==== හැමදාමත් යාලුවේ - මම ඉන්නෙමි පාලුවේ === මගේ පාළු පැලට එන්න කවුරුත් නෑ යාලුවේ ===

.
මට මෙවෙලාවකට හිතෙනව ඇත්තටම මම වයසට ගිහිල්ල කියල..
ඉස්සර ඉරිද දවස්වලට කරන්න කොච්චර නම් දේවල් තිබුණද ?
යාලුවො කොච්චර හිටියද උණ්ගෙ ගෙවල් වල යන්න ෆල්ම් එක්ක බලන්න යන්න හවසට බීච් යන්න.. ඒත් දැන් හැමෝම බිසි.
ඉදල හිටල පාරෙදි හම්බවෙන ඉස්කොලෙ එකෙක් උගේ පුතාට කියන්නෙ මෙන්න කුරුළු අංකල් කියල.. ජීවතේ අපට හොරා අපි අංකල් වෙලා..!
එත් එක්කම මේ ලගක් වෙනකම් එකට හිටිය උන්ට කෝල් එකක් දුන්නාම උන් ගෑනිත් එක්ක ෆිල්ම් එකක් බලන්න ගිහින්..
ඒකට ඉස්සර..
ඉස්සෙලාම ටිකට් එක බුක් කෙරෙන්නෙ මගේ නමට !. හ්ම්...
මිනිස්සු වෙනස් වෙනව.. ඒ වෙනස් වීම අත් විඳිනකොට මහ පුදුමයි..
ජීළුතේ එක වෙලාවකට මහම මහ පාලුයි.. මේ වෙලාවෙ මගේ හොඳම යාලුවෙක් පිටකොටුවෙ බැලිබන් වීදියෙ වෙඩින්කාඩ් තෝරනව..
මිනිස්සු මිනිස්සුන්ව අතාරින්නෙ හිතල නෙවෙයි. එක්  ඒ ඒ කාලෙට ඒ අයට කරන්න් සිද්ධ වෙන දෙයක්.. ඒ වෙනසට මුහුණ දෙන එක අමාරුයි ..!
සතියෙ දවස් වලට හෝ ගාල චැට් කරන මේ බුකියෙ ගැනු දරුවො අද එයාලෙගෙ පිරිමි ලමයි එක්ක ඇවිදින්න ගිහිල්ල.. අද කතා කරන කෙනා හෙට නෑ..
එක්කෝ කාලයක් චැට් කරල හරි වෙන කෙනෙක්ට ආදරේ කරන්න පටන් ගත්තාම ඉස්සෙල්ලාම අතහරින්‍ෙනෙ මාව.. කුරුළුව ...
සතිය පුරාම අඩන පිරිමි ලමයි ගෑනු ලමයෙක් හා කිවුවාම උන්නාද මලාද කියල හොයාගන්න විදියක් නෑ..
මේ සේරොම තියෙන්නෙ ආදරේ උඩ.. ආදරේ තියේනනෙ ජීවිතය උඩ..
මිනිස්සු එන්නෙ තමන්ගේ ප්‍රශ්න විසඳගන්න.. අනික් කෙනාගෙ තත්වට ඒ අයට වැඩක් නෑ තමන්ගෙ ප්‍රශනයට උත්තර ලැබුනෝත හෝ නොලැබුනත් ඒ අය අයනව.. ඒක මම මේ අවුරුදු 6කට වඩා කාලය තුල අත් විඳි දෙයක් ..!!!
------
මම දන්න කියන හැමෝටම කෝල කරල බැලුව අද කොහේ හරි යන්න.. හරිම පුදුමයි මම ඇරෙන්න හැමෝටම  ජීවිතේ විඳින්න දෙයක් තියෙනව..
මම දන්නව පුංචි කාලෙ ඉඳන් මට ‍තේරුණ දෙයක් තියෙනව මගේ ජීවතේට ලං වෙන්න හදන ගොඩ දෙන්ක මට නොතේරිම මගේ ඇගිලි අස්සෙන් ලිස්සල යනව.. එක් මගේ හැටි..
මේක මම තෝර ගත්තු ජීවතේ එහෙමත් නැත්තං සමාජය විසින් මට තෝරල දීපු ජීවිතේ..
දුක් වෙලා වැඩක් නැ කියන දේ මට හිතුණ..
මිනිස්සු වෙනස් වෙනව.. මිනිස්සු පොහොසත් වෙන්න වෙන්න මිනිස්සු වෙනස් වෙනව..
පොහොසත් වෙනව කිවුවෙ සල්ලි වලින් විතරක් නෙවේයි . ආදරෙන් මිනිස්සු පොහොසත් වෙනව, බලයෙන් පොහොසත් නෙව්, රූපයෙන් පොහොසත් වෙනව , දැනුමෙන් පොහ‍ොසත් වේනව, අත්දැකීම් වලි්න පොහොසත් වෙනව...
ඔවු මිනිස්සු එහෙම පොහොසත් වෙන්න වෙන්න වෙනස් වෙන්න පටන් ගන්නව..
ඒත තේරෙන්නෙ වෙනස් නොවී ඉන්න කෙනාට..
ගෙදර සුරතලා වෙනද වගේ සෙල්ලම් කරන්නෙ නැතිවුනාම අපිට ඌ වෙනස් වෙලා කියල හිතේනනෙ අපි වෙනස් වෙලා නැති නිසා..
ඌ සෙල්ලම් කරන්න ආවාම අපි තරහින් නම් පයින් ගහල එලවනකොට ඌටත් ඒ වෙනස දැනෙන්ව ඇති..
මේ වන විටත් මා සතු සියලු දෑ හැකි පමණ දන් දී අවසානය. තව තවත් දන් දෙමි ඒ මුදල්ම නොව සිත තුල ඇති ශක්තිය හෝ විය හැක. අනුන් වෙනුවෙන් මා කැප කරන කාලයද වි හැක.. ! ඔවුන් ලෝකය දිනනු ඇත.. එවිට මා සතුටු වන්නෙමි..
මමත් මෙච්චර කාලයක්‍ වෙන්ස් නොවී ඉන්න උත්සාහ කලෙමි .. තව දුරටත් උත්සාහවන්ත වන්නෙමි.
.
== මගෙන් දුරින් හිඳ- මගෙන් එලිය ගෙන ==
== මා දිහා නොබලමින් - දිලිහෙමින් හිනැහෙමින් ==
== නටන තරු දෙස බලන් - සිනාසෙමි තනිව මම !! ==
.
---- මම මේ තනිකම ගැන මිතුරෙක්ට කිවුව..
* ඕක ඉතින් උඹ කලින් ගත්ත තීරණ වල ප්‍රතිඵල..!
හ්ම් ඇත්ත..
අපි ගොඩක් වොලවට හිතනව අපි මීට ටික කාලෙකට ගත්ත කලින් තීරණ වැරදියි කියල. ඒ තීරනේ නොගත්තං අද අපිට මෙහෙම වෙන්නෙ නැතිව ඇති කියලත් හිතනව..
එත් ... එත් මට සමා වෙන්න යාලුවා.. මම එහෙම හිතන්නෙ නෑ..
මොකද යම් දවසක මම යම් තිරණයක් ගත්තනම් ඒ , ඒ වෙලාවෙ මගේ හිතට ආව හොදම තීරණේ. මොකද මම අද ගන්න තීරණ වලට මම පස්සෙ පසු තැවෙයිත ඒත් මම අද මේ ග්නනෙ මගේ හිතට එන හොඳම තීරණ කියල මම හිතනව.. අපි ඒ කාලෙන් කාලට ගන්න තීරණ වලට අපේ හිත විතරක් නෙවේ අපිට වටෙන් එල්ල වෙන සමාජයේ බලපැමත් එකතු වෙනව.. ඒ නිසා මම මේ ඉන්නෙ මම ගත්තු හොදම තීරණ නිසා..
-----
ඉදින් මම ආසයි මේ තනි කමට - හුදෙකලා වෙන්න ආස නෑ.. තනි මනුස්සයෙක්ට පුලුවන් ලෝකය වෙනස් කරන්න.. ඔවු හුදකලා වෙච්ච මනුස්සයෙක්ට බෑ ලෝකයක් වෙනස් කරන්න... කැලේදි වුනත් බය තනි අලියට..
මේ ලොකෙ හැම වෙලේම වෙනස් කලේ තනි මනුස්සයෙක්..!
මිනිහෙක්ට දෙයක් නැති වුනාමයි මිනිහ දෙයක් හොයන්න පටන් ගන්නෙ.. මනුස්සයෙක්ට යම් දෙයක අඩුව ගොඩාක්ම දැනුනාම තමා අනේක දේවල් හොයන්න පටන් ගන්නෙ.. මම හිතන්නෙ සිදුහත් කලෙත් ඒ දේ.. !
විද්‍යාඥයො - ඉංජිනේරුවො කරන්නෙත් ඒදේ...
තනි්යෙන් බුදු වුනා කියල සිදුහත්ට බැන්නට මොකද බුදු දහ‍ෙමේ මුල ඉදන් අගට යනකම්ම තියෙන්නෙ අත්හැරීම ගැනත ඉතින් මුල ඉඳන්ම තනි වීම හැරෙන්න වෙනත් මාර්ගයක් මොකටද ?
---
ඉදින් මේ තනිකම සුන්දරව විඳින්න හිතා ගත්තා... බොහෝ වෙලාවට මිනිස්සු අමාරුවෙ වැටෙන්නෙ තමන් ආසම කරන දේවල් පිටුපස්සෙ හඹා යන්න පටන් ගත්තාම .. ඒ දේ මමත් අත් විඳල තියෙනව ..!!

මතක තියාගන්න මම,
" මිනිස්සුන්ගෙ දෙවියෙක් නෙවේ - දෙයියොන්ගෙ , මනුස්සයෙක් !! "
---
හැමදාමත් යාලුවේ - මම ඉන්නෙමි පාලුවේ
මගේ පාළු පැලට එන්න කවුරුත් නෑ යාලුවේ
.
පිපි කුසුමෙහි රන් මුව රද වෙත එන බිගුසේමා
නිති ගෙඋයන වැද රගදුන් වැනි සමනල සේනා
සපැමිණ ‍ඔබ වෙණ වැයූ මා අභියස ගී ගැයූ..//
.
සවුසිරි සැප මා අතහැර අද වෙතක ඇදිලා
පින් මගෙ තනිකම තනියට මගෙ පැල තුල රැදිලා
බිතු සිතුවම් රෑ වැනී ඔබ කොතැනද මිතුරනී.. //
---
ආරාධනා කරනව ගීතයේ අරුත හොදින් බලන්න .. නුඹටත් ..!
---
ඉඳහිට රිදුම් දෙන දකුණු ඇසද ? දකුණු උරහිසද හිසේ දකුණ පැත්තද කවදා හෝ නැවතී අකර්මණ්‍ය වන තුරු ලියන්නෙමි... ඒ මා ලිවීම තෝරාගත්තේ සුවෙන් සිටීමට බැවිනි..
කවදාක හෝ ‍මාගේ මේ ලිවීම් නතර වුවහොත් මා දුකින් බව පමණක් මතක තමා ගන්න.. !
--කුරුළු--

song -
https://www.youtube.com/watch?v=aTZOceIqo3w