිත අන් කෙනෙකු ගැන කීවදෝ නැතිදෝ.....!!

.

මාලිගාවක රජ කෙනෙක්වත් යනව‍දෝ කැඳවා

වාසනාවන් එම සැදෑවට මා ඇවිත් යනවා

.

-කුරුළු--