== මේ ප්‍රේම කථා නවතා මොහොතක් - අපි අවට බලමු ඇස් ඇරලා ==

'

- සුදු අයියෙ

+ ඇයි ?

- මට තෑග්ගක් ඕන

+ එක පාරටම

- ඔවු මට ඕන

+ මොකක්ද ?

- හාවෙක් ඕන ..

+ ඔයාට ?

- ඔවු මට හාවෙක් ඕන ඇති කරන්න ගෙදර

+ ඉතින් මාව ගෙනිහින් තියාගන්නකො

- හුහ් මෙන්න වැඩක්.. මට ඕන චිම්පන්සියෙක් නෙවි අනේ හාවෙක් හාවෙක් ! අර කං ලොකුවට තියෙන්නෙ

+ ඉතින් මං හාවෙක් තමා

- ආ... මේං වැඩක් දැන් එතකොට ඔයා හාවා .. අනේ විහිලු නෙවෙයි අනේ

+ හම් ඉතින් දැන් බල්ලෙකුත් ඉන්නවනේද ගෙදර

- ඔවු ! ඉතින් ඒ බල්ලෙක්නෙ. හාවෙකුත් හිටියනං මොකෝ

+ ඉතින් එහෙම බැනේ බල්ලොත් එක්ක හාවො තියාගන්න බැ උන්ව හපනව.

- නැ අනේ හාවො හප්නනෙ නැ උන් අහිංසකයි

+ මී හරකියෙ. හාවව බල්ලා හපයි,

- නැ අනේ අපේ බ්ලැකියා එහෙම නැ එහෙනං අපිවත් හප්නනෙපැයි

+ ඇයි ඔයාල හාවොද ? සත්තු කැමති නැ එයාලට ලැබෙන ආදරේ බෙදනවට කොහොමත් ඔයා හාවාව හුරතල් කරද්දි ඌව හපල දායි.

- අනේ යනව යන්න. බැ කිවුව නං ඉවරනෙ බොරු නොකිය.

+ බොරු නෙවේ.

- නැත්තෙ කොහද අර පල්ලෙහා ගෙදර අංකල් ඒ නංගිට ගෙනත් දිල එහෙත් බල්ලෙක් ඉන්නෙ ඔය ඉ්නනෙ දෙන්නම ෂෝක් එකට.

+ හම් එක්ත් එහෙමද? එ්ක තමා මෙයාටත් ඕන. දකින දකින දේ ඉල්ලන එක තාම අයින් වෙලා නැ වගේ.

- අනේ මේග හොද සුදු අයියනෙ දෙනව නේද මට එකෙක් !

+ හම් හා මම ඊලග දවසෙ එනකොට ගේමු. දෙන්නත් එක්කම යමු ගිහින් ගේමු. දන්නවද ඉන්න තැන්.

- ඔවු.... මම දන්නව.. පොලේ ඉන්නව කුඩු වල දාල.. මම දන්නව තැන මම එක්කං යන්නං හොදද ඔයා මට අරන් දෙන්න ලස්සන එකෙක්. මම ඌව තියාගන්නං මගේ ලගින්ම.

+ සුදු නංගි දන්නවද හාවො කරන්නෙ කනවයි ජරා කරනවයි විතරයි. වෙන වැඩක් නැ ඔයාට ගේ හෝද හෝද ඉන්නවෙයි ?

- නැ නැ කමක් නැ මම ඒව කර ගන්නං. මට ඕන හවසට ආවම ඌ එක්ක සෙල්ලං කරන්න.

+ එතකොට බ්ලැකියා

- ඌත් ඉන්නව ඉතින් ඌත් එක්ක දැං සෙල්ලං බැ අප්ප ඌ හෙන ලොකුයිනෙ.ඌ ඉන්නෙ මගේආරක්සාවට.

+ හ්ම් ඒකත් එහෙමද ? හොදයි සුදු නංගි මට පොරොන්දුවක් වෙන්න ඕන හැබැයි.

- මොකක්ද ?

+ හාවෙක් සුදු නංගිට ලැබුනත් කවද හරි ඌ මැරුනොත් අඩන්නෙ නැ කියල.

- අනේ ඇයි මේ මැරෙන කතා කියන්නෙ ගේන්නත් කලින්. නැ මම මැරෙන්න දෙන්නෙ නැ මම බලාගන්නව ඌව.

+ මේ අහන්නකො. ඒ සත්තු බල්ලා, ගිරවු, ලවු බර්ඩ්ල, මාළු, හාවො, පුසො සේරොම අපි තරං ජීවත් වෙන්නෙ නෑ. උන් ඉක්මණට මැරෙනව කොහොමත්. තේරුණාද? ඒ නිසා හාවෙක් නෙවෙයි ඕනම සතෙක් අපේ ළගට ගන්න කොටම අපි දැනගන්නොන ඒ අය අපිට කලින් මැරෙනව කියල . ඒ අදද හෙටද අවුරුද්දකින්ද දෙකකින්ද කියන එක නෙවෙයි වැඩේ. කොයි වෙලාවෙ හරි මැරෙනව කියල අපි දැනගෙන ඉන්න ඕන. අපිත් එක්ක ඉන්නකං හොඳට බලාගත්තාම ඇති. තේරුණාද ?

- හ්ම්..

+ සත්තු විතරක් නෙවෙයි සුදු නංගි. මාත් මැරෙනව කවද හරි ඔයත් මැරෙනව. සුදු නංගි කවදා හරි හිතුවද සුදු නංගිගෙ අම්මයි අප්පචිචිත් මැරෙයි කියල.

- නෑ

+ ඒකනෙ. ඒ අයත් මැරෙනව. අපේ සීයල මැරුණා. එතකොට සීයගෙ තාත්තව මම දැකල නැ එ ්කිය්නනෙ ඊට කලින් එයාල මැරිල. ඒ වගේ අපේ අම්ම අප්ච්චිත් අපිව දාල යනව. කවදා හරි දවසක අපි දෙන්නත් යයි. අපිත් එක්ක ඉන්න කං හොදින් හිනා වෙලා ආදරෙන් ඉන්න එක තමයි අපි කරන්නොන. අම්මට තාත්තට කිලන් අපි මැරුනොත් අපිට දුකක් නැතත් එයාලට ගෙඩක් දුක හිතෙනව. ඒත හරි නම් පිළිවෙලකට අපි හැමෝම මැරෙන්න ඕන.

- සුදු අයියෙ. අම්මයි අප්පච්චියි මැරෙයිද ? බ්ලැකිත් !

+ හහ් හහ් හහ ්හහ් හහ්.. ඉතින් මම කිවුවෙ දරුවො. අඩු ආයුෂ තියෙන අය ඉක්මනට යනව. වැඩිපුර තියෙන අය වැඩිපුර ඉදල යනව එච්චරයි. එකම දේ නං අපි දෙයක් ලං කරගන්නකොටම දැන ගන්නෝන මේ දේ කවද හරි අපිව අතහැරල යනව කියල සුදු නංගි මේ ලෝකෙ කිසිම දෙයක් සදාකාලික නැ. මමත් මැරෙයි දවසක ඔයාව දාල.

- අනේ එහෙම කිය්නනෙපා මම තනිවෙයි..

+ අන්න දැක්කද ඕක තමයි නංගි අල්ලා ගැනීම කියල බුදු සාදු කිවුවෙ. ඔයා බය ඔයා තනිවෙනවට මිසක් අපි මැරෙනවට නෙවෙයි. නිවන් යන්න ඕනි නම් අල්ලා ගැනිම නවත්තවන්න. ගිහි ගෙයි ඉන්නවනම් අවබෝධයෙන් ඉන්න. සුදු නංගි ආසාවෙන් අරංගිය බැග් එක පෑන , ගෙදර කොප්පෙ පිගාන ඇඳ, ඇඳුම් කෝචචර ආස වුනත් කී පාරක් වෙනස් කරන්න ඇතිද ? ආසාවෙන් ලං කරගත්තුව ඔයාට වදයක් වලා විසික් කරන්න ඇතිද ? හැම දේම ඒ වගෙයි සුදු නංගි. ලං නොකර ගෙන හිටියහම ඇති. ඇතින් ඉදන් බලල සතුටු වෙන්න පුලුවන් නං ඒක වටිනව‍

- හ්ම්. සුදු අයියෙ...

+ ඇයි..

- මට අර හාවා එපා..!

+ ඇයි ?

- නැහැ කමක් නැ. දුකක්නෙ බැරිවෙලා හරි බ්ලැකියා එයාව හැපුවොත්. ඊට පස්සෙ මට බැලැකියත් එක්ක තරහ හිතෙයි. ඕන නැ. සුදු අයිය කිවුව හරි. මම පල්ලහා ගෙදර හාවාට හැමදාම මොනව හරි අරං ගිහින් කවල එන්නං. එ් ඇති.

+ හොදටම විස්වාසද ඕන නැ කියල.

- හ්ම්.. ඔවු. මම තේරුම් ගත්ත සුදු අයිය කිවුව දේ..

+ හා එහෙනම් මම තියන්නම් බුදු සරණයි.

- සුදු අයියෙ.. එත් ..

+ එත් මොකද ?

- සුදු අයිය මාව දාල යනව කියල මට කියන්නෙපා මට දුකයි. මම අඩනව.

+ දැන් ඔය අඩන්නෙත් ආශාවන් අල්ලාගත්තු නිසාන් නංගි. එහෙම නෙවෙි අපි ජීවිතේ තේරුම් අරං ජීවත් වෙමු. එතකොට අපිට ජීවිතේ ලේසි වෙයි.

- හා මං ආදරෙයි ...

+ ආදරෙන් ඉන්න සුදු නංගි...

======================

මේ ප්‍රේම කථා නවතා මොහොතක්.....

අපි අවට බලමු ඇස් ඇරලා.....

නැති බැරි කම් හතර අතේ....

පාවෙනවා සුලඟ වගේ....

.

නැති බැරි කම ජය ගන්නට වෙර දරනා මිනිස්සුන්ට

අපි දෙන්නා ඔරුවක් වෙමු ජීවන ගග පැද යන්නට

.

අවුල් තැවුල් පිරුණු ලොවක අසරණ වූ මිනිස්සුට

අපි දෙන්නා පලසක් වෙමු දෙපිය නගා ඇවිදින්නට

.---------- රඹුකන සිද්ධාර්ථ හිමි ( රචනය )

===============එඩ්වඩ් ජයකොඩි සහ චරිතා ප්‍රියදර්ශනී

-- කුරුළු--

Song - https://www.youtube.com/watch?v=ZvmEJxghGww

== ගමේ අයගෙ හිත්වල හැටි - මේ ඩිංගෙදි මං දැක්කා ===

.

= දැන් පොඩි නම මොකක්ද අදහස් කරන් ඉන්නෙ

- මෙහෙමයි හාමුදරුවනේ

= කොහොමයි

- දැන් අපේ විහාරේ බණ මඩුව ගරා වැටිල. විහාර ගෙයිත් එක පරාලයක් තියෙන්නෙ අර ආලවක යක්සයාගෙ උරහිස උඩ. කොයි වෙලේක හරි උපාසක මහත්තයෙක් ගෙ ඇගට වැටෙනව .

= හ්ම්.

- ඉතින් ලොකු හාමුදුරුවනේ මම කල්පනා කලා සම්මාදමක් කරන්න

= සම්මාදමක්

- එහෙයි. මම අපේ පිරිවෙනේ හාමුදරුවොරු එක්ක කතාකලා. උන්නාන්සෙලා කැමතියි වැඩේට. උන්නාන්සෙලත් තම තමන්ගෙ පන්සල් හදාගෙන තියෙන්නෙ එහෙමයි.

= ඒ කොහොමයි

- මෙහෙමයි දැන් අපි හාමුදරුවනේ හැමදෙනාම ආධර එකතු කරන්න ටිකට් මුද්‍රණය කරල ගෙයින් ගෙට යනව. කිසිම බල කිරීමක් නැ කැමති නං ගත්තු දෙන් නැත්තං නිකා උන් දෙන්.

= හ්ම් ඒකත් එහෙමද ?

- එහෙමයි. අපි දහ දෙනෙක් යනව ගම් දහයකට ඊළගට තවත් දහයකට. මම ෆේස්බුක් එකෙත් ගෘෘප් එකක් හදල තියේනනෙ මේකට

= ගම් දහයෙන් දහයට යනව කිවුවෙ. මේ අපේ ගම් පලාතෙන් නෙවේද පොඩි නම මුදල් සම්මාදම් කරනන් හිතන් ඉන්නෙ.

- මොන ! මේ තියෙන්නෙ හාමුදුරුවනේ ප්ලෑන් එක මේ බලන්නන. මේ වගේ විහාර මළුව තියෙන්නෝන .. මේ තියේනනෙ තනිකරම රත්තරන් පාටට දිලිසෙන්නෝන. චෛත්‍ය හදන්නෙ දෙවැනි තට්ටුවෙ ඒක තමා උඩම. පන්සල් ඉඩමට ඇතුලු වෙන තැනම ලොකු ඇත්තු ඉන්න මකර තොරණක්. එතකොට අළුත් බණ මඩුවක්.ආවාස ගෙයක්. එතකොට හාමුදුරුවනේ අපේ අර පහල වෙල තනිකරම සුද්ධ කරල අපි නෙළුම් මල් වවනව. ලස්සනට තියේවි එතකොට.

= දැන් පොඩි නම මොනවද බලාපොරොත්තු වෙන්නෙ මේව හදල

- ඇයි හාමුරුදවෙනේ බලන්නකො අර ටවුන් වල පන්සල් වල ලස්සන. මමත් මේ ළගදිත් එකක් දැක්ක ඉන්ටර්නෙට් එකේ. ලොකුම පිලිමෙ තියේනනෙ එහෙලු දැං. අපිත් මේ පන්සල දියුණු කරල ගත්තහම සුද්දො හිටං එයි බලන්න.

= සුදු ඇත්තො මොකටද ගෙන්න ගන්නෙ. කීයක් විතර වියදම වෙනවද

- මම හිතන්නෙ ලක්ෂ හැට හැත්තාව පනිවි

= එහෙමද ? පොඩි නම. අමනාප වෙන්නෙ නැතිනං මං දෙයක් කියන්නද ?

- හාං ..!

= හොදයි පොඩි නම දැන් ඔය කියන විදියට මේ පන්සල දියුනු කලා කියමු. එත් මේ දැන් තියෙන විහාරේ බණ මඩුව පිලිමගෙයි සුද්ධ පවිත්‍ර නොකරන, අලුත් වැඩියා නොකරන, පන්සලට දානෙ වේල ලැබුනද නොලැබුනාද කියල හොයන්නෙ නැති මේ ගමේ ඇත්තො ඔය අලුත් පන්සල ගැන හොයල බලාවිද ? බුදුන් වහන්සේගෙ ධර්මය කියල කියන්නෙ ගොඩනැගිලි වලට නෙවෙයි පොඩි නම, වෙහෙර විහාර සෑදිය යුතුයි ඒක පිං කටයුත්තක් එහෙත් ඒ ඵලදායී කාරණාවක් විය යුතුයි.

ඊට වඩා නරකද පොඩි නම අපි මේ ගොඩනැගිලි හද හද පන්සල ලොකු කරනවට වඩා පොඩි නමට පුලුවන් නං අර කිවුව දහයක් හාමුරුවරුත් වඩම්මවගෙන මේ ගම ගෙවල් වලට වැඩම කරල ධර්ම කාරණා තේරුම් කරල දෙන වැඩපිලිවෙලක් හැදුවොත්. ඒ ඒ ගෙවල් වල ඉන්න ළමා ළපටින්ව දහම් මාර්ගයට යොමු කලොත්.

සුදු මහත්තරු එන එක හොදයි. ඒත් ඒ ඇත්තන්ට කලියෙන් අපි අපේ ගම හදාගත යුතුයි පොඩි නම. අපේ ගමේ ඇත්තොන්ට පන්සල අමතක වෙනකොට පිට ඈයොන්ට ටිකට් විකුනල මොකට කරදර කරනවද ? ඕන්නං ඒ ඇවිල්ල මේක හදල වැඩිදියුනු කරයි නොවැ. දානය හිත ඇතුලෙන්ම පැන නැගිය යුතුයි.

- හ්ම්. එත් හාමුදරුවනේ. මේක කඩා වැටුනොත් අපි කොහේ කියල යන්නද ?

= සිදු නොවුනු දේවල් ගැන සිතමින් දුක් විය යුතු නැහැ නොවැ, සිදු වූ දේවල් ගැනත් දුක් විය යුතු නැහැ. සිදු වෙමින් පවතින දේ ගැන සිතන්න පොඩි නම. එවැනි කරදරයක් සිදු වුවහොත් අප වනවාසී වෙමුද ? නැතිනම් වෘක්ෂමූලික වෙමු ? පොඩි නම බය .. මහ පාරටද  ? පන්සල නැති වෙනවටද ?

- දෙකටම

= බුද්ධ ප්‍රත්‍රයින්ට කොහොමත් පිඩුසිඟා වැඩිය හැකියි. මමය මාගේය කියා කිසිවක් නැහැ පොඩි නම. ඉතින් අපේය කියා විහාරයක් කෙසේ පවතින්නද ? අපේ සිරුරවත් අපිට ඕනැ ආකාරයෙන් පවත්වාගන්න බැරිකොට පොඩි නම මේ බාහිර දේවල් කොහොම විස්වාස කරන්නද?

පොඩිනම කැමති නම් හෙට ඉඳන් විහාර අලුත් වැඩියාව තමන්ම අරඹන්න. ඉදලක් කොස්සක් දැල් කඩනයක් දැනටමත් පන්සලේම තියෙනවා නොවැ. බාගදා දායක ඇත්තොත් එක්කාහු වේවි. දිලිසිය යුත්තේ ,පන්සල නොව ධර්මයයි රන්වන් පැහැ විය යුත්තේ පන්සල නොව ධර්මයයි විහාර දොරකඩ සිටිය යුත්තේ මැටියෙන් තැනූ ඇතුන් නොව හෙට නැගෙන සිංහයක් බඳු නුඹ වැන්නන්ය. පහල වෙල සුද්ධ කර නෙළුම් වලින් පිරවීමට ප්‍රථම නුඹ නෙළුමක්ව පිපෙන්න එවිට මේ පන්සල විතරක් නොව මුළු ගමම එලිය වේවි.

බාගදා මුළු රටම නුඹ ගැන කතා කරාවි. පන්සලේ ගොඩනැගිලි තිබුණත් නැතත් නුඹත් සද්ධර්මයත් මුල් බැස ගනීවි.

- එහෙමයි

= සිදුහත් කුමාරයා රම්‍ය සුරම්‍ය සුභ අතහැරල වනගත වුනානම් ඇයි පොඩි නම මේ හැටි දොමනස් හිතක් ? බුදුන් වහන්සේට ආරාම පූජා කලේ ධර්මය ගැන පැහැදිලා මිසක බුදුන් වහන්සේගේ අණකට නෙවෙයි. පොඩි නම ටිකට් වලින් රුපියල් සියයක් එකතු කරාවි. එත් පොඩි නම මිනිසුන් තනන්න, එක්කාහු කරන්න පටන් ගන්න. සිල්වත් වෙන්න, රහසින්වත් පවු නොකරන්න, ගුණවත් වන්න, ඥාණවන්ත වන්න, හැකිනම් ධ්‍යාන වඩන්න.

මාගේ උපදෙස නම් එයයි. ඉන් එහාට නුඹගේ කැමත්තක් වේවා.

- ලොකු හාමුදුරුවනේ, අවසරයි මට සැතපෙන්න යන්ට.

= සුවපත් වේවා. මට පන්සල හදන්න උවමනා මේ මහ පොළවෙ නෙවයි පොඩි නමගෙ හිතේ.

- අවසර, හෙට උදේම සවලටයි උදැල්ලටයි මම මිටක් කපන්නං.හාමුදරුවනේ මට පරණ සිවුරක් තියේ නං දෙන්න හෙට වැඩ කරනකොට ඇඳගන්න.

===============================

මං ආවේ බුදු සාදුගෙ මූණ දකින්නයි

මූණ දැකලා හිතේ සතුට ඇති කර ගන්නයි

.

දූවිල්ලෙන් සිවුර පිරිල මකුල දැලින් මුහුණ වැහිල

ගමේ අයගෙ හිත්වල හැටි - මේ ඩිංගෙදි මං දැක්කා..

.

මහා පොලව සේ නොසැලි ඉවසීමේ ගුණය කියල

දහම් පොතෙන් කියෙවුව හැටි - මේ ඩිගෙදි මං දැක්කා..

============ හර්ෂණ දිසානායක

----කුරුළු---

ගීතය -

https://www.youtube.com/watch?v=xFzEjzIaty0

=========== දෑසේද නුඹය -කඳුළු වලද නුඹමය =========== == දෑස පියා ගතිමි - හදවතේද නුඹ මය =

.
- සුදු අයියෙ
+ ඇයි
- අර ඔයා ලයික් කරපු පින්තූරෙ 
+ ඉතින් 
- ඒකෙ මම ඉන්නෙ කොතැනද කියන්න
+ වම් පැත්තෙ මුලින්ම ඉන්න කෙල්ල ඔයා
- මගෙ දෙයියනේ ඔයා කොහොමද ඒක හරියටම කිවුවෙ . ඔයා කොහොමද ඒ කලුවරේ මාව හොයා ගත්තෙ.. 
+ ඒහෙම තමයි වොට්සන්. මම මේ වෘත්තියට නවකයෙක් නෙවෙයිනෙ. සූක්ෂවම පරිශීලනය කරපු කරුණු වලින්. වෙටාසන්ට අවශ්‍යද ඒ ගැන දැනගන්න
- ඔවු හොම්ස් කරුණා කරල මට කියන්න. මම පැටලිලා ඉන්නෙ මේ ප්‍රශ්නෙට.
+ හොඳයි එහෙමනම්.
මෙහෙයි වොට්සන් මුලින්ම අපි ගමු ඒ පින්තුරය එතැන පැහැදිලිවම
මට පේනව ගැහැනු ලමයි 3න් දෙනෙක්ව
දකුනෙ මැද සහ වමේ මුල
මම වොට්සන්ගෙන් ඇහුවා මතකද වොට්සන් එතැන ඉන්නවද කියල
ඉතින වොට්සන්ගෙ පිලිතුර වුනේ හා පුලුවන් නම් කියන්න බලන් කියන එක
ඒකෙන් මම නිගමනය කලා වොට්සන් ඒ පින්තුරය තුල ඉන්න බව
මම ඒ වෙනකොට අනික් පින්තුර බලල තිබුනෙ
ඉතින් ගැහැනු ලමයි 3න් දෙනා බැලුවාම මැද ඉන්න ලමයව 
අයින් කරන්න වෙනව අපිට මුලින්ම මොකද ඒ වොට්සන් නෙවෙයි
අර ඉරි ඉරි එකක් ඇදන් ඉන්න කෙනා විය යුතුයි
ඊලගට දකුන සහ වම
එතැනදි දකුනේ ගැහැනු ළමයාගේ මුහුන සහ ඇගේ හැඩය වොට්සන්ට 
කොහෙත්ම සමපාත වේන්නෙ නැ
ඒ *********** විය යුතුයි
***** මෙතැනින් අයින් වෙනව සායක් ඇදල නිසා
එතැනට ගිහින් තියෙන්නෙ ගැහැනු දරුවො 5යි
එතැනින් 1ක් සායක් ඇඳන් ඉන්න කෙනෙක්.
ඉතරු 4 දෙනාම කලිසම් ඉරි ඉරි උඩ ඇදුමක් ඇඳන් ඉන්න 
එක්කනා මම ඉවත් කරනව එයා ඉන්නෙ පින්තුරයෙ මැද නිසා 
එතැනින් ඉතිරි 3යි අර
දම්පාට එකක් ඇදපු ලමයා කොන්ඩෙ කඩල දාල ඉන්නෙ
ඒ අනිවාරයෙන්ම ඒ කාණ්ඩෙ ඉන්න අර කෙට්ටු කෙනා විය යුතුයි.
ඉතින් කොන්ඩෙ බැඳන් ඉන්නෙ 2න්නයි ******* සහ වොට්සන් පමණයි
එතැනදි මට ප්‍රභල සාක්ෂියක් ලැබෙනව
ඒ තමා එතැන වොට්සන් මට පේන විදියට ඉහලට ඔසවන්නෙ තමන්ගෙ වමත
වම් පැත්තෙ කෙනා ගෙ වමතෙ වොටසන්ට දකින්න පුලුවන්
යම් ඔරලෝසුවක් හෝ වලල්ලක් තියෙනව අන්න ඒ වලල්ල ගැන 
මගේ අවධානය වඩාත් යොමු වුනා
එතැනදි ****** ගෙ අතේ වළල්ලක්නැ වොට්සන්ගෙ අතේ තියෙනව
මට හොදින්ම පෙනුන ඒ වොට්සන්ගෙ ඔරලෝසුව කියල‍
අනෙක් එක මං මෙච්චර ආදරේ කරන වොට්සන්ව මට කලුවරෙත් අදුරන්න බැරිනං මම රහස් පරීක්ෂකයෙක් වුන එකේ තේරුමක් නැ
හොදට බැලුවොත් පෙනේවි වොට්සන්ගෙ දකුනු අත සීගිරි විජ්ජු ලතා ගෙ වගේ
ලාලිත්‍යට තියාගෙන ඉන්න හැටි
ඒ කාණ්ඩයෙන් යම් කිසි ලාලිත්‍යක් ඇතිව පින්තුරවලට ඉන්නෙ වොට්සන් විතරයි
ඉතින් ඒ වම් පැත්තෙ ඉන්නෙ වොට්සන් කියල නිගමනයකට එන්න මට ගතවුනෙ තත්පර කිහිපයයි
හැබැයි ඒක බොහෙම දුර ඉදල තියපු ඊයක් ! අවිනිශ්චිතව !
හැබැයි වාසනාවට මගේ නිගමනය හරිගියා වොට්සන් ! 
අන්තිමට වොට්සන් මගේ දැලට අහු වුනා
හහ් හහ් හහ් හ්හ හ්හ හ්හ හ්හ හා !
- මගේ අම්මෙහ් මේ වතුර එකක් දෙන්න බීල ඉන්න.
+ අපරාධකරුවා කුමන හෝ සාක්ෂියක් ඉතිරි කර යනවාමයි වොට්සන් මම හැමදාම කියනව වගේ වැරදි කරන්නෙපා මම එතනට එනව ! එක මගේ වැරැද්දක් නෙවෙයි !
මම කියපුව හරිද ?
- නෑ අනේ. මාව එතැන පේනනෙ නැ . කට්ටියට වැහිල ඉන්නෙ.කලුවරේ.
+ මොකක් ? හ්ම් එහෙනම් මම වැරදි අපරාධ කරු පැනගියා!
- ඔබට හැමදාම දින්න බෑ හොම්ස්.කමක් නැ ඔබ සෑහෙන්න උත්සාහ කලා,
+ ස්තුතියි වොට්සන් දිරිගැන්වීමට.හැමදාම ඔබගේ අගය කිරීමට.
- ඔබ කණගාටුවෙන්ද හෝම්ස්
+ ම්.. ඇත්තටම නැහැ.එත් මම කල්පනා කරන්නෙ කවුද ඒ දැරිවි.
- “අනෙක් එක මං මෙච්චර ආදරේ කරන වොට්සන්ව මට කලුවරෙත් අදුරන්න බැරිනං මම රහස් පරීක්ෂකයෙක් වුන එකේ තේරුමක් නැ“ හුහ් මරු දෙබස. අනේ මේ ඔන්න ඔහෙ ප්රින්ට් එකක් කරන් ඉන්නව. රහස් පරීක්ෂකවෙන්නෙ නැතිව.
+ එහෙම කියන්න එපා ඉතින්
- හ්හ්. පණ්ඩිත මොලේ තිබුණට මදි ඉතින්. ස්වප්නට වගේ තමන්ගෙ තීරණේ දැඩිව ගන්න හොඳ විස්වාසෙකුත් ඕන.
+ ස්වප්නා.. නෙද්දකිං..
- හා දැන් ගිහින් කාල ඉන්ඩ. මෙතෙැන හොරු අල්ලනේ නැතිව..හ්ම්.. හා ... හා. යන්න යන්න..
+ නෑ මම මේක විසඳලමයි කන්නෙ
- යන්න අනේ කන්ඩ. එතැන ඉන්නෙ මම . හුහ්. යනව.මහ ලොකුවට උත්තර හොයනව එත් ඒ උත්තරෙ ගැන විස්වාසයක් නැ. දුප් ගිහින් කාල එනව දැන් රෑ වෙලා..
+ එහෙනං මම හරිනේ. ෂහ්. බුදු සරණයි... ආදරෙන් ඉන්න සුදු නංගි..
==============================
Roja jaaneman tu hi mera dil
Tujh bin tarse naina
Dilse na jaati hai yaadein tumhaari
Kaise tum bin jeena 
==============================
---කුරුළු--

ගීතය -
https://www.youtube.com/watch?v=arEur8gF6ik

== පොල්කිච්චි වාගේ සණ්ඩු කරන්නෙ - මොණරිය වාගේ ආඩම්බරයි == ( බස්සියො නෑ හරී ) ==============

.

+ හෙලෝ

- හෙලෝ... හෙලෝ නෙවෙයි. මොකෝ උදේ ඉඳන් ෆොන් බිසි..! දැන් වෙන කෙල්ලෙක්වත් ඉන්වද දන්නෙ නැ.

+ අනේ නැ අනේ මට කොයින්ද එච්චර වාසනාවක්.

- එහෙනං බිසි

+ මම බ්ලොක් කලා

- කාවද ?

+ ඔයාව

- මොකෙන්ද ?

+ මගේ ෆොන් එකෙන්, ඔයාගෙ නම්බරේ බ්ලොක් කලා

- ඇයි ඒ.

+ මම වැඩ නිසා..

- ආපෝ හරි නපුරුයිනෙ ඔයා ඕන නැ මම තියනව. ඔහොම මිනිස්සු මට එපා

+ නැ මේ අහන්නකො

- නැ නැ ඕන නැ අයෙ කතා නැ ඔයා එක්කල. ඇයි දැන් බ්ලොක් එක අයින් කලේ

+ අහ් දැන් වැඩ අඩුයි

- ඉතින් බ්ලොක් කරලම තියාගන්න. ඔන් නැ මම කතා කරන්නෙ නැ ආයෙ. එහෙම සැරින් සැරේ වෙනස් වන මිනිස්සු මට එපා. මම තියනව බායි.

+ මේ අහනවකො ඉතින්. මම හිටියෙ මීටිමක. ඔයා කෝල් කලොත් ඇහෙන නිසා සයිලනට් කලා.

- ඉතින්

+ ඉතින ්කිය්නනෙ ඔයා කෝල් 5ක් අරන් තිබුන ඒ පාර මම ඕෆ් කලා..

- ඉතින්

+ ඕෆ් කරලත් තියන්න බැනෙ වැදගත් කොල්ස් එනවනෙ.

- ඇත්තද

+ ඉතින් මම ආයෙ ඔන් කරල ඔයාව බ්ලොක් කරලම දැම්ම. සිම්පල් ප්ලැන් එකක් නේහ්.

- අනේ මම අඩනව හොදද.. ඒ කියන්නෙ මගේ කෝල් එක ඔයාට වැදගත් නෑ නේද අයියේ හ්ම්.

+ අනේ මේ දැන් එල්ල ගන්න හදන්නෙපා. මම හවසට කෝමත් කතා කරනවනෙ. අනික හදිසියක් නං ඔයාට තිබුනනනෙ මැසේජ් එකක් දාන්න.

- මම දවල්ට කැවෙත් නැ බලන් හිටිය ඔයා කොල් කරනකං මම හිතුවෙ ඔයාට කරදරයක් වෙලා ඇති කියල

+ කරදරයක් වුනා තමා කොල් කරපු වෙලාවෙ එක දිගට

- යකෝ.. මම කිවුවෙ මාව නෙවේ.. තොට අසනීප වෙලා ඇති කියල හිතුවෙ..

+ මොකක් ? යකෝ ! තොට ! දෙන්නෙ කට තැලෙන්න. කොහෙන්ද රස්තියාදු වචන ඉගෙන ගත්තෙ

- ඇයි ඇයි මොකෝ ඔයා . ඔයා නපුරු නං මාත් එහෙමයි. මම මේ අහංසක වෙන්න වෙන්න මෙයා එනව මාව යටත් කර ගන්න. ඉන්නවකො මාත් ඉන්න කැත්තට පොල්ල වගේ.

+ ආයෙ කියල තිබුනොත් බලාගමු හරිද ? මට ඔය වගේ වචන කිවුවොත් මේ සම්බන්ධෙ ඉවරයි.

- ආ ඇත්තද මේක කොහොමත් මෙතැනදිම ඉවරයි. ආයෙ කියන්නෙ නැ ඒ නිසයි කියල දැම්මෙ.

+ ආ එහෙමද අම්මණ්ඩි. එහෙනං මම තියන්නම්

- තියන්නොපා අහගන්නව මේ ටික හොඳට !

+ මොනවද නැ ඔන නැ මම තියන්නං..

- නෑ අහගන්නව. මේ සෙනසුරාදා ඒ කියන්නෙ 12 හවස 3 ඉඳන් Yashodha Sammanimani​අක්කගෙ පොත එලිදක්වනව..

+ ඉතින්. මම දැක්ක මේ දවස්වල වොල් එකේ අඩියක් අඩියක් ගානෙ ඒක ගැනමයි පෝස්ට්.

- එහෙම තමා ලස්සනට වැඩක් කරනකොට. හොදට පබ්ලිසිටයක් තියෙන්න එපැයි

+ එහෙමද ? මම හිතං හිටියෙ විකිණෙන අඩු බඩු වලටයි ඇඩ් දාන්නෙ කියල.

- ඊරිසියාව මිස්ට කුරුළු ඕක ඉරිසියාව දන්නවද .. අනේ පවු ඔයා..

+ හරි දැන් මොකටද මේ කෙකර ගාන්නෙ මෙයා ..

- ඉතින් මට ඒකට යන්න වෙන්නෙ නැනෙ. මම ඒ අක්කගෙ කවි වලට ආසයි

+ කවි ! එයා ලියනවද ? හා ඉතිං

- ඔවු ලියනව ඔයා වගේ සීනිබෝල ඒව නෙවේ.. මේ ඉන්න කෙල්ලො බුරුතු පිටින් ඔයාගෙ කවි වලට මැරෙන්න හැදුවට මම ආස බස්සි අක්කගෙ කවි වලට.

+ අහ්. එහෙමද ? දැනගත්තු එක හොදයි.. ඇන්ටිල එහෙම තමා කොහොමත්.කෙල්ලො වගේ නෙවේ.ඉතින් කියන්නකො සුදු

- මරනව ඇ... දැන් ඔය මට නොකිය කට්ටි පැන පැන හිටියට එදාට “ මහවැලි කෙන්ද්‍රයට“ යනවනෙ නේද ?

+ හ්ම්. නොයා බැනෙ.. මගේ කොලිටිය තියාගන්නත් එපැයි.

- අපෝයි එතැනත් තමන්ගෙ වාසිය. මෙහෙමත් මනුස්සයෙක්ටනෙ මමත් ආදරේ කරන්නෙ. කමක් නැ කොහොම හරි ලෝබ නොවී තමුන්නාන්සෙ මට එයාගෙ කවි පොතක් අරන් එන්න. “ ඉතා කෙටි කලබල සිහින “

+ බුවුහ් හහ් හහ් හ්හහ හහ්

- ඇයි ?

+ මොකක් යකෝ ඒ නම ?

- ඒක තමා පොතේ නම. ඒක තමා තේරුම ලස්සනයි නේද !

+ වෙන්න ඇති. ඉතා කෙටි කොහෙද . එයා ලියන ඒවා මාගල් වගේ දිගයි අඩුම ගානෙ කවි තුනක් හතරකින් එහා.. කලබල සිහින කොහෙද ? මේක හොදට ප්ලැන් කරල කරපු වැඩක්නෙ. මම දැක්ක බුක් මාර්ක් එහෙමත් ගහල පිලිවෙලට වැඩේ යනව.

- මේ සුදු අයියෙ.

+ ඇයි සුදු නංගි

- මට ඔයාගෙ පැත්තෙන් සද්දයක් ආව.

+ මෙහෙන් ?.. ඉතින්

- පොඩ්ඩක් බිම බල්න්නකො ඉරි තලලද කියල.

+ බිම.! නැහැ ඇයි !

- අහ් නැද්ද ? නැ ඉතින් ඔය ඉරිසියාවෙ හැටියට මම හිතුව පොළොව වත් පැළිල ඇති කියල.

+ අනේ මේ. තියනව ෆොන් එක එනව මෙතන උදවු ඉල්ලන්න ඒකත් මටම කියව කියව. ගේනනෙ නැ පොත. ඉල්ල ගන්න ව එයාගෙන්..

- අනේ අනේ අනේ අන් පීස් මෙයා.. ගේන්නකො. මේ හොද අයියනෙ.. ඒත් එක්කම කාලෙකින් කවියක් දැම්මෙ නැ ඔයා වොල් එකට. අද මං ගැන කවියක් දාන්න හොද්ද .

+ කවි.. නැ මං කවි ලියන්නෙ නැ. ගිහින් ඉල්ල ගන්නව අර බස්සිගෙන්. මගෙන් ඉල්ලන්නෙ.

- අයියෝ මෙයා ඔයාට පොඩ්ඩ ඇත්තං තරහයනවනෙ. ඔයා ඔයගෙ සිට්ටම් එක යූස් කරන්න මෙතැනදි කලබල නොවී

+ මොකක්ද මගේ සිස්ටම් එක

- ඇයි අනේ ඔයා එතන ගිහින් කියන්න “ අවුලක් නැ මේ පොත සම්බන්ධව වැඩියෙන්ම සතුටු වෙන පුද්ගලයා මම ඒ කාරණා දෙකක් නිසා.

1. මගේ සුදු නංගි ආසාවෙන් කියවනව මේ කවි

2. බස්සි කියන්නෙත් එක්කතරා කුරුලු වර්ගක් නිසා මට මහත් ආඩම්බරයක් දැනෙනව,

දැන් හැමෝම කුරුල්ලො කියල. වැඩේ සේප්.. හූ හූ...හූ.. හූ..

+ දුවපිය යන්ඩ මැටි හරකි..

==========================

" පොල්කිච්චි වාගේ සණ්ඩු කරන්නෙ මොණරිය වාගේ ආඩම්බරයි

ගිරවිය වාගේ නිතර දොඩන්නේ ආදර කූඩුවෙ රන් කිරිල්ලී මගේ

.

දිය ඇල්ලක් වාගේ කඩා පනිනවා - ගඟුලැල්ලක් වාගේ සහනය දෙනවා

මල් පොකුරක් වාගේ සිනහ නගනවා - ගල් අහුරක් වාගේ තරහ පුරනවා

.

සෙවනැල්ලක් වාගේ සනීප දෙනවා - සුලි සුලගක් වාගේ ඇතට යනවා

දින දෙක තුන ගානේ අහක බලනවා - උන් හැටියම වාගේ ආයෙත් එනවා

.

සිනහ නගන්නත් නිතරම ඈ මට ඕනේ - හඩා වැටෙන්නත් නිතරම ඈ මට ඕනේ

සන්ඩු කරන්නත් නිතරම ඈ මට ඕනේ- එහෙම නැතෝත් ලෝකේ මම තනිවෙනවානේ

.

පොල්කිච්චි වාගේ සණ්ඩු කරන්නෙ මොණරිය වාගේ ආඩම්බරයි

ගිරවිය වාගේ නිතර දොඩන්නේ ආදර කූඩුවෙ රන් කිරිල්ලී මගේ "

=================== එම්. එස් ප්‍රනාන්දු මහතා

--කුරුළු--

Song
https://www.youtube.com/watch?v=GbNVeau8Evk