සතුට තරම් වෙන ධනයක් ලොවේ කොයින්දා

මෙම අදහස මා සිත තුල ලැගුම් ගත්තෙ වෙසක් පුන් පොහෝ දිනයෙ වුවත් එය ලිවීම මඳකට පමා කලෙමි... ඒ වෙසක් විඳීමට තව තවත් ඉඩ ලබා දීමටය...!
මා අපූරු සිදුවීමක් දුටිමි... ඒ මුසල්මානුවන්ගේ දන්සලයි..
එහි වියදම ලක්ෂ ගාණකි..! හිතේ මහත් වූ බුද්ධාලම්භන ප්‍රීතියෙන් පිනා ගියෙමි..
සහෝදර සියල්ලම එකතු වී දන්සල් දී දන් පින රැස් කරති.. විවෘත කිරීම සඳහා පැමිණියේ ද රටේ මුල් පුරවැසියා ලු !...
ඒ කතාව මාධ්‍ය හරහා දැන ගන්නට ලැබිණි.. ඒ නුඹ දන්නා කතාවය.. !
දැන් මට ගැටලුවකි...
මා ඉන්නෙ වෙසක් මාසයේ නොව අවුරුදු මාසයේ අවුරද්දට කලින් යැයි සිතමි... ඒ නිසා මෙසේ ලියමි....
+++++
මුසල්මානු සහොදරයින් කිසිවක් ඔහේ ආවාට ගියාට පිලියෙල කරන්නෙ නැති..
එසේ පිලියෙල කිරීමට ද්නනෙ නැත.. ඔවුන් එය සිදු කරනුයේ ඔවුගේ ම ක්‍රමයටය...
ඒ නම් හළාල් ක්‍රමයටය.. ඔවුන් හළාල් නැති භාන්ඩ මිලදී නොගනිති.. තම ධර්මය අකුරටම පිළිපදින ඔවුන් මෙහිදීද එය අකුරටම ඉටු කලේ යැයි සිතමි.. එසේ නම් දන්සැල් බත හළාල් ය.. !
(‍යොදන අමුද්‍රව්‍ය හා උයනා පිලිවෙල අනුව )
මා එසේ කිය්නනෙ මින් පෙරදි අප මිලදී ගත් සෑම පැකට්ටුවකම තිබු හාලාල් ලකුණ තිබියදී එය ආහාරයට නොගන්නා බව ත් එය අයින් කරීමට කටයුතු කිරීම නිසාත්ය...
මා සතුටට එක් කාරණයක් ‍හේතු විය..
දන්සලක් විවෘත කිරීම යනු නිකම් රිබන් කෑපිමක් නොව පලමු දන්සල් බත අනුභව කිරීමය..
විවෘත කිරීම් බත අනික්වාටද වඩා සුවිහේෂය ඒ මුද්සරස් පලම් කුරුදු සහ කහ බත් ආදී විශේෂාංග එක් වීමය...
එසේ නම් මුල් පුරවැසි ද හළාල් අනුභව කර තිබේ...
++ මෙවේලේ මට තවත් දෙයක් සිහිපත් වේ.. ඒ නම් අයිපී එල් ය....
ඇයි බං මේ ජය ලලිතා කෑ ගහද්දිත් අපේ උන් අයිපීඑල් ගියේ..මම විමසුවෙමි..
නෑ බං.. උන් චෙන්නයි යන්නෙ නෑලු අනික චෙන්නයි කිය්නනෙ ඉන්දියාව නෙවේනෙ බං.. රටවල් දෙකේ එකමුතුවට මේක බලපානව අපේ උන්ට එන්න කිවුවෙ ඉන්දියාව මිස්ක් චෙන්යි නෙවේ.. චෙන්නයි වල ජය ලලිත කෑ ගැහුවට ඉන්දියාව කිය්නනෙ චෙන්නයි නෙවේ...++
ඒ කාරණය නැවත් මට මෙයට ආදේශ වේ...
අර හලාල් වලට කෑගැහුවේ රටේ හැමෝම නොවේ සුලු පිරිසකි.. ඒ නම් රටේ බහුතර මතය වෙනකකි කොටින්ම ප්‍රධානියාගේ මතයද අනෙකකි......
---------
දැන් මේ කියැවූ නුඹලා මෙසේද කියනු ඇත... !,
දැන් හලාල් නැත එ ්සියල්ල අයින් කර ඇත... ඉතින් මොනව දාල ඉවුවත් ඒ හලාල් නොවේ...
අනික රටේ ප්‍රධානියෙක් විදිහට එ‍සේ ‍නොකර බැරිය...
මම නුඹට මෙසේ කියම.....,
ඉවත් කර ඇත්තේ හලාල් ලකුණ පමණි...
අවුරුද්දට කලින් රටේම ඇතිවූ සේනා සංවිධානයක් යමක් - හලාල් - නිසා රට ගඳ ගහන බව කියා කෑ ගැසූහ... ගහ මරා ගැනීම් ඇණ කොටා ගැනීම් පවා සිදු විය.. ඒ මේ ගඳ නිසාවෙනි... ටිකෙන් ටික ඒ ගඳ රට පුරා ව්‍යාප්ත වන බවක් පෙනුනි... ! එනම් හළාල් ගඳය ...
ඒ දැක ගඳ නැති කිරී‍මේ ව්‍යාපරයක් දියත්විය.. එහෙත් එය කල නොහැක්කක් බව පාලකයන්ට වැටහුනි.... එහෙත් ඔවුන් ක්‍රියාමාරගයක් ගෙනාහ..
-- " ඒ කෑ ගසන්නවුන්ගේ නහය මිරිකීමයි " ----
අහා දැන් ගඳ නැත...නැත නැත ගඳ ඇත දැනෙන්නේ නැත...!
දැන් අප නාස් පුඩු මිරිකා ගඳ නැතියි සිතමින් සිටින්නෙමු... ගඳ තිබේදැයි නැත්දැයි දැන ගැනීමට වත් අපට නැවත නාස් පුඩු විවර කල නොහැක.. එතරම් තදින් මිරිකී ඇත...
දයාබර සිංහලයනි----
මා දන්නා කරුණක් ඇත.. ඒ ඕනෑවට වඩා නහය මිරිකා සිටීමේන් " හුස්ම ගැනීමට නොහැකිව මිය යන බවය " ... මම නුඹලාට ආදරය කරමි...
හුස්ම ගැනීමට නොහැකිව මිය යන්නට මත්තෙන් පිළියම් කරන්න....

අප සැමට එකට සිටිය හැක - මේ මුසල්මානු සහෝදරයනේ දන්සලෙන්ද ! කඩවත වෙසක් කලා‍පයේ ඇති "ශුද්ධවූ කන්‍යා රාමය විසින් " ඉදිරි පත් කර ඇති කූඩුවෙන්ද, ඊයේ කැලණියේ වෙසක් කලාපය නැරඹීමට පැමිනි කන්‍යාරාම සොහොයුරියන්ගෙන්ද, හන්දියේ ට්‍රැෆික් එක නැති කිරීමට පොලීසිය නැති බව දැන ඒ සඳහා මුල් තැන ගත් මුස්ලිම් සොහොයුරන්ගෙන්ද, තොටලග තොරණ ලග බිම හිද වෙස් මූනු නලා වෙසක් කාඩ් විකුනූ දෙමළ සොයුරාගෙන්ද  ඒ බව දැක ගත්තෙමි..
නුඹලා පමාද නැත..... බොහෝ දෙනාට නැත්තේ ශක්තිය නොව අධිෂ්ඨානයයි !!
----- කුරුලු---