==== දසිස් 32 =====

( තිස් එක්වන කොටස හා සබැඳි )

– කාල ගිරි ලෙස දැන් හදුන්වන පසු කලක කොත්මලය ලෙසින්ද හදුන්වන මලය දේශයේ එකකි. පසු කාලින ගුරුළුපොත, වේරගංතොට, තොටුපොල කන්ද සහ උස්සන්ගොඩ හා අනෙක වාතයෙන් ගමන්ගන්නා රථ නැවතුම තේරුම දෙන්නාවූ ” වා රිය පොල ” යි.

+ ඔහ් වාරිය පොල…. මේ එසේ මෙසේ තාක්ෂනයක් නොවේ අභය. මේ තිබේ නම් කුජ වෙත ලඟා වීම එක ක්ෂණයකින් කල හැකි නෙවේද ?

– එසේය ඊට ඇසිල්ලකුත් ඇතිය. විමාන ගැන එපමණක් ඇතිය.

+ හහ් හ්හ එසේනම් වේළුසුමන ගැන පවසව…..

—————————————– අද එතැන් සිට

- වේළු පිළිබඳව සවිස්තරව පැවසීම පසුවට තබා ගන්නම්. මක් නිසාද රජු මේ අප කිසිවෙකුත් ගැන සවිතරව පැවසීමට කාලය නොවන බැවිනි. මා මේ වනවටිත් නොසැහෙන විස්තරයක් ඔබට ඉදිරිපත් කර ඇත්තමෙි. එහෙත් මා කල යුතුව තිබුනේ මේ කතාව දීර්ථ කොට නොගෙන අප දස දෙනා පිලිබදව ලඝුකොට හදුන්වා දීමය.

+ එසේ නොකරව ... මා නුඹ දස දෙනාට කවදත් ලබැදිය

- එසේමය රජුනි ඔබවහන්සේගේ පෙරැත්තය නිසාම මෙතෙක් විස්තර පැවසීමි. එහතේ මහා විස්තරයක් නොව අප දස දෙනා ගැනත් බලයන් ගැනත් යම් යම් කරුනු මාත්‍රාවක් ලෙසි්න පවසන්නෙමි. සවිස්තරව පසුව ඔබට දත හැකිය.

+ හොදමයි අද රාත්රිය එලි වීමට ප්‍රථම ඒ දැන ගත හැකිද ?

- හහ් හහ් හ් හහ් හැිය මා නුඹට ඒ පවසන්නෙමි. නමුත් ඊට පසු අප යා යුතු තැන් වැදිය යුතු තැන් සිදු කල යුතු කාර්යය යන් කිහිපයක්ම ඇත ඒ සිදු කරනාතුර මා සිවිස්තර විස්තරය ඔබ වහන්සේට පවසන්නම් . ඒ හැරත් ඔබ අදින් පසු අප සමග සිටිනා විට නිතැතින්ම දැන ගැනීමට හරකි වේවි.

+ හොදයි නුමට පින්...

- වේලු දරන්නේ රතු කැටයයි නැතින්ම් රතු කොරල් මාණික්‍යයි.. එහි සංකේතය වන්නේ යුධයට අධිපති කුජ ග්‍රහයාගේ වීර්රත්වයයි.

+ දැක ඇත්තෙමි වෙලු සතුව අගනා දිලිසෙන රතු පැහැති ගල් ඇමිණු අත් පළදනාවකි. කිහිප විටක්ම මා ඒ පිලිබදව විමසුවත් ඒ මා අතට දීම හේ මගහැරියේය.

- එසේය ඒ ඔහු තමාසතු බලගතුම මානික්‍යය තවත් රතු කැට සමග අමුනා අතෙහි පැලද සිටින නිසාවෙනි ඒ අතින් ඉවත් කිරීම අන්සතු කිරීම කල නොහැක්කකි.

+ ඉන් වීර්යයයත්වය ලැබේනනෙද ?

- එපමණක් නොව රජුනි වේලු පිළිබදව අතීත කතාව ඔබ වහන්සේ අසා ඇතැයි සිතමි ... ! ලෙස ඔහු තබාගත්තේ

+ අශ්වයන් හා බැදි කතාන්තරයද ? ඒඔහුගේ දස්කම් නිසාවෙන්මයි මාගේ අහ්වාරෝහක සේනාවේ අණ දෙන්නා ‍

- එසේය... ඔවු අහ්වයන් හික්මවීමේ පලමුවැන්නාය, මේ වන විට මනු ලොව ජීවත් වන්නාවූ වේගවත්ම අසරුවාය.

+ එසේනම් ඔහු නාග ලෝකය , කුරුලු ලෝකය මෙන් ම වේලු තුරඟ ලෝකය හා බැඳී සිටීත්ද ?

- අශ්ව යැයි ලෝ තලයක් නැත . එහෙත් ඔහු අශ්වයන් හා බැඳී සිටින්නේය. මහා බල සම්ප්න තුරඟන් ප්‍රාතීර්භූත කිරීමේ හැකියාව සතුවන්නේය.

+ හ්ම්.. එහෙත් ඔබ පැවසීමට ගියේ එය නොවේයැයි සිතමි..

- අහ් එසේය ඒ ඔහුසතු රතු කැටය ගැනය.. ඔහු අසුන් පමණක් නොව ඕනැම සතෙකු හීලැ කිරීමෙහි සමතෙකි. ඒ සදහා නොබියව ඉදිරිපත්වන්නෝමය. එහිදී සිතුවන තුවාල කැලැල් ගැන ඔහුගේ පසුතැවීමක් නැත බියක් නැත..

+ ඒ කිම..

- ඒ ඔහු දරන්නාවූ රතු කැටයේ ඇති සුව කිරීමේ බලයයි.. ඔහු ඒ අත දරනා තාක් කිසිදු ඖෂධයකින් තොරව ඕනෑම අසනීපයක් / තුවාලයක් / කැලලක් සුවපත් වේ. අසරුවන් හික්මවීමේ ආරම්භයද එසේවිය.අජනීය නම් මහා වටනා සෛන්ධව කුලයේ තුරඟෙකු මෙල්ල කර ගැනීම පිලිබදව ඔබ අසා ඇති එහිදී සතත්වයා මෙල්ල කර හීලැ කර ගත්තද වේලු ශරීර ප්‍රමාණයෙන් නොසෑහෙන තුවාල ලැබීය. එහෙත් එක් දිනක් පමණක් නිදා සිටීමේන් ඒ සියල්ල සුව වී ගියෙන් ඔහු තමා සතු බලය හදුනා ගත්තෙහිය.

+ එසේද

- ආං එකලය මා ඔහු මුණ ගැසුනේ ...

+ ඔබ මීට පෙර ඔහුව මුණ ගැසී තිබෙනවා එසේනම්.

- එසේය රජුනි මේ යෝධයන් නව දෙනාම ඇතැම් අවස්ථා වල මා මුන ගැසී තිබෙනවා ඒ ඔබ වහන්සේගේ සේවයට බඳවා ගැනීමටත් ප්‍රථමයෙන් . ඇතැමුන් උපතේදීත් මා එතැන සිටියා.

+ විශ්මයජනකයි

- වේලු සතු ඒ සුව වීමේ හා සුව කිරීමේ ගුණය ගැන මා කිසිවෙකුටත් නොකියන ලෙසත් රහසක්ව පවත්වා ගන්නා ලෙසත් උඵදෙස් දුන්නා එ ්නිසාවෙන්මයි ඒ ඔබ වහන්සේටවත් දැන ගත නොහැකි වූයේ..

+ එක්තරා අතකට එය ඉතා නැනවත් උපදෙසක්. නැතිනම් ඒ බලය ලබාගැනීමටත් වෙනත් අය ඉදිරිපත් වෙනවා ඇති.

- හහ් හහ් හහ් ඔබ එසේ සිතනවාද ? වේලුගෙන් එය බලහත් කාරයෙන් ලබාගත හැකියැයි සිතා ? ඒ ලබා ගත්තත් එය දැරිය හැකියි සිතා.. හහ් හ්හ් හහ් .. අප මේ විස්තර කරනුයේ විශ්වයේ පවතින මහා බල සම්පන්න ශක්තීන් ගැනයි රජුනි ඒවා දැරිය හැකි එක් අයකු පමණයි එක යුගයකට පහල වන්නේ මේ යුගයේ මේ රතු කැටය දරන්නේ වේලු සුමන යි. !

+ හ්ම්.. යුද්ධයට අදිපති රතු කැටයේම සුව වීමේ බලයත් ගැබවී ඇති අයුරු.. එය නම් වීර්රත්වයටම කියාපු බලයක්...!

- එහෙත් අප දස බලයන් එය භාවිතා කරනුයේ යුද්ධයටම නොව විර්රත්වයටම නොව මනු ලෝ වැස්සන්ගේ සෙත උදෙසාය. යුද්ධය හා වීර්යයත්වය ගැන පවසන්නේනනම් එයට රතු කැටයම පමණක් නොව ගෙලෙහි පැලදි මුහුණු තුනක රුද්‍රාවද ඒ බලපවත්නා අග්නි නම් දෙවියාද මූලික වන්නේමය.

+ අශ්වයන් ගැන කෙසේද ? ඒ කුලය කුමක්ද ?

- රජුනි ඈත ඉතිහාසයේ පටන් විවිධ අවස්ථාවල බල සම්පන්න තුරඟයන් මෙලොව පහල වි ඇත. අනෙකුත් රාජධානි වල කතාන්තර පසෙකින් තබා අදටත් මේ ලක තුල සැරි සරණ බලගතුම අශ්ව කුල අශ්වයන් ඇත.

+ ඒ කවුරුන්ද ?

- රජුනි වේලුට අහ්වන් ප්‍රාතිර්බුත කිරීමට හැකියාව ඇත්තා මෙන්ම අශ්ව වෙස් ගැනීමේ හැකියාවද පවතී...

+ කුවේණිය වාගේද ??

- නිසැකයෙන්ම.. ඔය ඒ ශක්තිය ගැන අසා තිබීම මට සතුටක්.. කුවේණියත් එක් තරා ඒඅහ්වය කුලය හා බැඳි යකින්නක්..

+ ඉතින් වේලු අශ්ව වෙස් ගත්තේ කුමනාවස්ථාවේද ?

- මා රජුනි මා ඔබට පැවසූ බුද්ධත්වය කරා යන ගමනේ සිදුහත් තවුසානන් අප රැකි අයුරු සිහි ගන්වමි. එකල කන්ථක නම් අජානේය අශ්වයා ලෙස සිදුහත් කුමරා සමගින්ම උපත ලදුයේ මේ වේලු සුමනයි.. රාවණ ශක්තියයි. මහා අභිනිෂ්ක්‍රමණයේදී සිදුහත් කුමරාණනන්ට ඒ සඳහා ශක්තිය සැපයීම ඔහුගේ කාර්යයි..

" ‘මම උතුම් බුදුබවට පැමිණ ලොකයා එතර කරවන්නෙමි, යහළුව, තෙපි මා මේ ගගෙන් එතෙර කරව යි’ කීයේය. " ඒ අභිෂේකයෙන් එක පිම්මට එහා ඉවුරට පිනූ කන්ථක යාණන් කසා වත් පෙරවා තමා අතහැර යන සිදුහත් තවුසානන් දැක වැල්ලෙහි වූ ඔහු පා සටහනක් මත හිස තමා ළය පැළී මිය ගියේය. එතනින් වේලු ගේ සේවාව එම භවයට නිමා විය... !

+ ඇදහිය නොහැකියි අභය ඇදහිය නොහකියි. කන්ථක එතරම් වටනේ යැයි නොසිතුවෙමි .. ලය පැලී මිය ගිය බව පමණක් අසා කම්පා වුයෙමි.. සැබැවින්ම එතරම් දුරක් පිනිය හැකි වන්නේ කෙසේද ?

- පියාපත් සහිත අශ්වයන් දැක නැතිද රජුනි..

+ රූප වලින් , කතාන්තරවලින් පමණකි... !

- හ්ම්.. එපමණක් ඇතිය... සිදුහත් කුමරැන් කුමර වෙසින් සියල්ල අත හැර දමමින් මමත්වය දුරු කිරීම පිණිස තවුස් වෙස් ගති. ඒ අනෝමා ගංතෙරදීය..

+ එසේය... !

- රජුනි ..! කන්ථක ගැන සඳහන් වන්නේ එම ගිහිගෙයින් නික්මීමේදී වුවත් කන්ථක යනු සිදුහත් කුමරා හා සමගම මනු ලොව ඉපැදුනු එතැන් පටන් කුමරා කුඩා කල සිටම කුමරාගේ සුරතලාය. සිදුත් කුමරාගේ අශ්වයාය..!

යුව රජගේ අශ්වයාය.. කුඩා කල සිටම හැදි වැඩුනේ එකටමය... !!

+ එසේය එසේය...

- ඒ තමා වෙනුවෙන් මහා සේවාවක් අවසාන මොහතේදි ඉටු කල තම උපතේ පටන් තමා හා සිටි මිතුරාය... සිදුහත් කුමරා කුමර, වෙසින් සිටියදී අතහරින ලද අවසාන වස්තුව කන්ථක ය.. !!!!

එයින් පසු හෙතෙම තවුස් වෙස් ගති..!!

+ මා කිසිදිනකවත් ඒ නොසිතුවෙමි..! අහෝ කන්ථක ...! නුඹටත් වේලු සුමන නුඹටත් තුති ..!!

-------------------------- සෙස්ස පස්සට

-- කුරුළු ---

( රාවණ – ගැමුණු රජු – දස මහායෝධයන් අලලා ” දසිස් ” නමින් මා ලබන මේ ප්‍රභන්ධය කර්තෘ දැනුවත් කිරිමකින් තොරව කතාව ඇසුරින් සිදු කරන්නාවූ කොටස් උපුටාගැනීමක්, අනුකරණය කිරීමක්, ආර්ථික අයිතිවාසිකම්වලට කෘතිය ප්‍රතිනිෂ්පාදනය කිරීමේ, විකිණීමේ, කුලියට දීමේ, බෙදාහැරීමේ, මහජනයා සඳහා සන්නිවේදනය කිරීමේ සහ පරිවර්තනය කිරීම වැලැක්වීමට බුද්ධිමය දේපල නීතියේ ප්‍රකාශන අයිතිය යටතේ ආරක්ෂා කර ඇත. )