==== දසිස් 29 =====

.

( විසිනව වන කොටස හා සබැඳි )

– ඉතින් ඔබට, ඔබම අප ගෞතම බුදුන්ගේ මුචලින්ද නාග දරණය අරභයා කියු කතාව මතකයිද ?

+ කුණ්ඩලීනිය විදහා දැක්වීම නේද ඒ..

– එසේය කුණ්ඩලීනි ශක්තිය අවදී වීම හා ඒ ලෝකයට දැන්වීම ඒ නාග පෙන ඉස් මුදුනටත් ඉහලින් පෙන්වීම පෙනය විහිදා සිටීම ඉරියවුවෙන් විදහා දැක්වෙනවා. ඉදින් බොහෝ දේව කොට්ඨාශ වල පිලරූ සිතුවම් වල එසේ නෙලා ඇත්තේ ඒ නිසාවෙන්

+ ඔවුන් සියලු දෙනාගේ කුන්ඩලීනි ශක්තිද ???

– එසේය එපමණක් නොව , මේ මිසර රජුන්ගේ පවා ඔටුනු වල නලලත මධ්‍යයේ නාගයෙකුගේ රුවක් නෙලා තිබෙන්නේ ඒ ද විදහා දැක්වීමටයි. !! සූර්යය වංශිකයෝය , නාග හා කුරුලු ගෝත්‍රිකයෝය … කුන්ඩලීනි අවදි කරගත්තෝය…. රාවණයන්ගේන් පැවතෙන අපද එසේමය.. !

—————————————– අද එතැන් සිට

+ ඵුස්ස දේව ගැන කෙසේද ?

- ඔහු ද්වි මුක්හි රුද්‍රාව දරන්නාය කුරුලු ගෝත්‍රයේ මේ වන විට සිටින්නා වූ දක්ෂතමයාය. ගුරුලා , ගරුඩ , භේරුණ්ඩ , ඇත් කඳ ලිහිණි , දඩු මොණර, අන්සු , ෆීනික්ස් , බෙනු ආදී ප්‍රභල කුරුලු රජුන් මේ මුන ලොවට පාතිර්භූත කිරීමේ හැකියාව ඇති මේ යුගයේ වසන්නා වූ එකම ශක්ති වන්තයාය. චන්ද්‍ර ශක්තිය බොහෝ කොට හිමි තැනැත්තාය. රජුනි ?

+ කියව අභය

- ඔබ වහන්සේ ඵුස්සදේව දස මහා යෝධයන් අතරට එක් කලේ ඇයි

+ එය සැවොම දන්නා කරුණකි. ඔහු තරම් ඉලක්කයට ඊතල විදින්නෙකු මා මෙතෙක් දැක නැත. ඔහුගේ දුනුදියෙන් මිදෙන හීය අසුරුසණින් ඉලක්කය හඹායයි. එක් නිමේෂයක හීය ඔහු දුනු දියෙහිය ඇහිපිල්ලන් ගැසීමටත් ප්‍රථම එය නතර වන්නේ ඉලක්කය පසාරු කොට ගොස්ය.

- සැබෑවකි. මින් පෙර කිහිප අවස්ථාවක ඔහුගේ දක්ෂතා ඔබ විසින් මැන බලනු දුටිමි. එහෙත් ඔබ වහන්සේ කෙදිනකහෝ ඔහුගේ දුන්න පරීක්ෂා කලේද ?

+ නැත

- ඒ ගැන ඇසුවෙද නැතිද ? ඒ කොහින්ද ? කෙසේ ලැබුනේද කියා ?

+ නැත එය සාමාන්‍ය දුන්නක් නොව්ද ?

- එසේනම් හී තල ගැන ? ඒද ඇසුවේ නැතිද ?

+ ම්... නැත ඔහුගේ දක්ෂතාවයන් අගය කලා පමනි

- රජුනි එසේ නම් මේ පවසන්න ඵුස්සදේව ඔබ වහන්සේ ගේ සේවයට එක්ව දැන් කොපමණ කල්ද

+ ඔහ් ඒ නොසැහෙන කාලයකි. මා මලය දේශයේ සිටිනා කාලයේදි බව මතකය.

- හොදමයි ඒ එක් දිනයක වත් ඔහු තම දුන්න ඔහු හා රැගෙන යනු දුටුවාද ? ඊ තල කොපුව වත් ?

+ නැහැනේ... අභය නුඹ මේ දැන් පැවසුවිටයි ඒ මගේ ත් සිහියට පැමිනියේ . කිසිම දිනක මා ඔහු ඔහුගේ දුන්න ත් ඊතල මිටියත් ඔසවාගෙන යනු දැක නැහැ. නමුත් අවශ්‍ය වෙලාවට ඔහු ඒ බාවිත කරනවා නම් දැක තිබෙනවා.

- හහ් හ් හ්.. එසේය රජුනි.. ඔබ දුටුවේ නැති වූවත් සෑම දාම ඔහු ඒ රැගෙන යනවා. ඔහු නිතරම සිටින්නේ ඔහුගේ දුන්නත් ඊතල මිටියත් සමගයි.

+ අපට නොපෙනන ??

- ම් ඔවු එසේත් පැවසිය හැකියි.එය එහු කුරුලු ලෝකයෙන් ලද්දක්.

+ දුන්න ?

- එසේයි. රජුනි අසන්න . මෙලෛාව මෙතෙක් බලගතුම දුනු දෙකක් ගැන සදහන්. පලමුවැන්න මහා ඊශ්වරයන් සතු " පිනකා " දුන්නයි එය විශ්වක්ර්ම දිව්‍යපුත්‍රයා විසින් සාදාදුන් බවයි සදහන්, එය රාම විසින් කඩා දමනවා ඒ වැරදි අයුරනින් විදීමනේ

දෙවැන්න මහා විශ්නු සතු "ශරංගා " නම් දුන්නයි එයත් විශ්වක්ර්ම දිව්‍යපුත්‍රයා විසින් සාදන ලද්දක්. ඊශ්වරයන් වගේම විශ්නුත් මේ ශාරංගා දුන්න රාම යන්ට ලබා දෙනවා ඒ තමා රාවන යන් නැසීමට විදින ලද්දේ. එය එතරම් බලගතුයි.

අප ඵුස්ස දෙවයන් සතු වන්නේද එවැන්නක්.

+ දෙවියන් විසින් දුන් දෙයක්දැ

- කුරුලු ලෝකයෙන් ලද්දක්. ඵුස්සදේව ගේ උරහිස් දෙක අතර පිටුපිසින් ගෙල හරහා දැක ඇතැයි සිතමි.

+ එසේය . එහි ඇත්තේ හණ තබන ලද සිතුවමකි

- කුමන සිතුමක්ද ඒ පච්චරූපය.

+ රාජාලියෙකු ගේ යැයි සිතමි

- ඒසේය පියාපත් විහිදා සිටින ඔලු දෙකේ රාජාලියෙකි. කුරුලු ලොව රජෙකි. එයින් වෙන්ව අවුත් රාවණ අනින් ඵුස්ස දේව හා වාසය කරයි.

විශ්වාස කරන්න රජුනි " ඒ රාජාලි තෙමේ ඵුස්සදේවයන්ගේ දුනුදියයි ! " රුද්‍රාශක්තියත් මන්ත්‍රශක්තියත් මගින් ඵුස්සදේවගේ පිටට කා වැදී සිටියත් අවැසි මොහොතේ ඉන් මිදි අවුත් ඕනෑම දුරක් හඹා යන නොවරදින

ඉලක්කයක් ඇති මෙලොව බලගතුම දුන්න බවට පත්වේ

+ පුදුමයි ......

- එසේය ඊතලද එසේමය ඒ ඊතල කොපුව තුල කිසිදිනක ඊතල හිස් නොවේ. දුනු දිය ඇදිය හැක්කේ මෑනිය හැක්කේ ඵුස්ස දෙවයන්ටම පමණි. ඒ හැර මේ තුන් ලොව අන් කිසිවෙකුට ඒ දුන්න දැරිය නොහැකිය. දුන්නෙහි වරපට බැදී තිබෙන තාක් කල් කොපුව තුල ඊ තල පිරී පවතී. මොනයම් අයුරකින් දුනු දිය කැඩී ගැය හොත් ඒ සමගම ඊ තලද අවසන්වේ.

+ ආශ්චර්යයකි අපගේ ඵුස්ස දේව..

- එසේය . එපමණක් නොව ඒ ඒ ඊතල සතුව ඒ ඒ බලයන් ගැබ්ව ඇත. සැබෑව නම් ඒ බලය රැදී ඇත්තේ ඊතල පිටුපස ඇති කුරුලු පිහාටු වලය. දුන්නෙන් මිදන ඊතල වළලක ආකාරයට වුවද වක්‍රව ගමන් කරවීමට, ඉලක්කය එකක් නොව දහසක් හඹා යෑමට, ඉලක්කය දක්වා නොපෙනි ගමන් කිරීමට, දුන්නේන් එක් හීයක් මිදුනත් එය දහසක් හී බවට පත් වීම ආදී බොහොමයක් සිදු කල හැකියි, තව දුරටත් මෙහි බලගතු බව කියන්නේ නම් මහා බ්‍රහ්ම විසින් මවන ලද බ්‍රහ්මාස්ත්‍ර නම් මෙයයි.. ඇසි පිය ගසන වේලාවකදී මේ ලෝ තලය දූලි බවට පත් කිරීමේ තරම් හැකියාවක් බලයක් ඒ තුල ගැබ්ව ඇත.

+ ඵුස්සදේව ගැන මා එතරම් සිතා නොසිටියෙමි..

- ඔහු පමනක් නොව අප දස දෙනා තුල ඇති නව යක් වූ ශක්තීන් එලෙසය. ඵුස්ස දේව සතුව තවත් හැකියාවන් ඇත ඒ ඔහු ඉදිරියේම මා දිනයක පවසන්නම්

+ හොදමයි අභය... !

----------------------------------සෙස්ස පස්සට

--- කුරුළු---