== සඳ දිය දෙවුන සේ සිනහව පිපුනාම - නුඹ කොයි තරම් සුවඳද මගෙ හිත ගාව =

.

මාත් සුදු නංගිත් ගැන නුඹලා සිතන සිතිවිලි නිවැරදි නැති වීමටද පිලිවන.

නුඹලා මාත් සුදු නංගීත් පෙම් යුවලක් යැයි සිතතැයි මට විටක සිතේ

එහෙත්..

සුදු නංගීත් මාත් ඉතාම හොඳ මිතුරන් විය නොහැකිද ?

නොඑසේනම් , ආදරයකට අවසර නැති දෙදෙනෙක් විය නොහැකියැයි නුඹලා නොසිතන්නේද ?

අපට අප අයිතිය.ආදරය අහිමි විය හැකිය.

ඇයත් මාත් ‍ වෙන කිසිවෙකුට ප්‍රේම නොකරන්නට සිතා දෙපසට වී සිටින දෙදෙනෙකු විය නොහැකිද ?

අප දෙදෙනා දෙපසට වී අපගේ ලෝකය තතාගන්නන් නොවිය හැකිද ?

අප දොඩමළු වන්නෙමු - මුණ ගැහෙන්නෙමු , තුටින් සිටින්නෙමු.

පෙම්වතුන් මෙන් සිනහ නගන්නෙමු.. අයට දුක වෙලාවලදී මමත්, මම කලකිරුන වේලාවට ඇයත් සනසාගන්නෙමු. තුටු වීමද එසේමය..

ඇයටත් මටත් යහළු යෙහෙලියන් සිටිතත් කිසිවිකු හා පෙමින් නොබැදෙන දෙදෙනකු වෙමු.

අපට අප ම සෙවනැල්ල කරගෙන දැනට අවුරුදු ගනනාවක සිට ජීවත් වන්නෙමු.

අැයගේ සියලු විස්තර දන්නේ මා ය .. මාගේ ද එසේම ය.

මා හට ආදරයෙන් කතා කිරීමට අවශ්‍ය වුන විටක මා අැය අමතමි..

ඇයටද ආදරයෙන් හුරතල් වීමට අවැසි වූ විට නිතරම මා අමතන්නීය..

එසේ වීමෙන්ම අප දෙදෙනා තුලම ප්‍රේමයක් තිබිය යුතුයැයි නුඹලා සිතන්නෝද ?

මේ අප විසින් අපව රවටා ගනිමින් සිටිනවා විය නොහැකිද ?

මා ප්‍රිය කරන්නෙ ඇයගේ අතින් අල්ලාගෙන සිටීමටය.

ඇය ප්‍රිය කරන්නේ මාගේ උරහිසට හිස තබාගනෙ සිටීමටය..

එබැවින්ම අප පෙම්වතුන් විය යුතුමද ? අතින් අල්ලා ගැනීමටත් උරහිසක් ලබා දීමටත් පෙම්වතුන් විය යුතුමද ?

මහ මගදී  අහම්බයකින් හෝ ඇයත් මාත් දකින කෙනෙකු ට අප " පෙම්වතුන් " ලෙස වර්ග කල හැකිද ? කරනවානම් ඒ ඔහුගේ හෝ ඇයගේ සිතුවිල්ල මිසක අපගේ සිතුවිල්ල නොවේ..!

සුදු නංගිගේ සිත තුල සිටින දඟකාර චරිතය දරා ගත හැකි පිරිමියා මා විය හැක.

මා තුල සිටින මොකා හෝ වේවා ! සුදු නංගිගේ ආකාරායට නපුරු - දුෂ්ඨ - රළු - කැත - නරක පිරිමියා දරාගත හැක්කේ ඇයට විය හැක..

ඒ එසේ වීමෙන්ම අප පෙම්වතුන් විය යුතුමද ?

අප දෙදෙනා මිතුරන් විය නොහැකිද ??

වෙනසකට ඇත්තේ ඇයට මා හැර වෙනකෙකු නැති වීමත්  මටත් එලෙසින්ම වීමත් නොවිය හැකිද ..!

මූනු පොතින් වුවද කී දෙනෙක් නම් අප අවට සැරිසරත්ද එහෙත් වෙනසකට ඇත්තේ ඔවුන් අප සමග කතා කරන්නේ හෝ ළඟට පැමිනෙන්නේ ඔවුන්ට අප වුවමනා වූ වටි පමණක් වීමය.

සුදු නංගිත් මමත් අතර ඇති බැඳිම එයයි.! ඇයත් මාත් මාස ගණනාවක් වචනයක් වත් දොඩමලු නොවුවත් අපට අපමතක නොවීමයි !

කිසි දිනක අඩුවක් නොවන ඇයගේ හුරතලයට මම ප්‍රේම කරන්නෙමි .. ඒ මම ඇයගෙන් දුටු විශේෂත්වයි ... කිසි දිනක මැවිසිල්ලක් අසා නැත්තෙමි.. කන් කෙඳිරි ගාන්නේද හුරතලයෙනි.. !

මාගේ රළු ගතියටත් නපුරු ගතියටත් වානරයෙකු මෙන් රූපයටත් ඇය ප්‍රේම කරන්නීය'''

ඒ අපට ඇතිය ...!

අපට නුඹලා ප්‍රේමවන්ත ලේබලය ඇලෙවූවත් " සුදු නංගීටත් කමක් නැත " මටත් කමක් නැත.!

ඇයගෙන් " සුදු අයියා ගැන ඇසුවහොත් කාටවුන්ත් පිළිතුරු ලැබේනනේ - " එහෙම කෙනෙක් නෑ" කියාය..

මගෙන් ඇසුවහොත් මාද පවසන්නේ - එහෙම කෙනෙක් නැති බවය..

ඒ ප්‍රේමය මුල් කරගෙන විය හැක.... !

අප අතර ඇත්තේ බැඳීමකි .. සසර බැඳීමක් විය හැක්කෙද නොහැක්කේද නොවේ ..

අප දන්නේ මේ භවය තුල අප බැඳී ඇති බවක් පමණි ..!

ඊයේත් මා වාහනය පදවන විට ඇයගේ සුපුරුදු ඉදිරිපස අසුනේ දඟලමින් උන්නාය..

--

+ කෝ අත දෙන්න ... ( මා වඩාත් ආසා කරන්නේ වාහනය පදවන විට ඇයගේ අතකින් අල්ලාගෙන සිටීමටය.. - වාහනය ඔටෝ ගියර නිසා )

-  මට බෑ..

+ ඇයි බැරි

- බෑ කිවුවාම බෑ.. මම දැන් ගණං

+ ඉස්සර ලාබයිද ? අපිට තමා ඉතින් සේරොම ගනං

- අනේ යනව යන්න ඇයි හිතුවද මම එක එක්කෙනාගෙ කාර් වල නැගල යනව කියල.!

+ එහෙනම් අතින් අල්ල ගන්නව

- බෑ. මට හිතන්න ඕන..

+ මොනව ගැනද ?

- අපි ගැන.. සුදු අයිය ගැන .. සුදු අයියට ගොඩක් කෙල්ලො ආදරෙයි ..මට කවුරුත් ආදරේ නැ..

ඔයත් නපුරු කම් කරනව...

+ අහ් මම ආදරේ නැතිද ඔයාට.. එහෙමද හිතනේනෙ..!

- හිතෙන්න දෙයක් නැ.. එක් හැමෝම දන්නව..

+ මේ අල්ල ගන්නවද නැතිද , ( දෙවැනි වරත් ඈ වෙත අත දිගු කලෙමි )

- අපෝ නපුරා මට කැගහන්නෙපා මම ඔයාට බයයි.. කෝ දෙනව මෙහෙට මහ ලොකු අත.. බනින්නේපා අප්ප පොඩ්ඩ ඇත්තං..

+ හ්ම් අන්න එහෙම එනව..

එතැන් පටන් ඇය මගේ ඇගිලි කරකවන්ණීය.. නියපොතු හූරමින් රිද්දවන්නට උත්සාහ දරන්නීය..

- රිදේනනෙ නැතිද ඔයාට.

+ නෑ...

- ඔවු ඉතින් කබර හමක්නෙ තියෙන්නෙ කොහෙ රිදෙන්නද ... ආ මේ‍ෙ ම් මාව ඔය ඉස්සරහින් දානන් අද ගෙවල් ගාවට දාන්නෙපා .. අම්ම එනව කිවුව... මෙැතනින් දාන්න මම මෙතැන ඉදන් බස් එකේ යන්නම් එක හොල්ට් එකක්..!

+ හ්ම් හා එහෙනම් පරිස්සමට යන්න...

- කෝ කිස් එකක් දෙනව නලලට ! මම බහින්න හද්නනෙ

+ බෑ .. තව ඒ ගැන හිතන්නෝන..

- හිතා ගන්නව ගෙදර ගිහින් දැන් දෙනව.. යකො මෙයාගෙ ගෑස් හුහ්..

+ බෑ සුදු නංගි අද දෙන්නෙ නෑ...

- හරි එපා මම යනව ටටා..... !

ඇය බැස ගියාය.. මම දිරියටම ඇදුනෙමි... යනෙන අතර තුර කල්පනා කලේ ඇයගේ වෙනසයි.. වෙනදා මගේ අත බලෙන්ම අල්ලා ගන්නා ඇය අද වෙනස් වුන‍ේ ඇයි දැයි සිතුවෙමි.. ඇයගේ සිත වෙනස් කරලාවත්ද නැති නම් මට කිව නොහැකි දෙයක් ඇයගේ සිත තුල තිබෙනවා වත්ද ?

" පවු.. කිස් එකක් දෙන්න තිබුන. මොනව වුනත් මම ආදරෙයිනෙ "

---- කෙටි පණිවිඩයක් ලැබුනි.. !

 "" sudu ayiye narakai oya. mata kis ekak dune ne.tharaha wenepa mam athin aulwe ne kiyala ehema kale oyawa tharaha gassanna. kalekinne meet une :P . gemmage sera. ada nodunant akamk ne nxt dy 3k oni. mis una ekai edata dena ekai poloyai . parisamin drve karanawa matto Msg balnne nethuwa. hu hu.

--- SN --

==========================

සඳ දිය දෙවුන සේ සිනහව පිපුනාම..

නුඹ කොයි තරම් සුවඳද මගෙ හිත ගාව..

දෑ කුල සිරිත් සිටි සඳ මග අවුරාන...

හමුවී වැලපෙමුද මෙලෙසින් හැමදාම..

'

නෑඹුල් පැතුම් අහසට නැඟ රහසේම - දිළිසෙන්නේ ද පුර පස වී සඳපාන

ඒ හඳ ඇයි ද දියවක වී පුනු රෑක - දිය වී ගිහින් රැඳුණේ තරු ඇස ගාව.....

'

ලය මත පිපුණු උණුසුම් සුසුමක සුවඳ - සෝදා හල හැකි ද ගැරහුම් රල ගාව

කඩඉම ලඟ ඉඳන් වත් නුඹ හැමදාම - මට අත වනාපන් නළියන නළ සේම....

========== අසංක ප්‍රියමන්ත පීරිස් - මාලනී බුලත්සිංහල.

--- කුරුළු--

සින්දුව -

https://www.youtube.com/watch?v=shPY4EL_QuM

--- හ්ම් -- ප්ලාස්ටික් !!! ---

.
පුංචි කාලෙ මට තිබුණ ෆාම් එකක්
---- ප්ලාස්ටික් !!!
හරක් 2න්නෙක්
බල්ලෙක් - අශ්වයෙක් - තාරාවෙක් - බැටලුවෙක්

ඊට පස්සෙ ගෙනත් දුන්න ගස් ටිකක් !
---- ප්ලාස්ටික්... !!
ලොකු ගහක් - පොඩි ගස් 3ක්
පඳුරු 4ක් - වැල් ජාතියක් ...

මගේ ලග තිබුණ පරණ බිල්ඩින් බ්ලොක්ස් ..
---- ප්ලාස්ටික් !!!
මම ඒකෙන් ගෙවල් හැදුව.. !
ලස්සනට ෆාම් එකක් හැදුව ..!

එත් අප්පච්චි ඊලගට මට ගෙනාවෙ ආමි සෙට් එකක්
--- ප්ලාස්ටික් !!
මම ඒ අයගෙන් යුද්ධයක් කලා..
දණ ගහන් හිටපු අය 2න්යි
හිටන් හිටි අය 10යි
බඩ ගාපු අය 5යි
ටැංකි 2යි - ජීප් 3යි....
එහා ගෙදර මල්ලිත් එක්ක එයාගෙ හමුදාවත් එක්ක
අපි යුද්ධ කලා..
පැරදුණාම එයා එයාගෙ හමුදාව මට දීල ගියා ...
මගේ හමුදාව ලොකු වුනා
කරන්න දෙයක් නැති නිසා මම වැඩි පුර හමුදාව
මගේ ෆාම් එකේ වැඩට දැම්ම... !!

ආයෙත් ‍මට ලැබුනෙ බැකෝ සෙට් එකක් !
-- ප්ලාස්ටික් !!!
ඉතින් මම ඒවයින් පොලව හැරුවා
වත්ත පුරාම මල් හිටවන්න.. බොරලු ඇද්දා
සේරම වැඩ කරන්න දැම්මෙ මගේ හමුදාව.

උපන්දිනේට අම්ම දුන්නෙ ට්‍රාන්ස්පෝර්ට් වාහන ටිකක්
-- ප්ලාස්ටික් !!!
ඒකෙ ප්ලෙන් 3ක් - හෙලිකොප්ටර් 2ක්
බස් 5ක් බෝට්ටු 3ක්
ඉතින් මම බස්හෝල්ට් - එයාර් පෝට් ස්ටේෂන් හැදුව
මට බයක් නැ මොකද මගේ ලග බැකෝ තිබුණ
හොද හමුදාවක් හිටිය වැඩ කරන්න...

අප්පච්චි අවුරුද්දට ගෙනාවෙ පුංචි කාර් සෙට් එකක්
-- ප්ලාස්ටික් !!!
ඒකෙ කාර් 24ක් තිබුණ. ලැම්බෝ- ඩුකාටි - අවුඩි - බෙන්ස්
පොඩි කාලෙ ඉදන්ම මම ඒවට ආසයි
අනික් සේරොම පැත්තක දාල මම කාර් පැද්ද...
එත් මට
 හරක් ටිකයි - ආමි එකයි - ප්ලේනුයි ගසුයි නිසා
කාර් පදින්න කාමරේ ඉඩ මදි වුනා
මම අනික් සේරොම එලියට දැම්ම..
‍මගේ ඇදුම් පෙට්ටියත් එක්කම..
මම තනියෙන් කාර් පැද්ද..
බර්ම්..... පිීක් පීක්.......

දවසක් මගේ හරකෙක් අප්පචිට පෑගුණා..
හවස එහා ගෙදර මල්ලිට එන්න කියල
ඒ සේරොම දීල..
මම දන්නෙ පස්සෙ..
මම ඇඩුව හුගක්... දැන් මට කාර් ටික විතරයි..!
-- ප්ලාස්ටික් !!!

-කුරුළු-

== කෙදිනද කූඩු හදන්නට එන්නේ -කෙදිනද කූඩු වෙලා අප ඉන්නේ == සෞම්‍ය ප්‍රේම සඳ කිරණේ - කවදා තනිවන්නේ ===

.
- සුදු අයියේ ..!
+ ඔවු කියන්න..
- සුදු අයිය‍ේ.....
+ කියනව ඉතින්
- සුදු අයියේ... කෝ මේ සුදු අයියා..
+ කියනව වදේ නලවන්නෙ නැතිව
- හා හා කේන්ති ගන්නෙපා.. මෛත්‍රී වේවා මෛත්‍රි වේවා ..!
+ අනේ මේ යනව හලෝ යන්න..එනව මෙතන බයිට් කරන්න..
- නැ නැ බයිට් කරන්නෙ නැ අපි මෛත්‍රී කරන්නෙ
+ ආහා දැන් ඕකටද කතා කලේ..
- නැ නැ අ‍නේ අපි දෙන්නට මොකටද දේස පාලනේ නේද ? ඒවා ඒකලෙට අපි දෙන්න ගහ මරා ගමු පොඩ්ඩක් ජොලියට ත් එක්ක.. ඊට ප්සසෙ ඡන්දෙ දාල ඇවිල්ල නිවි සැනසිල්ලෙ ඡන්දෙ අහල.. ජොලියෙ ඉමු මෙයා..
+ හ්ම්
- පශ්චාත් මැතිවරණ ප්‍රචන්ඩ ක්‍රියා ඒන නෑනෙ අනේ මේ එක වහල යට ඉන්න හදන අපි දෙන්නට.. නැත්ද මං අහන්නෙ..
+ එක වහල යට ? හිතේ අති දැංම රිංගන්ට...
- ආහා හරි ඉතින් ඔයා එහෙනං මට සහයෝගෙ දෙන්ඩ කියල හරි ම‍ේග දෑත් ශක්තිමත් කරන්න කියල හරි අපේ ගෙදර බින්න බහින්ඩ කේස් එක ඉවරනේ සනා..!
+ සනා...! මේක දැන් බජාර් බාසාවත් ඉගෙන ගෙනනෙ කොහෙන්ද අප්ප ඕව ඉගෙන ගන්නෙ..
- එවුව රහස් හොදද ? මේ ඒක නෙවේ අයියෙ අපි ගෙයක් හදන්නෙ නැතිද ?
+ මම හදල තියේනනෙ පොඩි එකක් ඒකෙ තව වැඩ ටිකක් තියෙනව ඒ ඇතිනෙ අපි දෙන්නට ඉතින්.,
- හ්ම්.. දැන් මොනවද ඔය ගෙදර තියේනනෙ..
+ දැනට ඉිත්න එක කාමරයයි...
- එක කාමරක් ද තියේනනෙ එහෙනම් කිවුවෙ වැඩ ටිකයි කියල තියෙන්නෙ.. කියල තව
+ ඔවු අනේ පොඩ්ඩයි තව ඉතිරි . සාලෙ හදල වැරන්ඩා හදල, කාමර තව 4ක් තියෙනව එක් යි කුස්සියයි, තව බාත්රුම් එකකුයි , මැද මිදුලයි උඩ තට්ටුවයි විතරයි ඉතුරු ..
- මගේ දෙයියනේ..... එච්චර ද ඉතුරු !!! ඒක හොදයිනේ..
+ හොදයිනෙ නේද එකනෙ කොහොමද මගෙ ප්ලැන් එක !
- කියන්න බලන්න..දැන් සාලෙයි කිචන් එකයි වැ‍රන්ඩාවයි මැද මිදුලයි..ම් කාමර 4 යි බාත්රුම් දෙකයි ඇත ඇති..
+ එක්නෙ
- හැබැයි අයියෙ මට ආසයි උඩ තට්ටුවෙ පොඩි ටීවි රෑම් එකක් හදන්න ! එතකොට අපිට එකේ ටිවි බලන්න පුලුව්නනෙ සද්දෙට.. අයියට ඕන නම් පොඩි පුස්තකාලෙකුත් වෙනම හදමු පොත් කියවන්න.,!
+ නැ මම හිතන් ඉන්නෙ උඩ කොටසෙ පොඩි පිරමීඩ කාමරයක් හදන්න
- ඒ මොකටද
+ මට බාවනා කරන්න , ඒකෙ ඇතුලට වෙලා
- හ්ම් මම ආවට පස්සෙත් බාවනා කරනවද ඔයා.. කැමැත්තක් එහෙනම්.. මේ අපි පොඩියට චාමෙට හදමු.. බිමට සුදු ටයිල් අල්ලමු.. දුමුරු පාට බෝඩරක් එක්ක,,ම් නාන කාමරේට අපි උනු වතුර එකක් හයි කරමු.. මේ සුදු අයියෙ.,
+ ඇයි සුදු නංගි
- මට බාත් ටබ් එකකුත් හයි කරල දෙනවද ?
+ ඒ ඇයි..
- මට බැහැල නාන්නනෙ.. සුවිමිං පූල් වලට වියදංනෙ අප්ප.. පොඩි එක්ක හදල දැන්න ඈ..
+ අනේ මේ පල යන්න .. ඔන් නං වත්තෙ ලිදක් කපල දෙන්නං ඇදං නාන්න..
- ආ.. මේ ඔයාගෙ රෙදි හොදල දේනනෙ නැ හරිද මට ඕන දේවල් කලේ නැත්තං.ම් කිචන් එකට ලස්සන පැන්ට්‍රි කබඩ් සෙට් එකක් හදමු..ටීක් පාටට !! ලස්සනට හදපු කෑම කාමරේට අපි පොලවට ලෑලි අල්ලමු...ලී කැම මේසයක් තියමු..එතකොටයි ගති මම දැක්ක ටී වි එකේ..
+ පිස්සුද අනේ සල්ලි කොහෙන්ද ඔය ටිවි ඒකෙ යන බහු බූත කරන්න..
- ආ බූත නෙවේ ..සාලෙ තියේනනෙ සෙටි එක විතරයි ලස්නට නිදහස්ව තියන්න ඒන.. පින්තුරක් එල්ලල ඔයයි මායි ඉන්න හොදද? ආ.. නිදන කාමරේට කොම්පියුටර් තහනම් හොදේ ඒකකට වෙනම කාමරයක් හදන්න වෙනව..
+ මේං බලහල්ලකො මේකි.. යකො ්මට තව ඉඩමක් ගන්න වෙයි මේ විදියට හද්න්න.,
- මේ ඉතින් අහනවකො මැටිස් අපි දෙන්න අවුරුද්දට තීන්ත ගාමු ඇ මම ආසයි අනේ අපේ තාත්ත දෙන්නෙ නැනෙ.. ඔයාගෙ ගෙදර ආවම අපි දෙන්න එකතු වොල තීන්ත ගාමු හොදේ..
+ හ්ම් එහෙන්ම මාසෙකට විතර කිලන් පටන් ගන්න වෙයි.
- ඒ මොකෝ
+ මොකෝ අහන්නෙ ඊරියෙ ඔය කියන තරමම් ලොකු ගෙයක් හැදුවම කොච්චර තීන්ත ගාන්න වෙයිද ? දෙන්නෙක්ට ගාන්න මාසයක් වත් යයි
- හරි ඉතින් අපි චුට්ට චුට්ට ගාමු .. මොනවද ඩොන්ට් බි නෙගටිවු තින්ක් පොසිටිවු බබා..!
+ නැ නංගි මොනව කරන්නද ඒක අපේ ලේවලින් එන එකක් මගේ ලේ වර්ගෙ නෙගටිවුනෙ ..
- මේ අයියෙ ඒක නෙවේ අපි ඒ ගෙදර තව කාමරයක් හදමු !
+ ඒ කාටද
- ඔයාගෙ අම්මටයි අප්පච්චිටයි..
+ හානේ ඇත්තද ! අන්න අම්ම කතා කරනව තේ බොන්න යන්න .. අනේ මේ මම කිය්නනෙ නැ උඹට ..ඇඩ් දානව නේ මට
- අනේ නැ අප්ප ඇත්තමයි අම්ම කතා කලා මම යනව එහෙනම්..
+ හරි බුදු සරණයි එහෙනම්..ආදරෙන් ඉන්න හොදද !
- ආ මේ අයියෙ මේ මම කියපුව ලියල තියාගන්න ඇ
+ ඇයි ඒ..
- කවද හරි ගේ හදනකොට ඕන වෙයි.. හූ .. හූ..
+ පලයන් යන්න ගෙම්බි...
===========================
කෙදිනද කූඩු හදන්නට එන්නේ -කෙදිනද කූඩු වෙලා අප ඉන්නේ
සෞම්‍ය ප්‍රේම සඳ කිරණේ - කවදා තනිවන්නේ

බිඳුණු සෙනේ දළු ලියලා ලා ගිනි වනපෙත ඒකාලෝක කෙරේ මා ප්‍රිය හිමි ඔබ එයි විඩාවෙන් දුර එනතුරු දොරකඩ රැක ඉන්නට

සෞම්‍ය ප්‍රේම සඳ කිරණේ කවදා තනිවන්නේ

දෙපය දොවා පිණි දිය දෝරේ ගිය බිරිඳක වූ දා නේද අගේ මා හිස සිඹ දොඩනා කතන්දර රස මසවුලු සුව‍ඳෙහි තුඩ තබනට

සෞම්‍ය ප්‍රේම සඳ කිරනේ කවදා තනිවන්නේ

ගායනය - නිරංජලා සරෝජිනී
තනුව හා සංගීතය - ස්ටැන්ලි පීරිස්
පද රචනය - ප්‍රේමකීර්ති ද අල්විස්
============
--- කුරුළු--
 

 ගී පැදුර බ්ලොගයට මගේ වි‍ශේෂ ස්තුතිය ( දැන් මම ගීත හොය්නනෙ ඒකෙ )
ගීතය මෙැතනින් අහන්න -
http://geepadura.blogspot.com/.../kedinada-koodu...