===== දසිස් 08 =====

( සත්වන කොටස හා සබැඳි )
==============================
+ දිගු ධර්ම දේශනාවක්ද ?
– නැත, ධම්ම පද ගාථාවකි..
“අප්ප මාදෝ අමත පදං – පමාදෝ මච්චුනෝ පදං
අප්ප මත්තා නමීයන්තී – යේප මත්තා යථා මතා”
+ අර්ථය
– මහරජ… පමා නොවූ අය අමෘත පදය ලබන්නේය. පමා වූ තැනැත්තා ඉක්මනින් මරු කරා යයි.
නොමියන අය නම් අප්‍රමාදව පින්කම් කරන අයයි. පමාවූ අය ජීවත් වුවත් මැරුණාක් මෙනි…!
+ සාධු සාධු සාධු
– බල කාමයෙන් මද කාමයෙන් මත් වී හෙම්බත් වී සිටි අශෝක රජු තුල වූ ඡණ්ඩය යටපත් කොට ධර්මය ඉස්මතු කරගැනීමට හැකිවිය.
+ තේරපුත්ථාභයනි නුඹ පවසන්නේ ඒ එක ගාථාවකින් අශෝක රජුන් නිග්‍රෝධ සාමණේරයන් වහන්සේ වෙත පැහැදුනු බව ද ??
– එසේය ගැමුනු රජුනි.. ” හොඳ අශ්වයෙකුට කසයේ හෙවනැල්ලත් ඇති.. හේ නිසි මග යන්නෝ ම ය.. !!
+ ඉන් පසුව… !
==============================
- ඉන් පසුව අශෝක රජ තමන් තුල පැවති පසුතැවිල්ලත් සිත තුල ඇති කණස්සලු බාවයත් මුල සිට අගට සිද්දීන් ගලපමින් කියා සිටියේය. එපමණක්ද නොව රට නගා සිටවීමටත් තමන්ට ත් රට වැසියන්ටත් අස්වැසිල්ලක් ගෙන එන්නාවූ යමක් වේනම් ඒ ක්‍රියාත්මක කිරීමට කැමති බවද එක හෙලාම කියා සිටියේය. ඉතින් මා මාගෙ කාර්යය ඉටු කරන ලදි.
+ කෙසේද
- දස බලයන් ගැන පහදා දී ඒ කැඳවීමි. එතැන් පටන් අප දස දෙනා අපට නියමිත කාර්යයන් ඉටු කලෙමු.
+ එහෙත් මා දන්නා පරිදි නුඹ ගැන ඒ පළමු හමුෙවන් පසු සඳහන්ව නැත. අශෝකයන් එ සියල්ල සිදු කලේ රහතන් වහන්සේලාගේ අනුග්‍රහයෙන් බවයි සදහන
- සත්‍යකි. මා නුඹට කියමි . මාගේ අණ වන්නේ බුදු දහම රැක ගැනීම පමණි එබැවින් මා ඒ සදහා ඔහුව යොමු කලෙමි. එහෙත් අප අතර වු ගිවිස ගැනීම එලෙසම පැවතිනි. දස බලයන් පහල වී ඒ වන විටත් විනාශ වෙමින් තිබුන සියලු ශිල්ප ශාස්ත්‍ර, විද්‍යා, ගුප්ත රහස් , අංක විද්‍යා , රස විද්‍යා ආදී සියල්ලම එකතු කරන්නට වීමු.
+ කිමද
- රජුනි ඒ , ඒ වන විටත් ඒවා මනුශ්‍යන්ගෙන් ඇත් වෙමින් තිබුන බැවිනුත් මේ ලොව පැවැත්මට ඒ දැනුම අතිශ්‍ය වැදගත් නිසාවෙනුත්ය. අනෙක් කරුන නම් ඒ සියල්ල රාවණයන්ගේය. නමුත් මේ සියල්ල සිදු වූයේ රහසිනි.
+ ඒ දස බලයන් පිලිබදව රටවැසියන් දැන ගන්නා නිසාවෙන්ද
- නැත. අප විසින් ඒ එක් රස් කරන්නා වූ දැනුම ලොවට බෙදා දෙන ලද්දේ රාවණයන් විසිනි. ඒ විනාශයට පත් කල අන්දම නුඹ වහන්සේ දනිතැයි සිතමි.
+ රාමායණය ද ?
- දන්නා පමණින් එසේයැයි කියමු. එයින් පසු හෙලය විනාශ කිරීමේ අරමුනිනින් මනු ලොව යම් යම් ස්ථාන වල විසිරුවා හැර යටපත් කර ඇති රාවණ ශිල්ප, දැනුම එක් රැස් කිරීම අපට භාරය. අශෝක රජුත් අපත් අතර ගිවිසුම එයයි. ඔහු අප පෙන්වු මගෙහි අප උදවු ඇතිව බුදු දහම නැවත නගා සිටුවීය. අප ඔහුගේ රාජ්‍ය අනුග්‍රහය ඇතිව රාවණ විද්‍යාවන් එකතු කරගතිමු.
+ ඉදින් ඒ සඳහා නුඹලාට රාජ්‍ය බලයක් අව්‍ශ්‍ය මද ?
- මා රජුණි පවත්නා ලොවට රටාවක් ඇත, මේ දේශයෙහි අප දස දෙන පැමිණ නුඹටත් ඉහලින් යමක් කෙරෙත් නම් පලමුව සටන් ඇරඹෙන්නේ නුඹ සහ අප අතර නොවේද ? ඒ හැරත් රාජ ධර්මයට ගරු කිරීම රාවණ පිලිවෙතයි.
+ පිලිගනිමි. නුඹලාගේ කාර්යය සම්පූර්ණ කලේද
- එසේයැ. අප නවයක් වූ දෙනා විසින් සොයා එකතු කල දැනුම ග්‍රන්ථ නවයක් සම්පාදනය කලෙමු.
+ නවයක් යනු දස බලයෙන් නුඹ හැරද ?
- එසේය මා අයිති නැත මා පණිවුඩ කරුවෙකු පමණි. අවශ්‍ය සියලු කාරණ දහයම එක් වු විට රාවණ බිහිවෙයි. එහෙත් එවර එවැන්නක් අවැසි නොවීය.
+ දැන් ඒ ග්‍රන්ථ කොහි වේද
- කිව නොහැකිය. ඒවා මනුශ්‍ය පරිහරණයෙන් ඇත් කර තැබීමට අප කටයුතු කලෙමු. ඒ කිසිකෙනෙකුන් වත් නොකියවිය යුතු දැන නොගත කරුනු ලෙස අප , අප තුලම තබා ගතිමු.
+ එහෙත් නුඹ පෙරදී පැවසූවේ ඒවා රාවණ විද්‍යාවන් බවත් ඒ මනු ලොව වැසියන්ට වටිනා දැනුම බවත්ය
- එසේය ඒ එකලය. නමුත් අධර්මිෂ්ටයන් අතට එවන් දැනුමක් ලැබීම තරම් භයානක කමක් තවත් නැත්තේය.
+ ඒසේ නම් ඒ ධර්මාශෝක රජුන්ට ලබා දුන්නාද
- නැත. ආරම්භයේදී අප පැතුම වූයේද බුදු දහම මෙන්ම මේ දැනුමද ලොව පුරා එකෙස් බෙදා දීමය
+ ඉදින් නොකලේ ??
- චණ්ඩාශෝක කිකලෙකවත් ධර්මාශෝක නොවුනි. ඔහු චණ්ඩාශෝකමය..
+ ඔහ්.... කුමක්ද ?? ඔහු ධර්ම ප්‍රචාරය කලේ ය මා දන්නා පමණින් ඉතාමත් වටනා සේවාවන් රැසක්ම ගෝතම සසුන රැක ගැනීමට සිදු කලේය.
- ඒ නුඹ දන්නා තරමය. සියල්ල අනෙක් පිට හැරවූයේ ධර්ම ප්‍රචාරණය ඇරඹිමත් සමගය.
+ එසේ නම් අශෝක ගිවිසුම බින්ඳා..
- මුල් කාලයේදී ඔහු ඉතා මත්ම ඔනැ කමින් විසිරී තිබු බුදු දහම එක් රැස් කොට ඒ ස්ථම්භ වශයෙන් ස්ථාපනය සිදු කලා . ගෝතම ධර්මයට මුල් තැනක් මුලු රාජ්‍ය තුලම ලබා දුන්නා. එහෙත් කල් ගත වත්ම අපගේ රාවණ විද්‍යාවන් වල වාර්තා දක්ත්ම පර්ශීලනය කරත්ම පෙර සිටි චණ්ඩාශෝක එලි බැස්සා.
+ නොවැටහිනි
- අශෝකයන් ධර්ම ප්‍රචාරය කරන ලද්දේ ඒ ඒ රාජ්‍යන්ද තමන් පාලනයට නතු කර ගැනීමටයි. ඒක ධර්ම යුදධයක් ..
+ ඔහ් මා සිතුවා හරි.. අහෝ තිස්ස රජුන්.
- හ්ම්.. ඔහු ධාර්මික පාලකයෙක් බුදු දහම නිති අනුගමනය කර ධර්මයෙන්ම පාලනය කරන ලද්දෙක්..
+ ඉන් එහාටත් පවසව ථේරප්ත්තභායනි ඉවසුම් නැත....
- ඉවසුව මැනවි රජුනි.....
————————– සෙස්ස පස්සට
—කුරුළු—
#දසිස් #රාවණ #රාවන #කුරුළු #rawana #ravana
( උපුටා ගැනීමේදී කතෘ අයිතිය සුරකින්න )