.
ඔව්... මොකද මෙහෙට වෙන කවුරුත් ආවෙ නැහැනෙ...ඊයෙ ? අකිල ගියෙ කීයටද කියලවත් මම දන්නෙ නෑ...සමීරටත් කිසිම අසනීපයක් තිබුනෙ නැහැ... හදිසියෙම මේ වගේ හෘදයාබාධයක් ඇතිවුණාම සැක හිතෙනවනෙ....
හෘදයාබාධයක්... ? ඔබ ඇයි එහෙම කියන්නෙ... තවම මරණ පරීක්‍ෂණ වාර්තාව ලැබුණෙත් නැහැනෙ....
නැහැ මහත්මයා මමත් වෛද්‍යවරියක් ...සිරුරෙ ලක්‍ෂණ අනුව මට ඒ බව කියන්න පුළුවන්....
බොහෙම අගෙයි....ඒ වගේම බොහොම ස්තූතියි... ඔබේ සැකය සාධාරණයි.....මට පේන විදිහට මේක සාමාන්‍ය සිද්ධියක් නේද වොට්සන්.....
මා දිහා බැලූ හෝම්ස් උපහාසාත්මක සිනාවකින් යුතුව ඇසීය...
ඒ වුනත් මම කැමතියි අකිල එක්කත් ටිකක් කථා කරන්න
හො`දයි..... හැබැයි ඒකට අපිට පොලිස් ස්ථානයට යන්න වෙනව......
කාංචනා මහත්මියට සමු දුන් අප තිදෙන කැලණි පොලිස් ස්ථානය බලා යාමට එළියට බැස්සෙමු...නිවසේ දකුණු පස දොරකඩම වූ බල්ලාගේ කූඩුව දෙස හෝම්ස් මඳවේලාවක් බලා සිටියේය. එහි වූයේ බොක්සර් වර්ගයේ සුනඛයෙකි.. ඌ මේ වනතුරුත් තද නින්දේ පසුවිය...
නැවත කාංචනා මහත්මිය ඇමතූ හෝම්ස්...
මේකා නියම බොක්සර් පැටිකිරියෙද ?
ඔව් මහත්මයා.....අපට සමු දීමට පැමිණ නිවසේ දොර ලඟ නතර වී සිටි කාංචනා මහත්මිය අප දෙසට එමින් පැවසුවා ය...
අපෙ විවාහයේදි මගේ මාම කෙනෙක් තමයි දුන්නෙ පිටරටින් ගෙන්වල....
ඇත්තට.... මමත් ආසයි මේ ජාතියෙ බල්ලෙකුට... ඒ වුණාට මෙහේදි හොඳම වර්ගය හොයා ගන්න නැහැනෙ.. ඔබ වාසනාවන්තයි.....
ආපෝ උගෙ පෙනුම වගේම හරිම වසයි..දවසක් ලියුම් බෙදන මනුස්සයවත් හැපුව..මම නම් ලඟට වත් යන්නෙ නෑ.. සමීර තමයි කෑම දෙන්නෙත්.....
ඒකත් එහෙමද ? .. කමක් නෑ.. අපි එහෙනම් ගිහින් එන්නම්....
බොක්සර් වර්ගයේ ඒ සුනඛයා දෙසට නැමී විනාඩි ගණනක් කල්පනා කරමින් සිටි හෝම්ස් එතැනින් ඉවත්ව මෝටර් සයිකලය දෙසට පිය නැගීය....
ගජධීර මහත්මයා ඔබට හො`දටම විශ්වාසද මේ ජනෙල් පියන් වලින් කවුරුත් ඇතුල් වෙලා නෑ කියල?
ඔව්මහත්මයා සියයට සියයක්ම.....ජනෙල් වලට ඇතුලින් කම්බි සවි කරල තියෙනව.. දොරවල් ගේ ඇතුලින් වහපුවාම පිටින් අරින්න බැහැ..
එතකොට මේ ගරාජයේ තියෙන වාහනය කාංචනාගෙ වෙන්න ඇති...දොස්තරලට නිකුත් කරන වාහන අවසර පත‍්‍රයකුත් තියෙන්නෙ...
නැහැ...නැහැ... ඒක කංචනාගෙ නෙමෙයිලූ...ඒක ඔය එහා ගෙදර ඉන්න දොස්තර මහේෂ්ගෙ.... එහෙ ඉඩ නැති නිසා හැමදාම වාහනේ මෙහෙ
තමයිලූ නවත්වන්නෙ.අර ඇතුලෙ හිටපු සුදු උඩු රැුවුලක් වවපු තරුණයා... ඔබ දැක්කෙ නැද්ද ?
ඔහ් හෝ.... ඔහු දොස්තර කෙනෙක්ද ? මට නම් එහෙම පෙනුනෙ නෑ....
ඔව් මම ඔහුගෙ විස්තරත් ගත්ත..ඔහු හො`ද අසල් වැසියෙක් වගෙයි..ඔහු නිවාඩු හවස් වරුවට මේ දෙන්නත් එක්ක එකතුවෙනවලූ පාළුව ම`ග හැර ගන්න... ඔහු තනිකඩයෙක්...ඉන්නෙ කුලියට.. ඊයෙ ඔහු එනකොටත් සමීර මියගිය කාමරේම කථා කර කර ඉන්නව දැක්කලූ..ඔහු කියනව සමීර ඔහුට කථා කලාලූ.. දවස පුරාම මහන්සි වෙලා හිටපු නිසා සමීරයි අකිලයි එක්ක කථා කර කර ඉන්නෙ නැතිව ඔහුගෙ ගෙදරට ගියාලූ...ඊට පස්සෙ අද උදේ තමයි මේ සිද්ධිය දැනගෙන තියෙන්නෙ..
ඔබ නම් හරිම දකක්‍ෂයෙක් නෙ...මට කියනවද කීයට විතරද ඔහු ඇවිල්ල තියෙන්නෙ..?
ඊයෙ ? නමයට විතර තමයි ඇවිල්ල තියෙන්නෙ.....
” ? නමයට විතර ” පුදුමයට පත් වූවකු මෙන් හෝම්ස් ඔහුගේ මෝටර් රථය දෙස බලා සිටියේය..
කමක් නෑ අපි යමු අකිලව මුණගැහෙන්න....
⋆ ⋆ ⋆ ⋆
අකිල ප‍්‍රභාසර... මම හරි නේද? ඒක නෙද ඔහේගෙ නම.....?
ඔව්... ඒ මම..
මගේ නම සමහර විට ඔබ අහල නැතිව ඇති...මම ෂර්ලොක් හෝම්ස්.... පෞද්ගලික රහස්පරීක්‍ෂක...මේ මගේ මිත‍්‍රයා වොට්සන්... කරුණාකරල මට කියනවද ඊයෙ සිදුවීම විස්තර සහිත... මට කියන්න තියෙන්නෙ පොලීසියට කියපු දේ මයි....
කමක් නෑ මම ආපහු කියන්නම්... ඒකෙන් හො`දක් සිද්ධ වෙනවනම්....සමීරයි, කාංචනායි, මම යි ඉස්කෝලෙ යන කාලෙ ඉ`දලම හො`ද යාළුවො...ඒ දෙන්න විවාහ වුණේ දෙමවුපියන්ගෙ පූර්ණ අනුමැතිය ඇතිව....සමීරලට ඔය ගේ හොයල දුන්නෙත් මම මයි. මම කොහොමත් සමීරව මුණගැහෙන්න ගියා සතියකට වරක්වත්.....ඒත් ඊයෙ ගියෙ මාසෙකට විතර පස්සෙ....අපි වෙනද වගේම ? කෑම අරගෙන ඔය කාමරයට වෙලා කථා කර කර හිටිය...මම එහෙ ගිය හවස සමීර ගෙයි , කාංචනාගෙයි වෙනසක් තිබුණෙ නෑ....අපි කථා කලෙත් මේ රටේ දේශපාලනයයි , අපේ ව්‍යාපාර ගැනයි....කථා කර කර ඉඳල මම ? එකොළහයි තිහටවිතර ගෙදරින් පිට වුණා.... විසිත්ත කාමරයට තිබුණ දොර හැරියොත් කාංචනා ඇහැරෙන නිසා අපි හිටපු කාමරේම ඉස්සරහ කාමරයට ගිහිල්ල එතැන දොර ඇරල මට පිට වෙන්න දුන්නෙත් සමීරමයි....ඒ වෙලාවෙත් සමීර හො`ද සනීපෙන් හිටිය කියල මට සහතික වෙන්න පුළුවන්..... අද පාන්දර තමයි කාංචනා මට මේ සිද්ධිය කථා කරල කිවුවෙ..
එතකොට වෙලාව කීයට විතර ඇතිද ?
එතකොට මට මතක හැටියට වෙලාව පාන්දර පහ හමාරට විතර ඇති.....
හොඳයි ඔබ එහෙට යන්කොට කාංචනා හිටියෙ මොන තත්වයෙන්ද ?
ඇය බොහොම ශාන්තව ඒත් හ`ඩමින් හිටිය..ඇය මේවගේ දෙවල් ඕන තරම් දැකල ඇති..ඒ වෙනකොට තව අහල පහල අය කීපදෙනෙක්ම ඇවිල්ලයි හිටියෙ..කාංචනා පොලීසියටත් කියල තිබුණ.... ඇයටත් සැක මාව....මොනව කරන්නද ? ඇයගෙ සැකය සාධාරණයි...ඒ වුණාට හෝම්ස් මහත්මයා මම කොහොමද මගේ යාළුවාව මරන්නෙ ?
මරන්න...... කවුද කිවුවෙ සමීරව මැරුව කියල ? ඒක බොහෝ දුරට හෘදයාබාධයක් වෙන්න පුළුවන්නෙ?
ඒ ප‍්‍රශ්නයෙන් මඳක් පසු බෑ අකිල , මඳක් නිහඬව සිට...,
ඔව් ඒ වුණත් ඒකට හේතුවත් මම ය කියල කාංචනා කියයි....
-------------------------------------------------- කුරුළු ය -------------------------------
දොස්තර බිරිඳ 04 කොටසට මෙතැනින් !
http://sankalpana-kurulu.blogspot.com/2014/01/04.html
දොස්තර බිරිඳ 01 කොටසට මෙතැනින් !
http://sankalpana-kurulu.blogspot.com/2014/01/01.html
No comments:
Post a Comment