==== දසිස් 36 =====

( තිස් පස්වන කොටස හා සබැඳි )

(මෙය බුද්ධිමය දේපල නීතියේ ප්රකාශන අයිතිය යටතේ ආරක්ෂා කර ඇත.)

-----------------------------------

+ හොදමයි

- ඒහෙත් රජුනි මේ සෘධි ප්‍රාතිහාර්යය පෑ අවස්ථා ගැන සදහන් වනුයේ අප දහම තුල පමනක් නොව ඉන් පසු බිහිවූ යුදෙවුව්න්ගේ යේසුස් දහමේද, කුරාන දහමේද සදහන්ය.

+ ඒසේය..

- ඒහෙත් නැවත පවසමි ඒ් මවා පෑම් , ඉන්ද්‍රජාල කිසිවක් නිර්වාණයට හෝ පිරිසිදු දහමේ අවබෝධයට හේතු නොවේ.!

—————————————– අද එතැන් සිට

+ පැහැදිලියි අභය

- ඒසේනම් පලමුවැන්න,

අධිට්ඨානිද්ධි නම්ය

සිව්වන දැහැනට වේගයෙන් සමවැදීමටත් වේගයෙන් ඇහැරීමටත් ප්‍රගුණ කල යෝගියා සතර සෘධ්ධිපදයෙන් එක්තරා ඉද්ධිපාදයක් අරමුණු කළ කල්හි මෙය ප්‍රකට වේ. ඇතමෙක් නොපෙනී යනු කමති වේද ඡන්දය හේතුවෙන් අන් අයට නොපෙනේ . වායෝ කසිණාදි ධ්‍යාන ලැබූ යෝගියා තම ශරීරය වීර්යයෙන් යුතුව නොපෙනෙන්නා වූ වායෝ ධාතුව ප්‍රකට කරවා එය පවත්වා ගැනීමෙන් නොපෙනී යයි. තවෙකෙක් නොපෙනී යේවායි අධිෂ්ටාන කෙරේද ඒ හා සමග නොපෙනී යයි. ප්‍රාර්ථනා ඉෂ්ට කිරීමේ ආනුභාවයක් සතරවන ධ්‍යානයේ ඇත්තේය.

ඒ අනුව අහසින් යාම , දිය මත ඇවිදීම , පර්වත විනිවිද යාම, සිරුරින් ගිනි ජලය වාතය පිටකිරීම ආදිය මේ ආකාර සෘද්ධීන්ය. අතීතයේ බලවත් සෘෂිවරු ජනපද ආරණ්‍ය භෂ්ම කිරීම සාගර ගංගා වියළා දැමීම ඉර සද තාරකා කරා ළගාවීම යනාදියද, මුගලන් මහරහතන් වහන්සේ ශක්‍ර භවන කම්පා කිරීම ආදියද තථාගතයන් වහන්සේ උරුවේල් දනව්වේ පෑ පෙළහර හා යමා මහ පෙළහරද මේ වර්ගයේ වේ.

" දෙවැන්න විකුබ්බනිද්ධි නම්ය ""

තම ශරීරය වෙනත් ආකාරයකින් දැක්වීම. මෙය අදිෂ්ඨාන සෘද්ධියෙන් වෙනස් වුවද සතර ඉඩ්දිපාදයන්ම මූලික වේ. සෘද්ධිමතුන්ට තම ශරීරය නාගයෙකු, දෙවියෙකු, බ්‍රහ්මයෙකු ලෙස වුව දැක්විය හැක්කේය, තම ශරීරය මහත් කිරීමටද කුඩා කිරීමටද හැක්කේය.

තම ශරීරය මෙන්ම වෙනත් දේද විශාල කිරීමේ කුඩා කිරීමේ හා පරිවර්තනය කිරීමේ හැකියාවද සෘද්ධි ප්‍රාතිහාර්යයකි. ගන්ධමාදන පව් වැසි පසේ බුදුන් බොහෝ අවස්ථාවල තමා ලද ස්වල්ප වූ දානය පන්සියයක් සමග බෙදාගෙන වළදයි. මහා කාශ්‍යප තෙරුන් වරක් පණහක් පමණ වූ දායකයන් තම්මට ගෙනා බොහෝ වූ දානය ඔවුන් සැම සනසවමින් තම එකම පාත්‍රයෙන් කුඩා කර පිළිගත්තේය. පිළින්දි වච්ඡ තෙරුන් වරක් දැරියකගේ හිස මත තණ දරණුවක් තැන්පත් කර එය රත්‍රන් බවට පත් කළේය. වරක් මාරයා තථාගතයන් වහන්සේට ලෝක රාජ්‍ය කරන ලෙස ඉල්ල සිටිමින්,

" ඔබ වහන්සේගේ අධිෂ්ඨානයෙන් හිමාලය වුවද රන් බවට නොහැරේද ඔබ වහන්සේගේ රාජ්‍යයේ දිළින්දන් නොමැත. සක්විති රාජ්‍යය කළ මැනවයි " ඉල්ලා සිටියේය.

+ අහා අගනා විස්තරයක් ඉද්ධීන් ගැන

- තෙවැන්න මනෝමය ඉද්ධි නම්ය..

මෙය සුවිශේෂී හැකියාවකි. මෙය අෂ්ට විද්‍යාවන්ගෙන්ද එකක් වන නිසා බුදු රජාණන් වහන්සේ මෙහි අපරිමිත ප්‍රාගුණ්‍යයක් දැක්වූ බව දැනේ. බුදුන් හැර මෙහි ඉහළම දස්කම් පෑවේ චුල්ල පන්ථක මහරහතන් වහන්සේය. තමා සේම වූ වෙනත් ශරීර මවා පෑමේ හැකියාව මෙන්ම සියළු මැවීම් කිරීමේ හැකියාව මේ සෘද්ධියයි. තම මනෝ කාය පිටතට ගැනීමේ හැකියාවද මීට අයත් වේ. ඛේමා බිසවට පෙන්වූ ප්‍රාතිහාර්යයද මෙසේය.

මේ ප්‍රාතිහාර්ය විෂයෙහි මුගලන් තෙරුන්ද ප්‍රතිභාවක් දක්වූ බව සදහනක් අැත. ඒ් නම්,

"ස්වාමිනී . මම තවත් පෘථිවියක් මවා මෙහි සිටින සියළු සත්වයන් ඒ පෘථිවියෙහි පිහිටවා මේ මහ පොළොව කණපිට ගසා යටගියා වූ රස පෘථිවිය මතු කරමි. ඉන් පසු සියලු සතුන් යළි මෙහි පිහිටුවමි. " යැයි දෙසූහ, ඒහෙත්මෙවන් ප්‍රාතිහාර්යයක් දකින සත්වයෝ බියටම මියයන හෙයින් මෙය පෑමට බුදුරදුන් අවසර නොදුන්හ.

සිවුවෙනුව ඤාණ විප්ඵාරිතද්ධි යයි

ඤාණයන් පළ කිරීමෙන් සිදුකරන ප්‍රාතිහාර්යයන්ය. සාමාන්‍ය ජනයාට කිසියම් දෙයක අග මුල සොයා ගැනීම අපහසුය . නමුත් නුවණ වැඩි අයට එය විෂය වේ. අත පය බැද ගගකට දැමූ කල්හි සාමාන්‍ය මිනිසෙකු මිය යන නමුත් නුවණැත්තාට එයින්ද ගැළවී යාමට හැකිය . මෙය බහුතර ජනයාට ප්‍රාතිහාර්යයකි. මහෝසධ පඩිතුමා කිසිවෙකුට විසදිය නොහැකි අග මුළ නොපෙනෙණ ගැටළු විසදීම නුවණ මෙහෙයවීමෙන් කරන ප්‍රාතිහාර්ය නම්වේ..

පස්වෙනුව සමාධි විප්ඵාරිතද්ධි ය..

සතරවන දැහණෙන් පරිබාහිර පහල සමාධි නිසාද නොදැනීම පෙළහර සිදුවේ. වරක් තේජෝ කසිනය වඩන හිමි නමක් තමාට හිරිහැර වූ ශ්බ්දයක් කෙරෙහි සමාධියේ සිටියදී ගැටුණි . එහි ප්‍රථිඵලය ලෙස ලැව්ගින්නක් හටගති.නිතර මෛත්‍රී වඩන විශාඛ ස්ථවිරයන් වාසය කළ වනයේ එකිනෙකාට සතුරු යක්ෂයන් ප්‍රිය මිතුරන් වූහ. කොටියන් හා මුවන් මිතුරු වූහ , නයින් සහ මුගටින් ද මිතුරු වූහ.

උතුරු වඩුන්නාවේ ගොවියෙක් සිය හරකුන් සෙවීමට වනයට යද්දී හමුවූ භික්ෂුව ඉදිරියේ පන්සිල් සමාදන් විය. මහ වනයේදී ඔහු පිඹුරෙකු වෙළාගති . ඔහුගේ අතේ මන්නයක් විය ඉන් ගසා පිඹුරා මැරීමට සිත් වූ නමුත් පන්සිල් බිදීමට අකමැත්තෙන් එසේ නොකළේය . තෙවැනි වරටද එම සිතුවිල්ල එද්දී දිවිහිමියෙන් පන්සිල් රකිමියි සිතා මන්නය ඈතට විසි කළේය. මෙවිට පිඹුරාට දැණුනේ තමා ගිණිගෙන දැවෙන ගසක් වෙළාගෙන සිටින සෙයකි. පිඹුරා වහා පළා ගියේය. මෙය සීල බලය දක්වන කතාවක් වුවත් සමාධි විප්ඵාරිත සෘධ්ධියකි. තමා රකින ශීලය අරක්ශා කර්මියි සිතන විට ප්‍රීතිය හටගනී. ස්තිර වූ ශීලය සමාධියට මහෝපකාරි වන්නකි. ගොවියා නොදැනම පළ කළේ සෘද්ධි ප්‍රාතිහාර්යයකි.

+ හොදයි සයවෙනුව ?

(සෘධි ප්‍රාතිහාර්යය පිළිබද දත්ත උපුටනය දිටඨි විසුද්ධි බ්ලොගයෙනි )

------ කුරුළු------

( රාවණ – ගැමුණු රජු – දස මහායෝධයන් සතුව මෙවන් අසාමාන්‍ය විදයා / ඉන්ද්‍රජාල ශක්තීන් අැතැයි මනංකල්පිතව ” දසිස් ” නමින් මා ලබන මේ ප්රභන්ධය කර්තෘ දැනුවත් කිරිමකින් තොරව කතාව ඇසුරින් සිදු කරන්නාවූ කොටස් උපුටාගැනීමක්, අනුකරණය කිරීමක්, ආර්ථික අයිතිවාසිකම්වලට කෘතිය ප්රතිනිෂ්පාදනය කිරීමේ, විකිණීමේ, කුලියට දීමේ, බෙදාහැරීමේ, මහජනයා සඳහා සන්නිවේදනය කිරීමේ සහ පරිවර්තනය කිරීම වැලැක්වීමට බුද්ධිමය දේපල නීතියේ ප්රකාශන අයිතිය යටතේ ආරක්ෂා කර ඇත. )