( තිස් හයවන කොටස
හා සබැඳි )
(මෙය බුද්ධිමය
දේපල නීතියේ ප්රකාශන අයිතිය යටතේ ආරක්ෂා කර ඇත.)
-----------------------------------
උතුරු වඩුන්නාවේ
ගොවියෙක් සිය හරකුන් සෙවීමට වනයට යද්දී හමුවූ භික්ෂුව ඉදිරියේ පන්සිල් සමාදන් විය.
මහ වනයේදී ඔහු පිඹුරෙකු වෙළාගති . ඔහුගේ අතේ මන්නයක් විය ඉන් ගසා පිඹුරා මැරීමට
සිත් වූ නමුත් පන්සිල් බිදීමට අකමැත්තෙන් එසේ නොකළේය . තෙවැනි වරටද එම සිතුවිල්ල
එද්දී දිවිහිමියෙන් පන්සිල් රකිමියි සිතා මන්නය ඈතට විසි කළේය. මෙවිට පිඹුරාට
දැණුනේ තමා ගිණිගෙන දැවෙන ගසක් වෙළාගෙන සිටින සෙයකි. පිඹුරා වහා පළා ගියේය. මෙය
සීල බලය දක්වන කතාවක් වුවත් සමාධි විප්ඵාරිත සෘධ්ධියකි. තමා රකින ශීලය අරක්ශා
කර්මියි සිතන විට ප්රීතිය හටගනී.
ස්තිර වූ ශීලය සමාධියට මහෝපකාරි වන්නකි. ගොවියා නොදැනම පළ කළේ සෘද්ධි ප්රාතිහාර්යයකි.
+ හොදයි සයවෙනුව ?
—————————————– අද එතැන් සිට
- සය වැන්න
අරියිද්ධි නම් වෙයි.
ආර්යයන් වහන්සේලා
වෙතින් පානු ලබන සෘද්ධීන් මේවාය. උන් වහන්සේලා සතරවන ධ්යානයෙන් තොරව සිටින විටද මේවා පළ වේ . පෘථග්ජනයන්ට ලෝභය
ඇතිවන දේ ගැන උන් වහන්සේලා මදහත් වේ. රහතන් වහන්සේ නමක් අබියස කොතරම් සුන්දර ස්ත්රීන් කාය සන්සර්ගය අපේක්ශාවෙන් කුමන
ආකාරයකින් සිටියද උන් වහන්සේට ඒ ගැන චින්තා මාත්රයක් වත් පහල නොවේ. අනාගාමි උතුමෙකුට කොතරම් නින්දා අපහාස කළද ද්වේෂ මාත්රයක්වත් ඇති නොවේ. මෙවැනි අද්භූත දෑ
ආර්ය සෘද්ධි නම් වේ . නිරෝධ සමාපත්තියේ සිටින රහතන් වහන්සේගේ ශරීරයට කිසිදු
ආකාරයකින් හානියක් සිදු නොවේ.
+ අභය .. අභය...
- රජුනි !
+ සෘධි පෑම යනු මේ
අයුරින් බලනා කල ඒදිනෙදා අප සිදු කරන දේද.
- රජුනි ඒදිනෙදා
සිදු කරන්නාවුදේම වඩා විෂ්මයාර්ථයකින් සිදු වීම සෘධියයි. ඒ් හැරත් මේ සෘද්ධි
සියල්ලම බැදී පවතින්නේ අප සිත සම්බන්ධවයි. ඒ් නිසාවෙනුයි භාවනාවෙන් පමණක් මේ
සෘද්ධි පහල කර ගත හැකි වනුයේ. කය වෙහෙසවා ලැබෙන සෘද්ධි යක් නැත.
+ හොදමයි සත්වැන්න
- සත්වැන්න කම්ම
විපාකජ ඉද්ධි නම් වේ.
පක්ෂීන්ට පියෑඹිය
හැක. මසුන්ට පිහිනිය හැක . නමුත් එය මිනිසාට නොහැක. මිනිසා සතු ඇතැම් හැකියා
ඔවුන්ට නැත. ඒ අයුරින් විවිධ හැකියා ඇති වන්නේ කර්මානුරූපවය. පක්ෂීන්ගේ කාර්යේන්ද්රිය පියාපත් බවට
පත් වේ මිනිසාගේ ඒවා අත් වේ.අත් වලින් වාතය ඝටා තල්ලු කළ නොහැක නමුත් පියාපත්
වලින් හැක. පක්ෂි ශරීරය සැහැල්ලුය. මේ නොදත් අයට පක්ෂියා පළ කරන්නේද ප්රාතිහාර්යයකි. දෙවියන්ද එසේය .
දෙවියන් අතරද විවිධ වර්ග සිටී . කර්මානුරූපව ඔවුන්ට මිනිසුන්ට නොහැකි වූ බොහෝ දේ
කළ හැකිය. සිත් කියවීම , අහසින් යාම අදිය
කළ හැකි බොහෝ අමනුෂ්යයො වෙති.
අටැන්න
පුඤ්ඤිද්ධි නම් ය
පුණ්ය සෘද්ධීන් යනු පින් බලයෙන් කළ හැකි
ප්රාතිහාර්ය වේ. සක්විති රජුට වෙනත්
මිනිසුන්ට කළ නොහැකි ප්රාතිහාර්ය පෑ
හැකිය. සක්දෙව් රජුටද දෙවියන්ට නොහැකි ප්රාතිහාර්ය පෑව හැකිය. සීවලී මහරහතන් වහන්සේගේ පිනේ ආනුභාවයෙන් උන්
වහන්සේ සමග පිඩුසිගා යන අන් අයටද නොයෙක් සූප ව්යන්ජනයන් ලැබේ. බෝධිසත්වයන්ගේ දානාදි පාරමිතා බලයෙන් භික්ෂූන්
වහන්සේලාට නොයෙකුත් ප්රණීත ආහාර වර්ග
අදත් ලැබේ.
නමවැන්න විජ්ජාමය
ඉද්ධි නම් වේ
විද්යාවෙන් හා දැනුම උපයෝගි කරගෙන කරන
ප්රාතිහාර්යයන් වේ. නූතනයේ විද්යාවෙන් ඉතා කුඩා දේ ලොකු කර බැලිය
හැක. දුර ඇතිදේ ළන් කර බැලිය හැක. ජනපද සුණු විසුණු කළ හැක.ග්රහයන් කරා යා හැකිය. භයානක රෝග සුව
කළ හැක. මේ කිසිවක් ධ්යානාදි මාර්ග වලින් ලත් බලයන් නොව දැනුමේ
බලයයි. අතීතයේ මේ විජ්ජාමය ඉද්ධි ඉතා බලවත් විය ඒලෙසින්ම මනු ලොව යුගයෙන් යුගයට
මේ ඉද්ධි ක්රමය වෙනස් වේ.
නොයෙක් දැනුම් වලින් බොහෝ ප්රාතිහාර්යයන් කළ හැකි අය විසූහ.
දසවැන්න
සම්මප්පයොග පච්චයා ඉද්ධි යයි
යහපත් ප්රයෝග භාවිතයෙන් ප්රාතිහාර්ය පෑව හැකිය. අර්හත්වය සාක්ෂාත් කිරීම මෙවැනි ප්රාතිහාර්යයකි. මිනිසුන්ට නොදැනෙන ප්රයෝග වලින්ද ප්රාතිහාර්ය පෑව හැකිය , ඉන්ද්රජාල ඇස්බන්දුම් ඒවාය.
(සෘධි ප්රාතිහාර්යය පිළිබද දත්ත උපුටනය
දිටඨි විසුද්ධි බ්ලොගයෙනි )
+ ඒසේනම් අභය
අරහත් වීමත් පෙලහර පැමක්...
- පූරණයෙන්ම රජුනි.
මේසේ මා මේ විස්තර කරා වු සෘද්ධි බල දහය ගෙන නැවත බලන්න. අැතැම් දෑ ඉතා සරලව
පෙනුනත් ඒ් සරල සේ පෙනෙනා තරමටම ගැඹුරුයි.
සතරවන ධ්යානයේදි සමාහිත වූ සිත ප්රාතිහාර්ය පෑමේ හැකියාවෙන් යුතුවේ.
තමාට ඕනෑ අන්දමට පෙළහර පෑමට හැක්කේ සිව්වන දැහැනේදී පමණි. සතරවන ධ්යානය ලද පමණින්ද පෙළහර පෑ නොහැකිය.
සිත වශීකෘත කිරීමෙන්ම සිතෙන් වැඩගත හැකිවේ.
+ ඒය ඒසේද ?
- ඒසේය. මේ
සෘද්ධී පෑම් නිවන් මගට උපකාර නොවන නිසාවෙනුත් සෘධි බල ලදුවත් ඒ් උපයෝගී කොට
ගෙන දහම වෙත නැඹුරු කර ගැනීමත් බුදු දහමට අනුව නොකල යුතු දෑය.
+ හ්ම් වශී කිරීම්
අැස් බැන්දුම් ඉන්ද්රජාල සියල්ල
තාවකාලකයැයි සිතමි. යම් කිසිවෙක් අවබෝධයෙන් මේ ගෝතම දහම වෙත හැරෙන්නේද
නැඹුරු වන්නේද හෙතෙම ඒය දිවි හිමියෙන් රකින්නේය පිළිපදින්නේය නිවන් මාර්ගයට
පිවිසෙන්නේය. ඒසේ නේද අභය.
- ඒසේය මා රජුනි..
+ මේ යුද්ධය
දිනීමෙන් පසු මෙ ලක තුල මා වෙහෙර විහාර සිය දහස් ගනනින් ඉදි කරවන්නෙමි. සංඝයා
වහන්සේලාට අැප උපස්ථාන කරන්නෙමි. අහස් කුස සිඹින රන්වනින් බබලන මහා සෑ , බුද්ධ මන්දිර ඉදි කරන්නෙමි.
- ගැමුණු රජුනි,
මිනිසුන් ධර්මය
කෙරෙහි නැඹුරු කිරීමට අවශ්ය සුපැහැදිලි
ධර්ම දේශනා මිස අහස් කුස සිඹින රන්වන් මාලිගාවන් වැනි ඉදිකිරීම් නොවේ. ඔබ
වහන්සේ කල යුත්ත පමණක් සිදු කරන්න
+ කල යුත්ත පමණක්..
- ඒසේය මෙවේලෙහි
අවැසි වන්නේ යුද්ධය දිනිමය වැසියන්ගේ සිත් යුධ බියෙන් මුදා ලීමය..
+ ඒසේනම් බුදු
දහම..
- රජුනි යුධයෙන්
පසු රට වැසියා තනන්න, ඔවුනට අවශ්ය ධාන්ය බෝග වගා කිරීමට , වෙළහෙලදාම් කිරීමට ඔවුනගේ
කර්මානතයන්ගේ නියැලීමට ඉඩ සලසාදෙන්න ඒ් ඒ් කරුනු සදහා රාජ්ය අනුග්රහය දෙන්න. යුද්ධයෙන් පසු බිද වැටී
අැති ස්ථාන, අලාභානි වී අැති
ස්ථාන ප්රතිසංස්කරණය
කරන්න.
+ ඒහෙත් බුදු දහම ?
- රජුනි යුධ බිය
සිතේ අැති වැසියන්ට ධර්මය ගැන සිතීමට නොහැක්කාක් මෙන්ම කුස ගින්නෙන් දැවෙන විටත්
ධර්මයෙන් ඔවුනට පලක් නැත . ධර්මයට රාජ්ය අනුග්රහය ලැබිය
යුත්තේ හුදෙක් ගොඩනැගිලි ඉදි කිරීමට පමණක් නොව වැසියන්ද නගාසිටුවීමටය. රජුනි
අතක පයක වේදනා දෙන පැරුණු තුවාල අැති පුද්ගලයෙකු ගැන සිතන්න ඔහුට කොතරම් ධර්මය
දේශනා කලද පලක් නැත පලමුව කල යුත්තේ ඔහුගේ තුවාලය සුව කිරීමයි..
+ ඒය නම් සැබෑවකි.
- ශරීරයේ තුවාලය
අපට බැල්මකින් අදුනාගත හැකිවුවත් වැසියන්ගේ සිත් තුල වූ තුවල අදුනා ගත හැකි
වන්නේ ඔබ වහන්සේ ප්රඥාවන්ත වූවොත්
පමණි..
+ ඉදින් අභය බුදු
දහම ඉන් රැකේද ?
- මා ගැමුනු රජුනි
. යුද්ධයෙන් පසු මා කීවාක් මෙන් කර බලන්න. මිනිසුන්ගේ කුස පුරවන්න, බාහිර තුවාල වලට පිලියම් කරන්න..
+ ඒවිට
- ඒවිට ඔවුනට ධර්මය
අවෙබා්ධය කරගැනීමට තරම් සැහැල්ලු පැහැදිලි මනසක් ලැබෙනු අැත. ඒතැන් පටන් ඔබ
වහන්සේගේ මැදිහත් වීමකින් තොරවම ඔවුන් විහාරස්ථාන වෙත අැදෙනු අැත. ඔවුන් ඒ්වා
ගොඩ නගනු අැත රකිනු අැත.. ප්රතිසංස්කරණය කරනු අැත.
+ නුඹට පින් අභය, පැහැදුනිමි..
- රජුනි මිනිසුන්ට
ජීවත් වීමට නම් අාගමක් අවශ්ය ම නැත. අාගමක්
අවශ්ය වන්නේ ඔවුන්ව
යහමගට ගැනීමට ය.
ඒහෙත් අාගමක්
ජීවත් කරවීමට නම් " අපට මිනිසුන් අවශ්ය මය "
-------------- කුරුළු --------
( රාවණ – ගැමුණු රජු – දස මහායෝධයන් සතුව මෙවන් අසාමාන්ය විදයා / ඉන්ද්රජාල ශක්තීන් ඇතැයි මනංකල්පිතව ” දසිස් ” නමින් මා ලබන මේ ප්රභන්ධය කර්තෘ
දැනුවත් කිරිමකින් තොරව කතාව ඇසුරින් සිදු කරන්නාවූ කොටස් උපුටාගැනීමක්, අනුකරණය කිරීමක්, ආර්ථික අයිතිවාසිකම්වලට කෘතිය
ප්රතිනිෂ්පාදනය කිරීමේ, විකිණීමේ, කුලියට දීමේ, බෙදාහැරීමේ, මහජනයා සඳහා සන්නිවේදනය කිරීමේ සහ
පරිවර්තනය කිරීම වැලැක්වීමට බුද්ධිමය දේපල නීතියේ ප්රකාශන අයිතිය යටතේ ආරක්ෂා කර
ඇත. )
දසිස් සියල්ල
විඳින්න වෙබ් එකට යන පාර -
http://www.kurulu.lk
- කුරුළු Android
App එක දාගන්න.. -
https://play.google.com/store/apps/details?id=io.kurulu.app
