අනේ මං බලාන උන්නා යළිත් නුඹ එතැයි කියා..

‘‘ ඔයා ඔයාගෙ ඇස් දෙක දැකල තියෙනවද ?

මට හිතෙන්නෙ

ඒව දකින දකින දේ

අයිති කරගන්නව කියල .................

හරියට මාව අයිති කරගත්ත වගේ

“ අනේ ඒ හිංද

ඔය ඇස් දෙක වහන්නෙපා

ඇහිපිය ගහන්නවත් ........ ’’

එහෙම කියන්න හිතාගෙන දවස් කීයක් නම්

මම ඔයාගෙ ඉස්සරහට ආවද ?

ඒත් ඔයා ඉස්සරහදි

ඒ ඔක්කොම අමතක වෙන්නෙ ඉබේටම .........

 ඇයි ?

වෙලාවකට ඔයා හරි නපුරුයි

ඒ වෙලේට කවුරු කියන දේ වත්

ඔයා අහන්නෙ නෑ කියල මම දන්නව.....

තවත් වෙලාවකට

මහම මහ පැහිච්ච අම්මණ්ඩි කෙනෙක්

දන්න මඟුලකුත් නෑ

ඒත්  කියවනවා කතුර වගේ

ඒ ඔක්කෝටම වඩා මම කැමති ඔයාගෙ

හිනාවට  .............

ඔයා ගොඩක් වෙලාවට හිනා වෙලා ඉන්නව

හරියට ‘‘ මුරලිදරන් ’’ වගේ

“ බෝලෙට හයක් ගැහුවත්

විකට් ගියත් හිනා වෙනව”

හැබැයි මහ හයියෙන් හිනා වෙන්න එපා

මොකද

“ හයියෙන් හිනාවෙන්නෙ

හයියෙන් අඬන මිනිස්සු .......

හ්ම්........................ම්

දැන් නම් ඔයා නිදි ඇති

ඒත් මම ?

ඉතුරු ටික හෙට ...............

ඔයා මට අයිති වුණත් නැතත්

මම හැමදාම ඔයාට ආදරෙයි..................

ඔව් ආදරෙයි

සත්තයි...................

                                        ******************************** ♫♫

නිදන නෙතුපිය හෙමින් රිද්දන

සිහිනයද ඔබ නොවුණි නම්

හ`ඩන හදවත තවත් රිද්දන

දරුණු සිත ඔබෙ නෙවුණි නම්

සිනා වී සිට මගේ හදවත

ඔබ හොරෙන් ගෙන නොගියනම්

අනේ සත්තයි තවත් හිනැහෙමි

එදා ඔබ හමු නොවුණි නම්....

                                              ******************************* ♫♫